Tre ditë pas masakrës në Velipojë ku 4 persona mbetën të vrarë më armë zjarri pas një sherri për shezlongët në bregdet, policia dhe grupe të NFSH kanë zbarkuar në këtë zonë për të liruar rërën e zaptuar nga bizneset pa leje.
Pas Durrësit, policia ka sekuestruar shezlongë e çadra të shumta në numër në Velipojë, që ishin vendosur në shkelje të ligjit nga ana e bizneseve.
Kujtojmë se në Velipojë pikërisht për shfrytëzimin e një zone më rërë për të vendosur shezlongët, nisi debati që çoi në vrasjen e 4 personave mes tyre edhe 20-vjeçari Musaen Zeneli, i cili po atë ditë kishte filluar punë si kamerier aty. Ngjarja tragjike ndodhi orët e para të mëngjesit të së shtunës. /abcnews.al/
