Spanja, në alarm për mishin e grirë

10:20 | 23/08/2019

Spanja lëshon një alarm ndërkombëtar për mishin e grirë. Kompania “Seville”, e cila tregton produkte nën markën “La Mecha”, është kthyer në një problem serioz.

Produktet dhe nënproduktet e kësaj kompanie janë konstatuar të kontaminuara dhe kanë agravuar deri në atë pikë sa alarmi për epideminë e Listeriozës, është kthyer në makth për qytetarët.

Në Spanjë ka rreth 500 raste të dyshuara, nga ku një grua 90-vjeçare ka gjetur vdekjen dhe rreth 50 njerëz janë në spital, duke përfshirë këtu edhe 23 gra shtatzëna.

Ky është një infeksion, i cili shkaktohet me konsumimin e ushqimit të kontaminuar me bakterin Listeria Monocytogenes.

Ministrja e Shëndetësisë, Maria Luisa Carcedo njoftoi se Komisioni Evropian dhe Organizata Botërore e Shëndetit janë bërë të vetëdijshëm për situatën dhe padyshim do merren masa për produktet e “La Mecha”.

Simptomat e Listeriozës janë kryesisht ethet, dhimbjet e muskujve, diarre, dhimbje koke, mpirje qafe, konfuzion, humbje ekuilibri, ngërç e shumë të tjera. Listerioza trajtohet me antibiotikë, por ky infeksion duhet të merret shumë seriozisht, pasi shkalla e vdekshmërisë tek të infektuarit është nga 20-30 %.

Klan Plus


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono