Të paktën 10 persona kanë humbur jetën gjatë fundjavës në Alpet e Austrisë dhe Zvicrës, si pasojë e disa ortekëve në disa zona turistike, të frekuentuara shumë nga turistët në këtë kohë.
Sipas të dhënave paraprake, mes viktimave raportohen turistë nga Zelanda e Re, Kina dhe Gjermania.
Autoritetet austriake kanë shpallur gjendjen e emergjencës në disa zona për shkak të borës dhe erës së fortë. Por pavarësisht paralajmërimeve, resortet e skive kanë qenë plot me njerëz, kjo edhe për shkak të pushimeve dimërore në shkolla.
Situata më e rënduar nga ortekët në Austri raportohet në Tyrol, Sankt Anton am Arlberg dhe Hohe Aifner.
Agjencitë e lajmeve në Austri raportojnë se vetëm të shtunën në Tyrol u regjistruar 30 ortekë, ndërkohë që rreziqet për përsëritjen e tyre janë ende të mëdha.
/abcnews.al
