Ndoshta secili prej nesh ka përjetuar ethe, skuqje të lëkurës, nyje limfatike të fryrë dhe simptoma të tjera të procesit inflamator. Në të vërtetë është një përgjigje normale e sistemit tuaj imunitar ndaj infeksionit, substancave të dëmshme, kimikateve, prerjeve dhe dëmtimeve të tjera.
Procesi inflamator zakonisht bëhet i dukshëm në dhimbje, humbje të funksionit, ënjtje, rritje të temperaturës, të cilat mund të jenë lokale ose të ndikojnë në të gjithë trupin. Ndonjëherë sistemi juaj imunitar mund të funksionojë gabimisht, duke sulmuar qelizat dhe indet tuaja të shëndetshme. Specialistët thonë se ka disa faktorë, të cilët mund të shkaktojnë inflamacion dhe të mbështesin përparimin e tij. Le t’i shohim më poshtë!
1. Obeziteti
Palosjet yndyrore në bel përbëhen nga qeliza yndyrore (dhjamore), të cilat mund të ndryshojnë në madhësinë e tyre. Tek ata që kanë fituar peshë të konsiderueshme, adipocitet zgjerohen, duke shkaktuar ndryshime të shumta molekulare. Si rezultat, qelizat e trupit tuaj mund të bëhen rezistente ndaj insulinës, duke çuar në shfaqjen e diabetit të tipit 2. Përveç kësaj, indi dhjamor mund të sintetizojë kimikate dhe qeliza proinflamatore, informon abcnews.al.
2. Pirja e duhanit
U zbulua se duhanpirësit kanë rreziqe shumë më të larta të shfaqjes së inflamacionit, sesa ata që nuk konsumojnë duhan. Studimet e fundit tregojnë lidhjen e ngushtë midis pirjes së duhanit dhe çrregullimeve inflamatore të zorrëve (sëmundja e Crohn, koliti ulceroz).
3. Stresi
Sipas studimeve të shumta, shpërthimi emocional mund të jetë fajtor i sistemit imunitar tepër aktiv. Stresi mund të çojë në çrregullime të ndryshme të shoqëruara me inflamacion si sëmundja e Crohn, gastrit dhe mosfunksionim mendor kronik, informon abcnews.al.
4. Dieta e dobët
Ushqime me shumë sheqer, yndyrna trans, karbohidrate të rafinuara dhe alkooli i tepruar mund të përkeqësojnë inflamacionin në trupin tuaj. Dieta e dobët dhe konsumi afatgjatë i antibiotikëve mund të shqetësojnë mikroflorën normale të zorrëve, duke shkaktuar dysbiosis. Ndërsa ekuilibri i baktereve të zorrëve dëmtohet, shanset tuaj për inflamacion rriten në mënyrë dramatike.
5. Mungesa e gjumit
Mjekët thonë se pagjumësia, kohëzgjatja e shkurtër e gjumit dhe cilësia e tij e ulët lidhen me ngritjen e shënjuesve inflamatorë në gjak. Do të thotë që trupi juaj përjeton inflamacion të përhershëm, kur nuk flini mirë./e.b-abcnews.al
