vajza

SINKRON-VOKSHI.mpg_snapshot_00.40-1280x720.jpg

Partia Demokratike ka akuzuar kryeministrin se me reagimin e tij, të ardhur katër ditë pas shpërthimit të skandalit të shtetases Xheisela Maloku, ai ka mbrojtur përdhunuesin e vajzës duke dënuar akuzuesin e rastit, nënkomisarin Emiljano Nuhu. Është mbështetja e kryeministrit sipas selisë blu, ajo që mban ende të veshur me pushtet deputetët e akuzuar drejtpërdrejtë në këtë histori, ndërsa vajzën ende pa asnjë urdhër mbrojtje nga shteti.

Albana Vokshi: “Edi Rama zgjodhi të mbrojë publikisht horrat dhe përdhunuesit e tij parlamentar duke mos treguar shenjën më të vogël të mbështetjes apo dhembshurisë njerëzore për vajzën e torturuar. Ajo vazhdon të jetojë në kërcënimin e bandës me pushtet, e cila ka garancinë e Edi Ramës për paprekshmëri. Vajza e re dhe familja e saj ende nuk janë marrë në mbrojtje sepse asnjë hallkë e mekanizmit për parandalimin e dhunës ndaj grave dhe vajzave qëllimshëm nuk funksionon. Data raportojnë sot një skenar edhe më makabër. Është vetë Edi Rama që po bën çdo përpjekje që ta shfaqë vajzën publikisht para gazetarëve për të fshehur kriminelët e veshur me imunitet dhe pushtet. Nëse deputetët me akuzë publike Taulant Balla, Rrahman Rraja, nuk do të kishin bekimin e kryeministrit sot ata do të ishin jashtë grupit parlamentar dhe do të ishin vënë para drejtësisë. Sot viktima duhet të ishte marrë në mbrojtje dhe djali përdhunues i deputetit duhet të ishte në burg.”/abcnews.al

Një ditë pas publikimit të dëshmitarit Emiljano Nuhu nga Partia Demokratike për dhunimin e një vajze nga djali i deputetit Rrahman Rraja, deputeti demokrat Ervin Salianji deklaroi në studion e Mbrëmje në ABC News se sot duhet të ishte arrestuar Rexhep Rrahja dhe jo të kishte kallëzim penal ndaj gazetarit që kreu investigimin.

“Sot duhet të ishte arrestuar qytetari që kryen një vepër të rëndë penale. Ka dalë e dokumentuar sot dëshmia e vajzës që denonconte dhunën e djalit të përfaqësuesit të PS, i cili edhe ne facebook kishte kallashnikov e kanabis”.

Sipas tij kjo tregon që ka pasur një ndikim shtetëror për t’i dalë në mbrojtje një përdhunuesi. “Ne ishim në dijeni ditën që u publika nga gazetari Çollaku dhe Basha ka mbajtur qëndrim”.

Ai akuzoi prokurorinë dhe Policinë se po përpiqen të jenë varrmihës të çdo çështjeje të dalë në publik.

“Sot në vend që të arrestohej dhunuesi merren me ka apo nuk ka kallëzim”.

I pyetur nga gazetarja Milori nëse kjo çështje po përdoret politikisht dhe nuk po i ofrohet mbrojtje vajzës që është viktima në këtë rast, Salianji u shpreh se nëse nuk ndalohet ky model qeverisje ne nuk mund ta marrim në mbrojtje me kallashnikovë.

“Parashtrimi juaj qëndron ne nuk po merremi me Ballën apo deputetin, ne po merremi se këta janë shkaktarët që ajo vajzë nuk është mbrojtur. Nëse nuk ndalohet ky model qeverisjeje ne nuk mund ta marrim në mbrojtje me kallashnikovë.”/abcnews.al

Trupi i një vajze 4 vjeçare është gjendur në lumin Hillsborough në Florida nga autoritetet vendase. Autorja e krimit është identifikuar si e ëma e viktimës. 26 vjeçarja është dënuar me vrasje të shkallës së parë. Sipas dëshmitarëve, e reja u largua me shpejtësi nga vendi i ngjarjes pas krimit të kryer.
Trupi i pa jetë u gjet nga policia 22 metra larg bregut të lumit. Nuk dihen ende shkaqet që kanë çuar në kryerjen e një veprimi të tillë./abcnews.al

Katër të rinj të moshës 18-19 vjeç kanë mbetur të plagosur në një ngjarje të ndodhur rreth mesditës së sotme përballë institucionit të Presidencës. Të lënduar janë studentë të Universitetit Politeknik të Tiranës dhe dyshohet se konflikti mes tyre ka nisur pas ngacmimin që ishte berë një vajze një ditë më parë.

Katër të rinj e kishin lënë të sqaronin këtë të martë ngacmimin e një vajze që kishte ndodhur një ditë më parë fare pranë godinës së rektoratit të Universitetit Politeknik në Tiranë.

Por, situata doli jashtë kontrollit dhe përleshja me thika ndodhi përballë selisë së Presidencës.

Dy kushërinjtë, Jurgen dhe Feliks Lleshi, të dy 18 vjeç, qëlluan fillimisht me thikë Klajdi Dumi dhe Klajdi Marku. Sipas policisë, të plagosur mbetën edhe vetë dy autorët, ku në spital u dërguan me plagë të katër personat e konflitkuar.

Të plagosurit janë jashtë rrezikut për jetën, teksa kanë marrë plagë në krahë, shpatull dhe në këmbë. Ata janë studentë të Universitetit Politeknik, dhe ndjekin studimet në vitin e parë, dhe dyshohet se vajza, e cila ka qenë edhe molla e sherrit është edhe afërmja e dy të rinjve me mbiemër Lleshi.

Këto janë pamjet pas grindjes. Dy prej tyre duken të gjakosur teksa mbahen të shtrirë në tokë nga efektivët e policisë. Uniformat blu kaë bërë të mundur ndalimin e tyre dha pas përmirësimit të gjendjes shëndetësore do të nisë procesi i marrjes në pyetje.

Vetëm pak ditë më parë në kryeqytet ndodhi plagosja e një çifti, pasi tre persona qëlluan me thikë mbi ta. Sipas dëshmisë që dhanë pas arrestimit, tre autorët e dyshuar të kësaj ngjarje, njëri prej tyre kishte qenë i fiksuar me 23-vjeçaren, e cila po jetonte një lidhje dashurie me djalin që e shoqëronte në momentin e plagosjes./abcnews.al

Një vajzë e vogël është dhunuar në grup dhe më pas është ekzekutuar nga agresorët e saj. Ndonëse ngjarja ka ndodhur në një fshat të Indisë së largët, lajmi ka bërë xhiron e botës duke lënë të gjithë të tronditur.

Një vajzë është dhunuar në grup dhe më pas është djegur e gjallë nga agresorët përpara prindërve të saj. Ngjarja e rëndë ka ndodhur në Indi, por shumë shpejt ka bërë xhiron e botës, duke lënë të shokuar të gjithë. Ndonëse nuk është hera e parë, episodi i radhës është verifikuar në fshatin Raxhakendua, në rajonin e Çatrës, ku 4 të rinj kanë rrëmbyer vajzën pranë shtëpisë së saj dhe më pas e kanë dhunuar. Këshilli i fshatit i ka dënuar ata me një gjobë mjerane prej 625 euro, por pavarësisht kësaj, autorët janë shprehur të irrituar. Ata kanë shkuar menjëherë tek shtëpia e vajzës, kanë rrahur prindërit e saj dhe më pas i kanë vënë flakën të miturës. Familjarët e vajzës e kanë denoncuar ngjarjen në polici, veprim ky që ka shpëtuar autorët nga ndëshkimi arkaik i banorëve të fshatit. Ngjarja, që ndodh rëndom në Indi, vjen pak javë pasi në qytetet Nju Delhi dhe Mumbai u mbajtën një seri protestash masive kundër dhunimeve. Në fillim të gjysmës së dytë të prillit, disa mijëra persona zbritën në rrugë për të manifestuar pakënaqësinë ndaj fenomenit. Shumë prej njerëzve mbanin parulla ku bëhej thirrje për dënim me vdekje, ndërsa të tjerë bërtisnin kundër qeverisë, duke e akuzuar se mbron fajtorët. /abcnews.al

Rreth 50 vajza adoleshente në Nigeri dyshohet të kenë rënë në duart e grupit terrorist “Boko Haram”, pas një sulmi të militantëve në një shkollë. Ndërkohë, autoritetet ngurrojnë ta cilësojnë ngjarjen si një pengmarrje.

Të paktën 50 vajza nigeriane konsiderohen të zhdukura në Nigeri pas një sulmi, që militantët e grupit terrorist “Boko Haram” bënë në shkollën e tyre. Guerrilasit bastisën shkollën ditën e hënë, në një orë kur shumë nxënës dhe mësues ishin larguar.

Kjo bëri që autoritetet të mendonin se edhe vajzat i kishin shpëtuar dhunës, por kur kanë kaluar dy ditë, vendndodhja e tyre nuk dihet ende. Sulmi në fjalë ngjason me atë të 4 viteve më parë, kur militantët sulmuan një shkollë në qytetin Çibok dhe rrëmbyen mbi 270 vajza.

Sulmi i fundit ka ndodhur në qytetin Dapçi, në shtetin e Jobes, rreth 275 kilometra në veri-perëndim të Çibokut. Njerëz që jetojnë pranë shkollës kanë deklaruar për BBC se gjysma e vajzave që ishin larguar janë gjetur, pasi ishin fshehur në fshatrat përreth.

Nga ana e tyre, autoritetet nuk e klasifikojnë ngjarjen si pengmarrje dhe deklarojnë se shumë nxënëse dhe mësues mund të jenë fshehur në zonat pyjore për t’i shpëtuar guerrilasve dhe mund të gjenden në orët në vazhdim. Por shumë prindër thonë se 51 vajzat janë ende të zhdukura dhe druhen se do të shfrytëzohen për qëllime seksuale nga anëtarët e “Boko Haram”./abcnews.al

Qyteti i Sarandës ka pritur këto dy ditë shumë vajza të Kosovës që prindërit e tyre u kanë vendosur emrin Saranda. Shumë prej tyre e vizitonin qytetin jugor për herë të parë.

40 Saranda udhëtuan nga Kosova në Sarandë.
Janë vajza me emrin e qytetit shqiptar.
Shumë nga ato e vizitojnë Sarandën për herë të parë.

“Emrin ma ka vënë gjyshja e mamit. Kështu që në njëfarë forme ndihem krenare që mbaj emrin Saranda. E pata rastin që në emër të Sarandës të vizitoj Sarandën”.

Nje udhëtim i përbashkët, por edhe një amanet të kryer për prinderit. I gëzuar është edhe ambasadori shqiptar në Kosovë, Qemal Minxhozi.

“Ndihem i gëzuar që ndodhem në mes 40 Sarandave, nga Prishtina, Gjakova, Peja nga Mitrovica, nga e gjithë Kosova ”

Mes tyre edhe Saranda Myftari, e cila ka lindur në këtë qytet gjatë luftës. Ajo erdhi për herë të parë

“Kam lind në vitin ’99 edhe s’kam pas mundësi më përpara me e vizituar vendlindjen. Sot ka qenë hera e parë që e kam vizituar dhe jam kënaqur shumë”.

Në Kosovë janë më shumë se 1000 vajza me emrin Saranda, por shumë të tjerë mbajnë emrin Vlora, Berati, Drini, Shkumbin, Shkodran./abcnews.al

Policia italiane i druhej faktit se ai ishte një përdhunues serial, pasi zbuloi dy raste të tilla. Është fjala për një 30-vjeçar shqiptar, i cili prej vitesh jeton dhe punon në Milano si taksist. Kanë qenë denoncimet e dy vajzave, të cilat deklaruan në polici se janë përdhunuar nga 30-vjeçari.

Ngjarjet datojnë më 24 Korrik 2016 dhe 11 Nëntor 2017. Ai mori klientet jashtë një lokali nate rreth orarit 04:00-05:00 të mëngjesit dhe duke përfituar nga fakti që kanë qenë të dehura, ai i ngacmoi seksualisht dhe më pas abuzoi me to.

Edhe pse nuk mbanin mend mirë se çfarë kishte ndodhur, njëra prej vajzave arriti të kujtonte një detaj që çoi në zbulimin dhe arrestimin e taksistit shqiptar. Bëhet fjalë për një objekt në formë zemre që i përkiste njërës prej tyre. Asaj i kishte humbur natën kur ishte abuzuar seksualisht nga taksisti. Ky objekt në formë zemre u gjet i varur në xhamin e pasëm të makinës së 30-vjeçarit, një detaj që shqiptari nuk e kishte menduar se do të shërbente për identifikimin e tij. Hetimet u mbështetën edhe mbi analizat e ADN-së, që konfirmuan se shqiptari ishte abuzuesi i dy vajzave.

Ai u arrestua për akuzën e marrëdhënie seksuale me forcë dhe do të dalë para gjykatës. Mediat nuk e kanë bërë të ditur identitetin e taksistit shqiptar për shkak të hetimeve. Mirëpo hetuesit italianë i druhen faktit se mund të ketë edhe raste të tjera kur taksisti në fjalë ka ushtruar dhunë seksuale ndaj klienteve të tij. Nisur nga këto dyshime, policia vazhdon hetimet për të zbuluar nëse ka pasur denoncime të ngjashme nga vajza të tjera./tvklan.al

10% e vajzave në Shqipëri, martohen de fakto në moshë minorene edhe pse nuk mund të martohen dot ligjërisht, për shkak të moshës nën 18 vjeç. Statistika jepet në një raport të Kombeve të Bashkuara. Vështirësitë ekonomike të shumë familjeve në zonat e thella, konsiderohen si shkak për këto martesa.

Shqipëria lë pas vetëm Afganistanin sa i përket martesave në moshë të hershme. Fondi i Kombeve të Bashkuara për Popullsinë në studimin global të këtij viti na rendit ndër shtetet problematike. 1 në 10 vajza “de facto” martohen para moshës së lejuar me ligj, 18 vjeçe. Fenomeni godet kryesisht kategorinë e grave në vështirësi ekonomike.

Shqetësim mbeten edhe abortet selective, ndonëse me tendencë në rënie. Prindërit në shumë zona të Shqipërisë dëshirojnë më shumë djemtë se vajzat. Veçanërisht për këtë nuk raportohen shifra, por vitin e shkuar aborte në përgjithësi vetëm në spitalet publike sipas Instituti të Statistikave janë regjistruar rreth 6 mijë.

Pabarazia gjinore mes burrave e grave ku këto të fundit janë më të diskriminuara vihet re edhe në punesim, paga e drejtim. Në studimin global të Kombeve të Bashkuara renditemi në vendin e 95 ndër 142 vende për numrin e grave drejtuese.

Newer Posts

Vokshi: Edi Rama i doli në mbrojtje përdhunuesit

Salianji: Sot duhet të ishte arrestuar djali përdhunues i deputetit

E ëma hedh vajzën 4 vjeçare nga ura

Plagosen me thika 4 të rinj pas sherrit për një vajzë

Indi, dhunohet në grup dhe digjet e gjallë para prindërve

Militantët e “Boko Haram” bastisin shkollën, zhduken 50 vajza

“Sarandat e Kosovës” vizitojnë qytetin, emrin e të cilit mbajnë

Zbulohet taksisti shqiptar që përdhunon vajzat në Itali

Në Shqipëri 1 në 10 vajza martohen para se të mbushin 18 vjeçe

Parada homoseksuale në Serbi, kryeministrja Brnabiç: Mesazh për paqe dhe tolerancë

Aksident në Lezhë, betonierja përplas një benz, drejtuesi në spital

Viti i ri shkollor, Ferizaj: Ja sfidat në arsim