3 këshilla për të luftuar dhimbjen e kokës të shkaktuar nga orët e gjata para kompjuterit

schedule18:07 - 29 Nëntor, 2022

schedule 18:07 - 29 Nëntor, 2022

Është e sigurt se në punët që kërkojnë të kaloni orë të gjata para kompjuterit, do të ketë raste kur dhimbje koke të forta do t’ju mundojnë dhe pengojnë të vazhdoni punën tuaj në mënyrë produktive. Kjo është kryesisht për shkak të tendosjes së syve, që ndikohet nga drita blu dhe shkakton dhimbje koke.

3 këshilla për të luftuar dhimbjen e kokës të shkaktuar nga kompjuteri:

Vendosni ndriçimin e duhur në ekranin e kompjuterit tuaj

Është një nga gjërat më të rëndësishme që duhet bërë nëse kaloni orë të gjata para kompjuterit. Shkëlqimi i ekranit duhet të kombinohet me ndriçimin rreth jush, pra hapësirën në të cilën ndodhet. Gjëja më e rëndësishme është të kufizoni lodhjen e syve, i cili shumë shpejt do të çojë në një dhimbje koke.

Rritni madhësinë e fontit të përdorur

Të gjithë kompjuterët kanë mundësinë për të ndryshuar madhësinë e paracaktuar të fontit që ekziston. Mos u fokusoni shumë në një pikë kur përpiqeni të lexoni një tekst, sepse kjo do t’ju lodhë sytë. Nëse vëreni se në fund të ditës ndiheni të lodhur, mund t’ju duhet të rregulloni madhësinë e shkronjave për t’i ndihmuar sytë tuaj të punojnë më të qetë dhe të zvogëloni rrezikun e dhimbjeve të kokës.

Konfigurimi i vendit të punës është shumë i rëndësishëm

Një tavolinë e rregullt është shumë e rëndësishme përpara se të uleni para ekranit të kompjuterit tuaj. Rendi i duhur do t’ju motivojë të uleni rehat dhe të relaksoheni, pa e tendosur qafën. Është gjithashtu e rëndësishme të kujdeseni për qafën tuaj, nga çdo shqetësim. Sigurohuni që ekrani i kompjuterit tuaj të jetë drejtpërdrejt para jush, në këtë mënyrë nuk do t’ju duhet të ktheni shtyllën kurrizore për t’u fokusuar. /abcnews.al