Që të jemi të shëndetshëm, duhet të ndjekim rregullat e higjienës, por duhet ta bëjmë atë në mënyrë të saktë, përndryshe efektet nuk do të jenë të njëjta.
Për shumë njerëz mund të duket e çuditshme të pranojnë se tërë jetën kanë bërë gabim edhe gjërat më të thjeshta dhe të zakonshme. Bright Side ka renditur 6 gabime higjienike që nuk duhet t’i bëni më kurrë.
Bëni dush shpesh
Ndoshta mund t’ju duket e çuditshme, por larja e shpeshtë është po aq keq sa të mos lahesh fare. Nëse laheni shpesh lëkura thahet dhe plasaritet dhe mikrobet mund të depërtojnë më lehtë në trup. Ekspertët rekomandojnë të laheni jo më shumë se një herë në ditë.
Nuk i lani duart para se të shkoni në tualet
Bakteret mund të gjenden jo vetëm në tualet, por në të gjithë shtëpinë. Kur shkoni në banjë, ju prekni pjesën intime, për të cilat mikrobet janë jashtëzakonisht të rrezikshme.
Shtypni butonin e tualetit me majën e gishtit
Nuk duhet me majën e gishtit, por me pjesën e pasme të tij. Kjo do t’ju ndihmojë të mos merrni baktere që janë në sipërfaqe.
Flini në të njëjtin jastëk për një kohë të gjatë
Jastëkët mund të përmbajnë pluhur dhe myk, dhe me kalimin e kohës ata mund të kalojnë në fytyrën tuaj, duke shkaktuar demodikozën, alergji, ënjtje etj. Gjithashtu rekomandohet që ta lani jastëkun tuaj çdo javë me ujë në 60 gradë.
Mbani kafshët shtëpiake në shtrat teksa flini
Ju nuk duhet të flini me macet apo qentë, pasi ato mbajnë shumë baktere në qimet e tyre. Vështirë ta besoni, por disa prej tyre mund të shkaktojnë murtajën bubonike. Sipas statistikave, midis 1977 dhe 1998 ka pasur 23 raste të infeksionit nga kjo sëmundje vdekjeprurëse e bartur nga macet shtëpiake.
E lani fytyrën me sapun
Disa njerëz mendojnë se nëse e lajnë fytyrën me sapun dy herë në ditë, do të jetë shumë e pastër. Në fakt, sapuni bllokon poret dhe krijohen akne. Duke përdorur sapunin, shkatërroni shtresën mbrojtëse dhe prishni nivelin e pH të lëkurës tuaj. /abcnews.al
