Disa zakone bëhen pjesë e sjelljes sonë dhe mund të na bëjnë të urrejmë ose duam më shumë veten.
Sjelljet e zakonshme të mëposhtme janë ndoshta shkatërruese për veten tonë dhe nëse i keni vendosur në komunikimin tuaj me të tjerët, më mirë rishikoni ato.
- Vetësabotim
Kur nuk tregojmë respekt për veten, ne priremi ta sabotojmë atë dhe ky është zakoni i parë shkatërrues kundër nesh. Sipas psikoterapistes, Hannah Beckett-Pratt: “Sapo të kapërcejmë ish-in tonë dhe të ndihemi mirë me të, mund të përfundojmë sërish në shtrat me të, duke na shkaktuar të njëjtën dhimbje të fortë si në fillim të ndarjes.
Siç konkludojnë ekspertët, forma më e zakonshme e vetë-sabotimit është zvarritja dhe nëse e keni vënë re se e aplikoni atë në jetën tuaj, është mirë që fillimisht të menaxhoni emocionet që ju çuan atje pasi të vendosni fillimisht t’i pranoni ato, edhe nëse ato janë negative.
- Gënjeshtra
Nëse e kapni veten duke gënjyer shpesh për ndonjë arsye, atëherë në mënyrë të pandërgjegjshme po kultivoni një nga zakonet më shkatërruese. Gënjeshtra, sipas ekspertëve, na bën të ndihemi të turpëruar dhe penduar. Gradualisht ne fillojmë të urrejmë veten dhe mënyra e vetme për të dalë nga ky zakon është të kërkojmë ndihmë.
Edhe nëse mendojmë se është një gënjeshtër e thënë për të shpëtuar një marrëdhënie, ajo është po aq shkatërruese për veten tonë dhe vështirë se mund ta ndalojmë.
- Ne flasim keq për veten
Pavarësisht nëse flisni keq për pamjen tuaj, për IQ-në ose për aftësitë tuaja, dëmi mbetet i njëjtë për veten tuaj dhe është i pariparueshëm. Kjo sepse ne vazhdimisht ndiejmë nevojën për t’u bërë më të mirë pa pranuar asnjë nga sukseset tona.
Ky zakon na bën të themi gjëra për veten tonë që nuk do të donim të dëgjoheshin me zë të lartë dhe është mjaft tinëzare. Fjalët negative që përdorim për të folur për veten, pushtojnë mendimet tona të përditshme në një mënyrë shkatërruese dhe përfundimisht na bëjnë të urrejmë veten, duke urryer gradualisht edhe të tjerët.
- Zgjedhje apo sjellje që nuk na përfaqësojnë
Kur adoptojmë një sjellje që nuk pajtohet me atë se kush jemi në të vërtetë, gradualisht humbasim veten dhe zhytemi në diçka që nuk ka të bëjë fare me atë që jemi.
Identiteti ynë ndryshon dhe së bashku me veten ne humbasim njerëzit që kanë një vend të rëndësishëm në jetën tonë.
Pasi të keni lexuar të gjitha sa më sipër, a është koha për t’i thënë lamtumirë të paktën njërit nga të katërt?/abcnews.al
