trajneri
Veronik Istrefaj21:00 | 31/12/2019
Trajneri i Kosvës, Bernard Challandes, ka folur për Insportin, aty ku i është përgjigjur pyetjes sesi është të punosh në Kosovë. Në fjalën e tij, strategu i dardanëve tha: ”Puna në Kosovë? Nuk është imazh i mirë dhe më pyesin njerëzit se si mund të punoj në Kosovë. Dhe unë u them: Pse jo në Kosovë?!, por ata thonë që kosovarët janë ashtu e kështu. Por, unë u them se njerëzit në Kosovë janë shumë të mirë.
Ata janë shumë të mirë me mua dhe e përkrahin ekipin kombëtar. Këtu ka qenë edhe gruaja ime, më pas shkuam edhe në Shqipëri dhe ajo tha se ne këtu e ndjejmë dhembjen që e kanë kosovarët, historinë e dhimbshme. Nuk ka kaluar kohë e gjatë që nga lufta, por unë këtu ndihem shumë mirë dhe jo vetëm si trajner.
Si trajner është diçka tjetër, nëse ke sukses është lehtë që të ndihesh mirë, por jam i sigurt që edhe nëse nuk do të kemi shumë sukses në vitin e ardhshëm ose në garat e ardhshme, unë jam i sigurt që do të ndihesha mirë”, përfundoi Challandes./abcnews.al
Veronik Istrefaj19:29 | 31/12/2019
Jurgen Klopp ka zbuluar momentin gazmor kur ai u zbulua nga një tifoz gjerman, ndërsa kishte veshur një veshje të Santa Claus. Trajneri i Liverpool është rikthyer në Angli pas fitores ndaj Flamengos 1-0 dhe shpalljes kampion bote.
Karriera e Klopp nisi në Mainz, 18 vite më parë, përpara se të bashkohej me Borussia Dortmund. 52-vjeçari ka zbuluar një histori gazmore me një fans të tij.
“E provova të vishesha si Santa Claus kur shkova në një karnavale të famshme në Mainz. E gjithë fytyra ime ishte e pikturuar me make-up dhe kisha vënë një parukë të madhe. Kisha edhe syze të mëdha. As që e njihja veten, kur po qëndroja i ulur në taksi.
“Ne dolëm nga taksia kur papritmas dëgjuam se Mainz po fitonte. Ne shkuam në stadium, me të gjithë miqtë të veshur me të njëjtën veshje, si Santa Claus. Thjesht kishim vendosur disa numra në kokat tona, që të njihnim njëri-tjetrin.
Ne ishim vetëm atje vetëm për pesë minuta, por dikush më njohu menjëherë. “Ej Klopp, Klopp!”, filloi të thërrasë. Kur e pyeta nga më njohu, ai tha që atletet e mia më kishin nxjerrë zbuluar. E vështirë të fshihesh nga fansat e shumtë”, përfundoi Klopp./abcnews.al
Veronik Istrefaj09:30 | 27/12/2019
Trajneri i Liverpool, Jurgen Klopp, foli pas ndeshjes ndaj Leicester City, të cilët i mposhti me rezultatin e thellë 0-4. Kjo fitore, e afron edhe më shumë Liverpoolin e tij me titullin kampion, por Klopp nuk dëshiron të flasë aspak në lidhje me këtë temë.
“Ishte thjesht një ndeshje futbolli përballë një skuadre shumë të fortë”, tha fillimisht Klopp për BBC Football. “Nuk e mendonin fare se kjo ndeshje do të vendosë titullin kampion dhe kështu është. Për trofe, duhet të flasim pas disa muajsh, jo tani.
Ishte e rëndësishme të fitonim dhe të ruanim ecurinë, por dhe në rast humbje, nuk do të ishte fundi i botës. Ishim 11 pikë përpara, tani jemi 13.
Vetëm dy pikë vendosën titullin? Asnjëherë më parë në historinë e futbollit nuk ka ndodhur që një skuadër të fitojë titullin kampion në dhjetor, kështu që më duket e pamatur të flasim për këtë gjë.
Duhet të flasim për ndeshjen ndaj Leicester, që ishte fenomenale. Numrat, pikët, titulli kampion janë të parëndësishme për momentin”, tha mes të tjerash strategu gjerman./abcnews.al
Veronik Istrefaj09:12 | 27/12/2019
Tottenham mori një fitore me përmbysje 2-1 ditën e djeshme përballë Brighton. Ishin miqtë ata që shënuan të parët, por Tottenham arriti të përmbysë gjithçka në pjesën e dytë, falë golave të Harry Kane dhe Dele Alli.
Kjo ndeshje tregoi dhe njëherë tjetër se Jose Mourinho është një ndër trajnerët më të mirë në botë. Për më tepër, strategu portugez ka vendosur një tjetër rekord në Premier League, sa i takon ndeshjeve në ‘Boxing Day’ (dita pas Krishtlindjeve)
Jose Mourinho nuk ka humbur asnjë nga 8 ndeshjet që ka drejtuar në Boxing Day’ në Premier League. Strategu portugez ka marrë 6 fitore dhe 2 barazim në këto sfida, duke u bërë trajneri më i suksesshëm në ditën pas Krishtlindjeve./abcnews.al
Jose Mourinho has never lost in eight #PL matches on Boxing Day
He’s managed more matches without defeat on the day than any other manager in the competition pic.twitter.com/wqVLcAaq56
— Premier League (@premierleague) December 27, 2019
Veronik Istrefaj08:51 | 27/12/2019
Carlo Ancelotti mori fitoren e parë në krye të Everton, duke mposhtur skuadrën e Burnley me rezultatin e ngushtë 1-0. Everton ndodhet në një situatë të vështirë dhe çdo fitore është e rëndësishme, edhe pse futbolli nuk mund të jetë në lartësinë e duhur.
Këtë gjë pranoi edhe Ancelotti pas ndeshjes për SkySport, aty ku u shpreh se asgjë nuk ka ndryshuar ende tek Everton dhe ka shumë punë për të bërë. Në fjalën e tij, Don Carlo tha: “Atmosfera ishte e shkëlqyer, këtë gjë dua nga tifozët.
Dua që ta bëjmë stadiumin tonë një fortesë. Morëm një fitore të vuajtur, do donim të shënonim më shumë dhe ta mbyllnim më shpejt takimin, por në Premier League, çdo ndeshje është e vështirë. Situata tek Everton nuk ka ndryshuar ende, është e vështirë të ndryshosh gjëra në kaq pak kohë.
Jam shumë krenar për shpirtin që treguan djemtë dhe kjo gjë është speciale për mua. E rëndësishme ishte vetëm të merrnim pikët, gjërat e tjera do të rregullohen me kalimin e javëve”, përfundoi strategu italian./abcnews.al
Veronik Istrefaj15:59 | 25/12/2019
Partizani mendon sërish për një trajner italian. Një kandidaturë e mundshme është Adolfo Sormani, tekniku që drejtoi skuadrën disa muaj në vitin 2016. Në moshën 54-vjeçare është pikërisht në momentin e duhur. A thua Partizani po kthen Adolfo Sormanin për stolin, ish-trajnerin që u largua me konflikt në 2016?
Burime pranë presidentit Gazment Demi bëjnë me dijë se ka sërish një mendim për italianin, dhe Sormani ka qenë alternativë edhe pas largimit të Skënder Gegës në maj të këtij viti.
Demi vlerëson se 54-vjeçari është një profesionist i mirë, dhe po ashtu një njohës i ambientit të kuqve, edhe pse punoi vetëm për disa muaj. Sormani ka përvojë mesatare, duke qenë dy vitet e fundit trajneri i Veljes në Danimarkë, në Divizionin e Parë dhe në Superiore.
Më herët ai ka punuar teknik i të rinjve te Juventusi e Napoli, si dhe ka qenë ndihmës I Gianfranco Zola te Ëatford në Premier Ligën angleze. Nuk dihet sesa mund të jetë fatura financiare e Sormanit, edhe pse vështirë se ai mund të vijë për më pak se 6 apo 7 000 euro në muaj, plus që duhen paguar edhe ndihmësit./abcnews.al
Veronik Istrefaj18:43 | 22/12/2019
Trajneri i Vllaznisë, Mirsad Jonuz, foli për gazetarët e pranishëm në “Selman Stermasi” pas humbjes 1-0 kundër Partizanit. Në fjalën e tij, strategu i ekipit shkodran tha: “Dua të komplimentoj lojtarët e mi sot, ne ishim skuadra më e mirë në fushën e lojës. Krijuam më shumë raste, kishim disa momente për të shënuar, por nga një gabim gjatë një goditje këndi, ndëshkohemi dhe Partizani kalon në avantazh.
Në 20 minutat e fundit, shtymë më shumë dhe e vendosëm në presion kundërshtarin, por nuk arritëm të shënonim. Sot luajtëm ndeshjen e fundit të vitit dhe vendosëm shumë lojtarë në role të ndryshme. Po punon shumë mirë, por ndonjëherë nuk e mbajmë mirë topin dhe e humbim shumë shpejt.
Është një problem vetëbesimi. Fola me lojtarët në pushimin mes pjesëve, iu kërkova të besonin më shumë dhe të shtynin përpara. Nuk dua të flas për arbitrin, pasi gjërat shihen qartë. Për të ardhmen, kjo skuadër po punon mirë dhe ka vetëm 5 muaj së bashku. Do të përmirësohemi edhe më shumë dhe unë do të vazhdon të punoj në Shkodër. Do të flas me drejtuesit edhe për merkaton e janarit, ndoshta do të sjellim lojtarë të rinj. Por nesër do të flas me administratorin.
Jo, rezultati nuk ishte iu duhuri. Skuadra ime e dominoi lojën, krijoi më shumë raste për të shënuar. Por në këto lloj fushash, është e vështirë të shënosh. Duhet vetëm të vraposh në këto lloj fushash. Shtubina nuk shënoi, por luajti shumë mirë. Në këto situata, duhet përqendrim i madh.
Duhet të jemi ekip profesionist, të luajmë 90 minuta me fokusin më të madh. Jam nervoz, pasi shumë gjëra po shkojnë kundër nesh. Gjithsesi, nuk dua të flas për arbitrimin”, përfundoi Jonuz./abcnews.al
Veronik Istrefaj18:31 | 22/12/2019
Trajneri i Skënderbeut, Ilir Daja, ka folur për Superpsort pas ndeshjes kundër Kukësit, e cila u mbyll 1-1 në “Elbasan Arena”. Daja analizoi ndeshjen, si dhe foli edhe për të ardhmen e tij.
NDESHJA – “Shpirti i sakrificës është elementi kryesor. Kishim përballë ekipin që me meritë kryeson kampionatin. U kërkova lojtarë të sakrifikonin për lojën dhe rezultatin. Në pjesën e parë, po të ishim treguar më altruistë, mund të kalonim në 2-0. Po të shikosh paraqitjet me ekipet kryesuese kemi dhënë më të mirën, por nuk e kemi pasur me ekipet e gjysmës së dytë të tabelës. Duhet të luajmë njësoj si me vendin e parë dhe të fundit”.
E ARDHMJA – “Është ndeshja ime e fundit për këtë vit. Në këtë lloj situate do të jem trajner i Skënderbeut. Ky është karakteri im. E tregova dhe vjet në Vlorë. Besoj se do të vazhdoj të drejtoj Skënderbeun”.
RASTET – “Ky stadium më jep kënaqësi, kam dalë për herë të parë kampion. Bregu po të ishte treguar më altruist, do të kalonim në 2-0. Më pëlqeu shpirti i sakrificës së ekipit. Kemi luajtur më shumë me dëmtime, kemi karakter përderisa ia dalim pas 3 humbjeve”.
GOLI I ANULUAR – “Për rastin e golit të anuluar, nëse do ta diskutoni. Pashë dhe sekondat. Është një dyluftim është goditur Daja me bërryl, mund të jepej karton i dytë i verdhë. Ata nuk e respektuan Fair-Play. Fillon te dyluftimi i Rrocës me Dajën në mesfushë”, përfundoi Daja./abcnews.al
Veronik Istrefaj22:41 | 18/12/2019
Trajneri i Liverpool, Jurgen Klopp, foli për faqen zyrtaret të klubit pas fitores së skuadrës së tij 1-2 kundër Monterrey. Strategu gjerman pranoi se ky kompeticion, është shumë i vështirë dhe se Liverpool nuk mund të cilësohet si skuadra favorite.
“Nuk e kam menduar për asnjë moment se ka ndeshje të lehta në këtë kompeticion. E kemi vlerësuar në maksimum dhe kjo gjë u pa sot në fushën e lojës. Secili ekip është këtu për të përfaqësuar vendin, kontinentin, dhe të përpiqet në maksimum që të fitojë
Kundërshtari sot bëri pikërisht të njëjtën gjë, ata luftuan vërtet shumë. Kemi pasur probleme para ndeshjes, e dinim që do të kemi disa probleme edhe në lojë, ishte e qartë. Por unë me të vërtetë mendoj se djemtë bënë jashtëzakonisht mirë.
Cilësitë e Monterrey? Unë kurrë nuk kam qenë në dyshim për këtë: pse duhet të mendojmë se futbolli evropian qëndron mbi gjithçka apo çfarëdo? Edhe lojtarët e Monterrey janë të mirë. Kemi pasur momente të shkëlqyera, ndoshta dhe episode që vendosën ndeshjen, me Naby (Keita) dhe Mo (Salah). Edhe Sadio (Mane) me vrapimet e tij ndihmoi shumë. Të gjithë bënë një ndeshje të shkëlqyer për më shumë se 90 minuta”, përfundoi Klopp./abcnews.al
Veronik Istrefaj18:46 | 18/12/2019
Trajneri i përkohshëm i Tiranës, Emanuele Egbo, foli për Supersport pas fitores 2-0 kundër Flamurtarit. Në fjalën e tij, kreu i pankinës bardheblu preku disa tema, përfshirë këtu dhe të ardhmen e tij.
LODHJA – “E dija që kështu do të ishte ndeshja, pasi lojtarët shpenzuan shumë energji, emocionalisht dhe psikologjikisht ishin shumë të ngarkuar. E dija shumë mirë se Flamurtari do të luante më i tërhequr në pjesën e parë. Në fund kanë rëndësi vetën pikët”.
DËMTIMET – “Edhe mungesat janë një nga arsyet që ndikojnë. Për Muçin ishte ndeshja e parë që luante titullar. Karabeci ka luajtur pak ndeshje. Kemi luajtur me gjysmën e ekipit”.
STOLI – “Është zgjedhje personale, vetëm unë dhe presidenti e dimë. Nuk është se nuk e bëj dot unë trajnerin, është zgjidhje për arsye shëndetësore dhe personale. Unë do qëndroj deri në ndeshjen me Laçin dhe më pas do të diskutoj”.
OSMANI – “Nuk është problem për mua. Osmani nuk është në 100 % akoma. Prandaj ishte në pankinë sot”.
NDËRRIMET – “Nuk doja që të humbnim ekuilibrat në fushë, prandaj nuk i ndërrova mesfushorët, por bëra zëvendësime në pjesën sulmuese. Nuk kishim shumë opsione në pankinë për të bërë lëvizje të tjera”, përfundoi Egbo./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
