Këtë të mërkurë shënohen 77 vjet nga dalja për herë të parë e bikineve. Me 5 korrik në vitin 1946, kjo veshje doli për herë të parë në shitje.
Ato u prezantuan në një një sfilate të modës në pishinën Molitor në Francë, teksa asokohe shumë vende perëndimore i shpallën të paligjshme. Madje Vatikani shkoi përtej kësaj: i vendosi ato në listën e mëkateve.
Stilisti francez Louis Reard, që krijoi këtë veshje, i quajti “bikini”, duke marrë emrin nga një ishull në Oqeanin Paqësor.
Me 1 korrik 1946, Shtetet e Bashkuara kishin kryer provën e parë bërthamore po në atë ishull.
Reard shpresoi se duke përdorur emrin “bikini”, do të shkaktonte të njëjtin shpërthim edhe në fushën kulturore.
Këto veshjet e plazhit shkaktuan bujë dhe shpejt morën vëmendjen në mbarë botën. Edhe pse fillimisht u konsiderua shumë skandaloze dhe shumë vende fillimisht e ndaluan veshjen e saj publike, me kalimin e kohës, bikini filloi të fitonte pranim dhe popullaritet, duke u bërë një element kryesor i modës së plazhit dhe një simbol i çlirimit të grave.
Bikinit filluan të popullarizohen teksa nga mesi i viteve 1960 u bënë të zakonshme në plazhe. Dita Ndërkombëtare e Bikinit shërben si një kujtesë për të përqafuar diversitetin e trupit, për të festuar individualitetin dhe për të shijuar stinën e verës me stil.
/abcnews.al
