Edhe pse mishi është një pjesë e rëndësishme e dietës tuaj, ngrënia e tij e tepërt mund të jetë e dëmshme për shëndetin tuaj. Kjo do të thotë që ju nuk duhet të hani mish shpesh, përndryshe do të rrezikoni nga këto probleme:
1. Mund të krijoni gurë në veshka
Proteinat me bazë shtazore kanë shumë përbërje të quajtura purina. Këto ndahen në acid urik, dhe nëse keni shumë nga ky acid, mund të krijoni gurë në veshka. Ju mund ta shmangni këtë duke kufizuar konsumin e mishit, dhe gjithashtu duke pirë shumë ujë, informon abcnews.al.
2. Mund të dehidroheni
Për shkak të një tepricë të atij acidi urik për të cilin folëm më lart, ju mund të ndjeheni më të etur se zakonisht. Veshkat tuaja kanë nevojë për ujë për të holluar çdo mbetje toksike, prandaj sigurohuni që të keni ujë me vete në çdo kohë, kudo që të jeni.
3. Mund të vuani nga kapsllëku
Ushqimi me bazë mishi ka shumë proteina, por jo shumë fibra. Ju normalisht do t’i merrni këto fibra nga frutat, perimet ose drithërat, prandaj sigurohuni që të përfshini të gjitha këto kategori ushqimesh në dietën tuaj. Kapsllëku dhe lëvizjet e dhimbshme të zorrëve mund të jenë disa nga shenjat që nuk po merrni sasinë e nevojshme të fibrave, informon abcnews.al.
4. Mund të keni dhimbje koke
Mungesa e hidratimit gjithashtu mund të shkaktojë dhimbje koke. Ajo bën që gjaku të jetë më i trashë, që do të thotë që një rrjedhje e reduktuar e oksigjenit arrin në tru.
5. Mund të keni probleme me zemrën
Sa më shumë fibra të keni në dietën tuaj, aq më e mbrojtur është zemra juaj. Nëse hani kryesisht mish, atëherë nuk keni një nivel të lartë të fibrave. Mishi i kuq, veçanërisht, mund të trefishojë rreziqet e problemeve që lidhen me zemrën. Yndyrnat e ngopura rrisin nivelin e kolesterolit të keq (LDL), informon abcnews.al.
6. Ju mund të sëmureni më shpesh
Yndyrnat e ngopura të pranishme në mishin e kuq dhe mishin e përpunuar nuk përmbajnë antioksidantë të nevojshëm që trupi të mundë çdo inflamacion të mundshëm. Më së shumti do t’i gjeni ato antioksidantë në fruta dhe perime, prandaj është kaq e rëndësishme të keni një dietë “shumëngjyrëshe”. Ngjyrat e frutave të caktuara janë pigmente të grupeve të caktuara të antioksidantëve.
7. Mund të keni erë të keqe të gojës
Një dietë e përbërë nga proteina dhe yndyrë, por që nuk ka karbohidrate, mund të bëjë që trupi të prodhojë ketone. Ketonet çlirohen përmes frymëmarrjes dhe ato mbajnë erë si aceton. Kjo është arsyeja pse, nëse keni ndjekur ndonjëherë dietën keto, mund të keni përjetuar probleme me erën e gojës. Kështu që sigurohuni që të përfshini disa karbohidrate në dietën tuaj, informon abcnews.al.
8. Ju mund të keni probleme me flokët dhe lëkurën
Produktet e mishit rrallë kanë ndonjë vitaminë C. Vitamina C luan një rol vendimtar në formimin e kolagjenit, një proteinë që e bën lëkurën tuaj, flokët, thonjtë, kockat dhe më shumë, të duken shumë më mirë. Nëse vëreni ndryshime të pakëndshme në flokët dhe lëkurën tuaj, atëherë mund t’ju duhet të rishikoni dietën tuaj dhe të ndërprisni ngrënien e mishit.
9. Mund të keni kocka të dobëta
Sasi të larta të proteinave mund të rrisin humbjen urinare të kalciumit. Dhe kalciumi është absolutisht i nevojshëm për kockat e shëndetshme, informon abcnews.al. Trupi juaj nuk prodhon kalcium. E merr atë vetëm përmes ushqimit që hani, ose nga suplementet. Nëse nuk ka mjaftueshëm, atëherë kockat tuaja mund të dobësohen.
10. Ju mund të ndjeheni më të lodhur
Ushqimet që përmbajnë mish janë shumë më të vështirë për t’u tretur nga sistemi ynë i tretjes sesa çdo perime ose frutë që hani. Kjo është arsyeja pse duhet shumë më shumë përpjekje që trupi juaj të tretë një biftek, dhe kjo është arsyeja pse ju mund të ndiheni pak të plogësht pasi të keni ngrënë diçka të rëndë./e.b-abcnews.al
