Fillon sot Seria A, Juventusi luan në fushën e Parmës dhe Napoli në Firence

16:00 | 24/08/2019

Nis sot një nga kampionatet më të fortë në botë, Seria A e Italisë. Në orën 18:00, luhet ndeshja e parë mes Parmës e Juventusit, ndërsa kampionët janë favoritë sërish për titullin.

Nga i mbiquajtur “vendi i bukur”, në futbollin e bukur!

Fjala pritje në Itali do të marrë fund sot në orën 18:00, pasi do të nisë përsëri një nga ligat më të shquara të topkëmbës europiane dhe botërore, Seria A.

Edhe pse jo në kulmet e veta, si në vitet 80-të, 90-të apo fillim vitet 2000, edhe pse shpesh e kritikuar për futbollin pragmatik, të njohur me emrin “katenaço”, publiku botëror nuk mund të bëjë dot pa Italinë.

Në orën 18:00 zbret në fushë skuadra kampione, Juventusi, që do të provojë veten në stadiumin “Enio Tardini” të Parmës, duke mos e pasur në stol trajnerin Mauricio Sarri, që mbetet i sëmurë.

Gjithsesi, Kristiano Ronaldo pritet në formacion, bashkë me Dibalën, ndërsa De Ligt mendohet se do ta nisë nga stoli, duke qenë në fushë dyshja titullare e mbrojtjes Kielini-Bonuçi.

Në 20:45, do të jetë radha e Napolit të provojë veten, edhe ky jashtë fushe, në Firence.

Një sfidë tepër e vështirë ndaj Fiorentinës, për të cilën blerja e re Riberi do ta nisë nga stoli, ashtu siç do të jetë në stol për Ançelotin edhe një nga kapitenët e kombëtares shqiptare, Elseid Hysaj.

Juventusi cilësohet si favorit për të mbrojtur titullin e fituar 8 herë radhazi, ndërsa Napoli e Interi mendohen si rivalët kryesorë.

Ndeshjet e tjera të javës së parë luhen nesër. /ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono