Pesë persona vdiqën të Shtunën e 22 maji, kur një burrë teksa ngiste makinën e tij me shpejtësi të madhe përplasi një turmë këmbësorësh në qytetin e Dalian në verilindje të Kinës.
Një i dyshuar 32-vjeçar, i identifikuar vetëm si “Liu”, është ndaluar. Ai raportohet të ketë thënë se ishte mërzitur për shkak të një investimi të dështuar dhe donte të “hakmerrej ndaj shoqërisë”.
Incidenti ndodhi në orën 11.40 në një zonë në qendër të qytetit. Pamjet e kapura nga kamerat e sigurisë dhe celularët janë publikuar së fundmi në të cilat shihet një makinë të zezë sedan që përshpejton shpejtësinë dhe përplas një grup njerëzish teksa kalonin vijat e bardha për këmbësorët. /abcnews.al/
