Në certifikatat e lindjes do të jetë dhe gjinia X

08:29 | 15/09/201808:290

Është konsideruar si një revolucion gjinor vendimi i autoriteteve në Nju Jork për të vendosur gjininë X në certifikatat e lindjes. Komuniteti transgjinor njujorkez dhe LGBT flasin për një vendim historik.

“Gjinia X”: do të mund të shkruhet dhe kështu në certifikatat e lindjes për ata që lindin në Nju Jork dhe që nuk e shohin veten as në gjininë mashkullore dhe as në atë femërore. Vendimi është miratuar nga mazhoranca e këshillit të qytetit dhe do i lejojë dhe prindërit që të mund të zgjedhin shenjën X për të vendosur për gjininë e fëmijës së tyre të porsalindur. Komuniteti transgjinor dhe ai LGBT e ka festuar këtë vendim duke e konsideruar historik. Të rriturit që dëshirojnë mund të ndryshojnë tashmë certifikatën e tyre të lindjes pa qenë e nevojshme një certifikatë mjekësore.

Disa shtete si Kalifornia, Oregon dhe Montana e lejojnë prej kohësh ndryshimin e gjinisë në certifikatën e lindjes pa një autorizim mjekësor, por nuk parashikojnë shenjën X në vend të Mashkull apo Femër. Zëdhënësi i këshillit të qytetit u shpreh se ishte një ditë historike për sa i përket gjithëpërfshirjes dhe barazisë, ndërsa demokrati Bill de Blasio do të firmosë ligjin që do të hyjë në fuqi në 1 janar të 2019-s./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono