Shumica e grave mund të ndjekin tendencat më të fundit të thonjve, por duhet patur parasysh se substancat e ndryshme mund të mos jenë të shëndetshme për ta, duke shkaktuar dëmtimin e tyre. Bright Side ka renditur disa faktorë që ndikojnë në gjendjen e përgjithshme të thonjve.
Përdorimi i shpeshtë i llakut të flokëve
Nëse jeni përdorues i llakut të flokëve, mund t’i dëmtoni thonjtë pa e kuptuar as vetë. Llaku përmban deri në 50 përqind alkool, duke i bërë thonjtë e dobët dhe të brishtë.
I përdorni thonjtë si “mjete”
Shpeshherë, ne përdorim thonjtë qoftë për të hapur një pije apo për të gërvishtur një afishe. Por nëse e bëni rregullisht, kjo do t’i dëmtojë thonjtë duke çuar në çarjen e tyre.
Hiqni kutikulat
Edhe pse estetistët thonë se kutikula nuk do ta lejojë manikyrin të duket bukur, në fakt heqja e tyre bën që thonjtë të bëhen më të prekshëm ndaj infeksioneve dhe baktereve.
I mbani tipsat shumë gjatë
Mbajtja e tipsave për një kohë të shkurtër është më e shëndetshme. Nëse i mbani për shumë gjatë mund të mbajnë lehtësisht papastërti dhe bakteret shkaktojnë infeksione.
E lini manikyrin për shumë gjatë
Lënia e manikyrit për javë të tëra, mund t’i rrezikojë thonjtë tuaj. Ngjashëm me lëkurën, dhe thonjtë thithin substanca që aplikohen në sipërfaqen e tyre.
Përdorimi i këpucëve të ngushta
Masa e gabuar sjell telashe për thonjtë e këmbëve. Kjo pasi i shtypin fort thonjtë, e cila shkakton çarje. Për ta shmangur këtë, sigurohuni që këpucët iu përshtaten mirë. /abcnews.al
