Bërja e ndryshimeve pozitive në jetën tuaj nuk është gjithmonë e lehtë. Mbi të gjitha ka kaq shumë zakone të këqija që na pengojnë. Gjithsesi, sot do ju tregojmë për disa zakone të mirë që do bëjnë një ndryshim pozitiv në jetën tuaj dhe që ia vlejnë të zhvillohen. Ato do të përmirësojnë shëndetin tuaj mendor dhe emocional.
1. Vlerësimi dhe jini mirënjohës
Ne natyrshëm priremi të përqendrohemi te negativiteti. Ky përqendrim në negativitet mund të na bëjë të marrim të mirëqenë gjithçka që kemi. Nëse praktikoni mirënjohje, do ta bëni zakon të njihni gjërat e mira në jetën tuaj dhe t’i vlerësoni ato më thellë.
2. Kujdesuni për veten
Kujdesi për veten përfshin një larmi praktikash, nga gjumi më i mirë te meditimi. Sidoqoftë, në përgjithësi, kjo i referohet bërjes së gjërave që ju ndihmojnë të pushoni, të relaksoheni dhe të mbushni bateritë. Ju duhet të synoni të keni të paktën dy-tre aktivitete në ditë që ju bëjnë të ndiheni më mirë, informon abcnews.al.
3. Renditni përparësitë tuaja rregullisht
Është e lehtë të harrosh atë që ka më shumë rëndësi. Jeta me të gjitha shpërqendrimet e saj thjesht të pengon. Kjo do të thotë që një zakon i mirë për t’u zhvilluar është të renditim sipas përparësive tona, të vendosim se çfarë është gjëja kryesore për ne tani dhe të shohim nëse rutina jonë e përditshme është në përputhje me këtë vlerë.
4. Ndërtoni një rrjet të fortë profesional
Marrëdhëniet tona profesionale mund të bëjnë një ndryshim të madh përsa i përket mundësive që mund të kemi. Ju mund të lidheni me njerëz profesionalisht përmes rrjeteve sociale, ngjarjeve profesionale dhe më shumë. Punoni për të bërë një përshtypje pozitive kur takoni njerëz të rinj dhe sigurohuni që të krijoni lidhje, informon abcnews.al.
5. Investoni në tre shtyllat e shëndetit
Shëndeti ynë bazohet në tre grupe zakonesh: si flemë, si ushqehemi dhe si ushtrohemi. Këto janë elementët thelbësorë në të cilët duhet të përqendrohemi për të ruajtur shëndetin tonë fizik dhe mendor.
6. Jetoni të tashmen
E tashmja është gjithçka që kemi, prandaj duhet të kujdesemi për të. Përpjekja për t’i kushtuar më shumë vëmendje dhe për të kultivuar vetëdijen për këtu dhe tani është një nga zakonet më të mira për t’u zhvilluar sepse na lejon ta vlerësojmë dhe ta shijojmë atë, informon abcnews.al.
7. Kaloni më shumë kohë me të tjerët
Marrëdhëniet tona janë ato që na bëjnë të lumtur, shpesh më shumë sesa faktorët e tjerë. E megjithatë ne shpesh zgjedhim gjëra të tjera mbi njerëzit që duam. Një zakon i madh për të kultivuar është ai i kalimit më shumë kohë me ata të dashur për ne dhe më pak kohë për gjëra që nuk kanë rëndësi.
8. Mësoni të përdorni fjalët po dhe jo
Thënia po mund të hap derën për përvoja të reja dhe më shumë lumturi. Mund të na largojë nga zona e rehatisë dhe të na ndihmojë të zbulojmë ndjesi të reja, burime të reja gëzimi. Sidoqoftë, të mësosh të thuash po pa thënë kurrë jo është një mënyrë e sigurt për të djegur dhe lodhur. Ne duhet të mësojmë të bëjmë dallimin midis situatave që mund të na pasurojnë dhe atyre që do të na frustrojnë./e.b-abcnews.al
