Edison Cavani do të dalë lojtarë i lirë në treg, ndërsa interesimet për të nuk kanë munguar që pas lajmit të largimit të tij nga Manchester United.
E ardhmja e tij me shumë gjasa pritet të jetë në Spanjë, aty ku 3 skuadra kanë shfaqur interesim për shërbimet e tij.
Sipas “MundoDeportivo”, klubet si Real Betis, Real Sociedad dhe Villarreal do të tentojnë transferimin e tij në La Liga.
Cavani mund të pranoj transferimin tek ndonjëra skuadër pasi që të gjitha do të luajnë në garat evropiane në sezonin 2022/23.
35-vjeccari nuk pati një sezon të mirë me Manchester United pasi këtë sezon ka arritur të shënojë vetëm 2 gola dhe ka dhënë 2 asiste në 20 ndeshje të luajtura. /f.a/abcnews.al
