Nëntëdhjetë shtete dhe organizata janë regjistruar deri më tani për të marrë pjesë në një konferencë që synon të hapë rrugën për paqen në Ukrainë, të cilën Zvicra do ta presë më 15-16 qershor, njoftoi sot qeveria zvicerane.
Zvicra ra dakord në janar që të presë konferencën me kërkesë të presidentit ukrainas Volodymyr Zelensky dhe është përpjekur të sigurojë mbështetje për të midis vendeve me marrëdhënie më të mira me Moskën.
Rusia e ka hedhur poshtë idenë e konferencës si humbje kohe. Nuk është ftuar të marrë pjesë, thotë Zvicra, sepse e ka bërë të qartë se nuk është e interesuar të marrë pjesë. Megjithatë, Zvicra thekson se Rusia duhet të jetë pjesë e procesit të paqes.
Mungesa e saj ka inkurajuar aleatët e fuqishëm të Moskës si Kina të thonë se bisedimet e paqes janë të pakuptimta nëse Rusia dhe Ukraina nuk marrin pjesë. Kjo ka zbehur pritshmëritë për një lloj përparimi të madh në bisedimet në Zvicër.
/abcnews.al
