trajneri
Veronik Istrefaj17:43 | 17/12/2019
Ish-trajneri i Tiranës, Ardian Mema, ishte i ftuar mbrëmë në studion e Pressing, në ABC News. Tekniku kryeqytetas sqaroi gjithçka sa i takon pyetjes për të ardhmen e tij, për 1 milionë dollarë te Partizani. Përgjigja e Memës është e drejtpërdrejtë.
“Më bëri një pyetje drejtuesja e emisionit: ‘Me një milionë dollarë, do të ikje te Partizani?’ Normalisht, konteksti i pyetjes ishte me batutë.
Gjithashtu, sërish brenda batutës, më tha: ‘Ardi, je papunë.’ Normalisht, edhe unë u përgjigja me batutë dhe i thashë: “Unë jam papunë, por jo pa bukë.”
E kanë përdorur shumë portale dhe e kanë keqkuptuar këtë batutë time, më vjen shumë keq që e kanë keqkuptuar. Edhe dhe, gjeta rastin të sqaroj gjithçka këtu”, përfundoi Mema./abcnews.al
Veronik Istrefaj17:31 | 17/12/2019
Trajneri i Bolognas, Sinisa Mihajlovic, po vuan nga një sëmundje e rëndë dhe po merr prej disa kohësh mjekimin e duhur. Strategu i ekipit italian foli për mediet italiane, ku tha se kurimi i tij po shkon shumë mirë, ndryshe nga sezoni i Bolognas, që për momentin është në vend të dhjetë në Serie A.
“Unë u përpoqa të gjej forcë te të tjerët, ‘beteja’ po shkon mirë. Ne po kalojmë kohën më të bukur të vitit, Krishtlindjet. Mendojmë se familja është një gjë që na pengon, shumë herë ne nuk i japim rëndësi asaj, por kur e gjeni veten në situatën time, i sëmurë, e kuptoni që të kesh një familje afër, është themelore.
Për fat të mirë, me këtë sëmundje kam zgjeruar familjen time, falënderoj shoqërinë time nga thellësia e zemrës, duke filluar nga presidenti, stafi, lojtarët, mjekët e klubit, punëtorët e fushave dhe të gjithë pranë klubit.
Të gjithë më kanë treguar shumë dashuri. Shpresojmë që vitin e ardhshëm të kemi rezultate më të mira, për të bërë më mirë sesa vendi i dhjetë. Kjo gjithashtu varet nga presidenti”, përfundoi Mihajlovic./abcnews.al
Veronik Istrefaj20:17 | 14/12/2019
Sot, Partizani shkarkoi trajnerin italian, Franco Lerda. Lajmin për largimin e strategut e konfirmoi faqja zyrtare e Partizanit në Facebook.
Menjëherë pas largimit të Lerdës, ka dalë në skenë emri i parë për pasuesin e tij. Bëhet fjalë për ish-teknikun e Skënderbeut, Orges Shehi.
42-vjeçari bëri një punë relativisht të mirë në Korçë, ku drejtoi skuadrën për 45 ndeshje. Shehi kishte një mesatare prej 1.69 pikësh për ndeshje me Skënderbeun, që kishte shumë probleme financiare dhe largime të lojtarëve të rëndësishëm.
Kolegët e PanoramaSport raportojnë se ka pasur bisedime intensive mes Shehit dhe drejtuesve të Partizanit. Mbetet për t’u parë se kë trajner do të zyrtarizojnë drejtuesit e “Demave” në krye të pankinës./abcnews.al
Veronik Istrefaj18:49 | 14/12/2019
Trajneri i Skënderbeut, Ilir Daja, foli shumë i zhgënjyer pas humbjes 0-1 përballë Vllaznisë. Numri një i stolit korçar, për Supersport, tha se do të ulet në tavolinë me presidentin Takaj për të diskutuar për të ardhmen e tij dhe vazhdimësinë e ekipit. Gjithashtu, Daja mohoi çdo zë që e çon te Tirana, duke thënë se nuk ka asnjë kontakt me bardheblutë.
NDESHJA – “Loja ishte shumë e dobët. Ajo që na penalizoi ishte finalizimi i disa rasteve të pjesës së parë. Protesta nuk na ndikoi, pasi ndërhyri presidenti”.
HUMBJET “Janë dy humbje radhazi, pas dy fitoreve radhazi. Kemi shumë mungesa, edhe Dita u dëmtua. Ajo që më vjen keq, është që pësojmë gola të evitueshëm. Duhet të reagojmë në këto dy ndeshje të fundit, pasi do ta kemi vështirë”.
GRUPI – “Ekipi fillon nga porta dhe qendërmbrojtësit. Kur ndërtuam skuadrën, mbrojtësit në qarkullim ishin të limituar. Kemi probleme në repartin e mbrojtjes. Duhet të jemi më fanatikë, pasi ekipi duhet të marrë pjesë në repartin e mbrojtës. Unë nuk i shmang përgjegjësitë e mia, por lojtarët e vjetër duhet të marrin në shpatulla ekipin”.
OBJEKTIVAT – “Duhet të ulemi me presidentin, që të flasim për vazhdimësinë. Nëse duam të kalojmë këtë situatë, duhet të blejmë të tjerë lojtarë”.
SITUATA – “Ajo që e vështirëson situatën është gjendja që nga fillimi, që e rëndon anën e motivimit të ekipit. Megjithatë nuk dua ta shoh gotën gjysmë bosh. Do përpiqemi të tregojmë fytyrën e mirë të Skënderbeut”.
TIRANA – “Nuk kam asnjë lloj kontakti me Tiranën, sepse nuk kam si të kem, duke qenë se jam te Skënderbeu. Është e rëndësishme të mbarojmë këto dy ndeshje, duke nisur nga sfida me Gjirokastrën. Pastaj do ulemi të shohim si do procedojmë për të ardhmen”./abcnews.al
Veronik Istrefaj18:34 | 14/12/2019
Trajneri i Teutës, Bledi Shkëmbi, u pa shumë i zhgënjyer me lojën e të tijve në atë humbje të thellë 4-0 përballë Kukësit në “Elbasan Arena”. Pas ndeshjes, numri një i stoli të ekipit durrsak foli për Supersport, ku preku disa tema të kësaj sfide.
“Sulmuesin e zëvendësova se isha i pakënaqur me lojën e tij, nuk bëri detyrat si duhej. E pyeta arbitrin sesi është rregulli kur topi kap kokën pastaj shkon te dora, a quhet penallti apo jo. Kaq, nuk ka asnjë problem me arbitrat. Arbitri i katërt më tha se nëse topi kap kokën e lojtarit fillimisht, nuk quhet penallti.
Çfarë të them? Janë gjëra që duken. Për të qenë i sinqertë, nuk merrem me arbitrat dhe nuk do të merrem asnjëherë. Po them diçka, më vjen keq për lojtarët, kishim mungesa nuk na duhej ky dygolëshi i parë kaq i shpejtë. Kishim dhe ne problemet tona, por nuk duhej të justifikoheshim.
Shtylla? Do të ishte gol model. Nuk është problemi i dy penalltive, por te çështja jonë. Pjesën e parë ishte Lorenco Vila mund të shënonte përballë me portierin. Merita ka edhe Kukësi, që ka një ekip me shumë cilësi”, përfundoi Shkëmbi./abcnews.al
Veronik Istrefaj18:15 | 14/12/2019
Trajneri i Kukësit, Shpëtim Duro, foli menjëherë pas fitores 4-0 kundër Teutës për Supersport, aty ku analizoi ndeshjen, foli për pikët e marra, kreun e renditjes dhe grupin e lojtarëve.
FITORJA – “Sigurisht fitorja dhe loja tregoi që Kukësi është në rrugën e duhur këtë moment. Në pjesën e parë, na u krijuan disa probleme, por morëm kontrollin me kalimin e minutave. Në pjesën e dytë, shënuam golin e dytë dhe aty sfida mbaroi”.
TITULLI – “Sigurisht që është ende herët, jemi në vend të parë pas gabimeve të tjerëve. Edhe të tjerët janë këtu ku janë, nga gabimet tona. Skuadrën se kam pasur të plotë në tre ndeshjet e fundit. Ekipi ka kondicion të mirë fizik”.
ABAZAJ&GAVAZAJ – “Ne e dimë që janë dy lojtarë që kanë ardhur me vonesë. Abazaj erdhi në javën e katër, ndërsa Gavazaj erdhi shpejt, por kishte mangësi. Gradualisht kanë hyrë në stërvitje dhe janë njohur me shumë me skuadrën”.
GRUPI – “Unë kam marrë Xhikën dhe Obanorin, pasi skuadrën e gjeta. Kukësi ka sjellë lojtarë të rëndësishme në sulm, si Rexhinaldo, sulmues cilësorë dhe nuk ishte e lehtë të zëvendësoheshin. Tani mund të them se janë protagonistë”.
ROTACION – “Sigurisht që i thashë lojtarëve të kenë kujdes, pasi do i kapim në kundërsulm. Normalisht Musolli u dëmtua. U dhashë hapësira të tjerëve dhe çlodha disa të tjerë”, përfundoi Duro./abcnews.al
Veronik Istrefaj13:39 | 13/12/2019
Trajneri i Teutës, Bledi Shkëmbi, ka folur në konferencë për shtyp para ndeshjes kundër Kukësit, aty ku ka prekur disa tema në lidhje me këtë takim dhe me skuadrën e tij. Numri një i stolit durrsak foli për problemet në sulm, kundërshtarin e radhës dhe objektivin që ka në këtë ndeshje.
“Të shpresojmë që të rikthehemi te fitoret radhazi, të vazhdojmë të fitojmë. Kemi kaluar një moment jo shumë të mirë rezultatet, nuk dua ta quaj negativ. E mira do ishte të kishim fituar edhe ndeshjet e shkuara. Por kemi pasur probleme në sulm, te shënimi i golit.
Shpresoj që ai gol i Vilës në minutën e 90-të të ketë thyer atë tersin që kemi pasur. Nuk duhet të harrojmë që luajmë me një kundërshtar shumë të mirë, kundërshtar që është ndërtuar për titullin kampion. Personalisht, kam shumë besim tek ekipi im dhe mendoj se do të bëjmë një ndeshje të mirë. Në fakt, kemi probleme me dëmtimet, me kartonë, por kjo nuk do të thotë asgjë, nuk është justifikim. Ne kemi gati 22 lojtarë, të gjithë stërviten për të luajtur.
Mund të duket e çuditshme, por mua më pëlqen kur kemi mungesa, pasi kanë shansin të luajnë ata që kanë pasur më pak minuta. Mendoj se ata që do të luajnë, do të bëjnë maksimumin që të tregojnë versionin e tyre më të mirë në fushën e lojës. Ne prandaj punojmë, prandaj stërvitemi, që të marrim maksimumin, ose të mundohemi të marrim maksimumin. Do të luajmë për ta fituar ndeshjen, duke respektuar në maksimum kundërshtarin. Qëllimi ynë është të luajmë ndeshjen për të fituar dhe për të vazhduar ecurinë e rezultateve.
Nga futbollistët pres që ta mendojnë si një ndeshje radhe, të kenë besim për të mposhtur kundërshtarin, të kenë dëshirë për të fituar. Në fakt, unë dhe ekipi, nuk jemi të kënaqur me pikët që kemi marrë deri tani. Personalisht, mendoj se kemi bërë ndeshje shumë të mira dhe meritonim pikë më shumë. Megjithatë, nuk është justifikim kjo gjë. Mendojmë se duhet të kishim marrë diçka më shumë dhe duhet të punojmë të rikuperojmë pikët.
Sido që të ishte ecuria e Kukësit, ky duel do të ishte shumë i vështirë. Kukësi ka cilësi, ekip i mirë investuar. Gjithmonë ndeshjet kundër Kukësit, por jo vetëm, do të jetë e vështirë, aq më tepër pastaj që Kukësi është dhe rival i joni. Jemi aty-aty me pikë dhe nuk diskutohet se edhe ata duan ta fitojnë këtë ndeshje”, përfundoi Shkëmbi./abcnews.al
Veronik Istrefaj11:06 | 13/12/2019
Trajneri i Vllaznisë, Mirsad Jonuz, ka folur në konferencë për shtyp para sfidës ndaj Skënderbeut. Numri një i stolit shkodran ka thënë se ekipi i tij udhëton drejt Korçës vetëm për tre pikë dhe se situata në grup është shumë e qetë dhe normale.
SITUATA – “Gjithçka është normale. Situata në ekip është e mirë dhe nuk kemi asnjë dëmtim. Megjithatë, për më tepër do të shohim edhe seancën e sotme që është e fundit, për të konstatuar situatën e të gjithë futbollistëve. Në radhët e ekipit ka optimizëm dhe shpresoj t’ia dalim me sukses”.
SKËNDERBEU – “Kjo është një ndeshje tjetër dhe nuk ka asgjë të përbashkët me atë të fazës së parë. Kemi të bëjmë me një ndeshje të rëndësishme dhe njëkohësisht të vështir. Këto dy takime kanë shumë ndryshime me njëri- tjetrin, por ajo që nuk ndryshon është se futbollistët e mi janë të inspiruar për të bërë më të mirën edhe këtë herë.
STRATEGJIA – “Mënyra e lojës nuk do të ndryshojë, por në minutat e fundit, ndoshta ndryshojmë ndonjë lojtar në formacionin bazë. Megjithatë ende nuk e kam vendosur përfundimisht.
OBJEKTIVI – “Unë nuk do ta shikoja në këtë aspekt. E rëndësishme për Vllazninë është të grumbullojë sa më shumë pikë, pavarësisht faktit nëse luan në fushën e saj apo në transfertë. Për ne vlejnë pikët dhe ngjitja sa më lart në tabelën e klasifikimit. Ne shkojmë vetëm për fitore”./abcnews.al
Veronik Istrefaj23:39 | 11/12/2019
Diego Pablo Simeone ishte i kënaqur pas fitores së Atleticos ndaj Lokomotivës së Moskës. Në fjalën e tij, strategu argjentinas tha: “Jam i gëzuar, sepse të jesh në Champions League dhe në raundin e 1/16 nuk është e lehtë.
Tani kanë mbetur ekipe të shkëlqyera dhe kushdo që do të kemi përballë, do të jetë një sfidë emocionuese. Ky hap në Ligën e Kampionëve ishte i nevojshëm për klubin dhe ekipin”.
Simeone foli dhe për penalltinë e Trippier: “Ai është lojtari më i mirë që kemi për penallti, por kësaj radhe ishte i pafat. Felix? Kur je i ri, nuk ke frikë nga asgjë. Tani duhet ta krijojmë të njëjtën performancë edhe në kampionat”, përfundoi numri një i Atleticos./abcnews.al
Veronik Istrefaj23:45 | 10/12/2019
Napoli triumfoi 4-0 përballë Genk dhe u kualifikua për në fazën me eliminim direkt të UEFA Champions League, por kjo gjë nuk i ka kursyer stolin Carlo Ancelotti.
Strategu italian është shkarkuar nga bordi drejtues i Napolit për shkak të rezultateve negative në kampionat, si dhe për disa probleme brenda skuadrës me lojtarët.
Ancelotti do të zëvendësohet nga Gennaro Gatusso, me ish-trajnerin e Milanit që pritet të marrë drejtimin për 18 muaj. “Don Carlo” me shumë gjasa do të rikthehet në Premier League, kësaj radhe jo te Chelsea, por te rivalët e Arsenalit./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
21:40 | 20/01/2020
21:18 | 20/01/2020
21:15 | 20/01/2020
