Mario Balotelli luajti tre sezone me Manchester City përpara se të largohej drejt Milanit. Çmenduritë e sulmuesit italian nuk kanë munguar kurrë. Talenti dhe potenciali i tij ishin dhe janë të jashtëzakonshëm, por koka e tij prodhonte gjithmonë probleme.
Një ndër “veset” e preferuara ishin gjobat, sidomos gjatë periudhës që ishte pjesë e “Cityzens”. Micah Richards ishte shok skuadre me të tek ekipi anglez. Ish-mbrojtësi anglez, i cili u tërhoq nga futbolli me datë 26 korrik, kujton në një prononcim për BBC gjobat e shumta të Balotellit dhe çfarë ndodhte me ato para.
“Balotelli vonohej gjithmonë. I përdornim gjobat e tij për të bërë bamirësi çdo Krishtlindje. Që në dhjetor mblidheshin 100 mijë euro vetëm nga gjobat që merrte Mario për vonesat në stërvitje“, thekson Micah Richards. /abcnews.al
