1. Ushtrohuni rregullisht.
Përveç lehtësimit të stresit, ankthit dhe depresionit, stërvitja ul rrezikun e sëmundjeve kardiovaskulare dhe mund të ndihmojë në uljen e presionit të gjakut, ruajtjen e një peshe të shëndetshme dhe përmirësimin e qarkullimit të gjakut.
2. Ushqehuni shëndetshëm.
Ndryshime të vogla në stilin e jetesës si zvogëlimi i sasisë së sheqerit dhe kripës së shtuar dhe diversifikimi i sasisë së ngjyrave në pjatën tuaj siç përshkruhet në planin ushqimor DASH.
3. Flini gjumë mjaftueshëm.
Gjatë gjumit, presioni i gjakut bie. Të kesh probleme me gjumin do të thotë që presioni i gjakut qëndron më i lartë për një periudhë më të gjatë kohore. Presioni i lartë i gjakut është një nga rreziqet kryesore për sëmundjet e zemrës dhe goditjet në tru.
4.Lini duhanin.
Pirja e duhanit rrit rrezikun e sëmundjeve koronare të zemrës duke rritur tendencën për mpiksjen e gjakut si dhe duke ulur kolesterolin e mirë.
5. Pini më shumë ujë dhe konsumoni më pak alkool.
Konsumimi i alkoolit mund të çojë në presion të lartë të gjakut, dështim të zemrës ose goditje në tru. Pirja e tepërt mund të kontribuojë gjithashtu në kardiomiopati, një çrregullim që prek muskujt e zemrës. Nëse jeni të dehidratuar, qoftë edhe pak, zemra juaj duhet të punojë më shumë për të pompuar gjakun, gjë që mund të rrisë rrahjet e zemrës. Dehidratimi trash gjakun tuaj dhe bën që muret e enëve të gjakut të ngushtohen, gjë që mund të shkaktojë hipertension ose presion të lartë të gjakut.
6. Kryeni Checkup-in kardiak.
Ndërsa çelësi për parandalimin e sëmundjeve kardiovaskulare përfshin menaxhimin e faktorëve të rrezikut si presioni i lartë i gjakut dhe sheqeri i lartë në gjak, kontrollet e rregullta tek kardiologu do të tregojnë çdo faktor rreziku në fazën më të hershme./abcnews.al
