Një studim arriti në përfundimin se të qenit pranë njerëzve toksikë në vendin e punës mund t’ju çojë në depresion, ankth dhe pagjumësi. Kjo mund të ndikojë negativisht në projekte dhe në shëndetin mendor të njerëzve. Më poshtë abcnews.al ju ka sjellë disa këshilla sesi mund të shmangni konfliktin me ta.
1. Mos u zhytni në negativitetin e kolegut tuaj
Imagjinoni të bëheni pjesë e një kompanie të re dhe të keni kolegë njerëz që janë negativë ndaj gjithçkaje. Nuk është motivuese, apo jo? Fatkeqësisht të kesh një bashkëpunëtor negativ do të ndikojë keq në të gjithë ekipin. Prandaj, mos lejoni që negativiteti i tyre t’ju peshojë.
2. Bëhuni pohues me idetë tuaja
Ju mund të hasni kolegë të cilët përpiqen të vënë në pikëpyetje vendimet ose idetë tuaja para kolegëve të tjerë vetëm për argëtim ose për t’ju bërë të dukeni i paaftë. Në këto raste, merrni rrugën më të lehtë dhe pyetini ata për mendimet e tyre dhe për mendimet e të tjerëve. Gjithashtu, shpjegoni këndvështrimin tuaj në një mënyrë pohuese. Kjo do t’ju bëjë të dukeni më shumë si një lider dhe një profesionist bashkëpunues, informon abcnews.al.
3. Njihni kufijtë tuaj dhe kur të thoni jo
Ndonjëherë kolegët toksikë do të përpiqen t’ju mbingarkojnë me punë, dhe kjo mund të os ju pëlqejë. Jo që duhet të bëni është t’i thoni jo ngarkesës së re të punës, që nuk ju takon juve. Në këtë mënyrë njerëzit do të kuptojnë cilat janë avantazhet tuaja para se t’ju kërkojnë të kryeni një detyrë tjetër.
4. Nëse është e mundur, përpiquni ta ndryshoni situatën
Ka raste në të cilat kolegët zhvillojnë sjellje toksike ndaj jush për shkak të xhelozisë. Ndoshta ju jeni duke performuar më mirë ose keni një komunikim më të mirë me njerëzit e tjerë, arsyet mund të ndryshojnë. Nëse e identifikoni këtë lloj sjelljeje, mund të jetë një ide e mirë të kuptoni pse ata ndihen të kërcënuar nga prania juaj. Ju gjithashtu mund të gjeni mënyra për t’i bërë ata të ndihen më pak të pasigurt. Për këtë, konsideroni t’i mësoni atyre një aftësi të re ose t’i pranoni ata para njerëzve të tjerë, informon abcnews.al.
5. Vendosni kufijtë, mos bëni thashetheme
Ju me siguri keni hasur në thashetheme në vendin tuaj të punës. Një studim zbuloi sesi thashethemet në punë sjellin mosbesim mes punonjësve. Për të shmangur këtë situatë, mos u përfshini në këto biseda toksike.
6. Mos u përpiqni të arrini pritshmëritë e tyre joreale
Nëse dikush po përpiqet t’ju bëjë presion për të performuar në të njëjtin nivel e ta, së pari bëni një hap pas dhe vlerësoni kohën, burimet dhe njerëzit që mund t’ju ndihmojnë. Nëse e kuptoni që presioni ka një qëllim toksik, përmbahuni nga ankthi dhe punoni me ritmin tuaj, gjithmonë duke synuar rezultate etike dhe të mira.
7. Qëndroni pozitiv kur vjen fjala te puna juaj
Përqendrohuni në krijimin e besimit tuaj dhe njohjes së pikave të dobëta dhe të forta. Kuptoni sesi të angazhoheni më mirë me njerëzit; ky është çelësi i suksesit dhe mund të krijojë një rrjet të fortë. Gjithashtu, mos harroni se jo të gjithë njerëzit janë toksikë. Përqendrohuni në të qenit pozitiv dhe përpiquni të rriteni nga ana profesionale. Dhe më e rëndësishmja, jini njerëz të mirë./e.b-abcnews.al
