skenderbeu

Shkumbini-Bylis-1280x960.jpg
Vladimir Prenga12:53 | 09/11/2019

Luftëtari-Teuta dhe Bylisi-Skënderbeu nisin prej orës 13:30, ndërkohë që janë mësuar formacionet e të katër ekipeve. Lëvizje të shumta, sidomos te skuadra e Skënderbeut që po vuan dëmtimet e disa titullarëve. Daja ka menduar të hedhë në fushë një ekip me pesë mbrojtës, ashtu sikurse bën edhe Luftëtari kundër Teutës.

KATEGORIA SUPERIORE – JAVA 13
E shtunë, më 9 nëntor 2019, ora 13:30

LUFTËTARI-TEUTA
Luftëtari:
Paiteris, Qato, Lala, Isufaj, Kukaj, Prikas, Dragoshi, Açka, Hyseni, Dushkaj, Lika. Trajner: Giorgios Marantasa
Teuta: Frashëri, Todorovski, Hoxha, Arapi, Kuros, Aleksi, Avdyli, Kallaku, Çyrbja, Gashi, Khalid. Trajner: Bledi Shkëmbi
GJYQTARË: Emirjon Sino, Orgest Grabova, Mario Shazivari, Hermal Llapra

BYLIS-SKËNDERBEU
Bylisi:
Hidi, Ymeralilaj, Goxha, Janku, Peposhi, Turabov, Mëllugja, Murataj, Ntephe, Qardaku, Guindo. Trajner: Veljko Dovedan
Skënderbeu: Koliçi, Ndecky, Meksi, Pollozhani, Pëllumbi, Vitija, Elezi, Taipi, Gripshi, Bregu, Krasniqi. Trajner: Ilir Daja.
GJYQTARË: Erjon Bastari, Rejdi Avdo, Gerant Qirici, Andi Koçi

abcnews.al

bylisi.jpg
Vladimir Prenga08:21 | 09/11/2019

Tirana u ndal një ditë më parë me Vllazninë dhe janë dy skuadrat që sot do tentojnë ta parakalojnë në renditje. Bylisi synon të “blindojë” vendin e dytë në klasifikim dhe përkohësisht mund të marrë vendin e parë. Për këtë duhet të mposhtë Skënderbeun, që e ka thyer edhe në Korçë.

Dovedan nuk ka Bicajn të dëmtuar, por kjo nuk shikohet si problem. Fitores me Vllazninë ballshiotët do synojnë t’i japin më shumë vlera me një tjetër triumf. Nga ana tjetër korçarët me plot probleme në mbrojtje do të duhet të përballojnë energjinë e lojtarëve të Bylisit.

Takimi tjetër i ditës në Superiore zhvillohet në Gjirokastër. Luftëtari i parafundit pret Teutën, skuadër kjo që pretendon titullin kampion. Obvjektiva të ndryshme, por në fushë nuk kanë shumë rëndësi. Durrsakët kanë pasur probleme me shënimin e golave dhe me skuadrat poshtë tyre në renditje, por sot nuk lejohet rezultat tjetër veç fitores.

I dënuar në fakt është edhe Luftëtari, që synon qëndrimin në Superiore. Fitoret në shtëpi janë shumë të rëndësishme për këtë. Për t’u përmënuar janë mungesat te bluzinjtë. Fili është i pezulluar nga klubi, kapiteni Rapo ka plotësuar numrin e kartonëve të verdhë, kurse Demo është i dëmtuar. Shumë mungesa për një ekip si Luftëtari.

KATEGORIA SUPERIORE – JAVA 12
E shtunë, më 9 nëntor 2019, ora 13:30

LUFTËTARI-TEUTA
Luftëtari:
Paiteris, Lala, Isufaj, Kukaj, Qato, Accka, Hyseni, Prikas, Lika, Dushkaj, Vyent. Trajner: Giorgios Marantasa
Teuta: Frashëri, Beqja, Hoxha, Arapi, Kuros, Aleksi, Avdyli, Kallaku, Çyrbbja, E. Vila, Khalid. Trajner: Bledi Shkëmbi

BYLIS-SKËNDERBEU
Bylisi:
Hidi, Ymeralilaj, Goxha, Janku, Ndreca, Mëllugja, Murataj, Bajramaj, Hadroj, Qardaku, Guindo. Trajner: Veljko Dovedan
Skënderbeu: Koliçi, Meksi, Pollozhani, Vitija Pëllumbi, Essien, Taipi, Gripshi, Ndecky, Bregu, Krasniqi. Trajner: Ilir Daja.

/abcnews.al

Skenderbeu.png
Igli Nikolli17:35 | 07/11/2019

Skënderbeu është bërë shembull nga UEFA, që e ka përjashtuar për 10 vite nga kupat e Europës dhe e ka gjobitur me 1 milion euro. Sportradar, kompania që punon për llogari të UEFA-s, që ka ndërtuar sistemin BFDS për parandalimin e basteve, së fundmi ka përfunduar nën akuzë në Itali.

Një i penduar ka folur për pagesa të bëra në dorë, si dhe pretendohet se nuk janë raportuar ndeshje të ndryshme të trukuara në Serie B. Kompania me seli në Zvicër ka hedhur poshtë gjithçka. Klubi korçar ka reaguar sot, teksa shkuan:  “Si ka mundësi që Skënderbeun duan ta “djegin” këto kompani dhe disa persona të cilët dyshohen dhe janë nën hetime për lidhje me mafien? Nga Sportradar, deri tek Presidenti i Federbet, i cili ka sulmuar personalisht Skënderbeun…”.

Korçarët ndërkohë kanë publikuar edhe linqet me lajmet e bëra publike në media të ndryshme në Itali. Skënderbeu nuk ndalet me aq, teksa ka akuza edhe për persona që kanë marrë pagesa për të dëshmuar.“Ka dhe nga ata që kërkojnë dhomave private prova kundrejt pagesave ilegale… Drejtësia nuk do të vonojë”, shkruajnë bardhekuqtë, që zbulojnë edhe disa mesazhe misterioze, pa bërë publik emra.

MESAZHET MISTERIOZE
“Të thashë që mund të fitojmë, por na duhen edhe më shumë prova kundër Takajt. Kur mund të takohemi?”
“Pra, na jepni prova që do të na ndihmojnë ne për ta varrosur atë”.
“Çfarë? Unë nuk kam ndërmend të flas derisa të vish dhe të diskutojmë për pagesën e provave”.

/abcnews.al

jashanica-1280x854.jpg
Vladimir Prenga12:09 | 07/11/2019

Bajram Jashanica është dënuar në muajin shkurt të vitit 2018 për përdorim të substancave të ndaluara. Në testin e antidopingut, pas ndeshjes me Young Boys ai doli pozitiv dhe u pezullua për dy vite. Në shkurt të vitit 2020 ai përfundon dënimin, ndërkohë që së fundmi ka pasur një çështje rreth tij.

Klubi i Skënderbeut, në një reagim të bërë ditën e sotme, zbulon se në muajin tetor lojtari ka bërë një kërkesë që të pezullohet pjesa e mbetur e dënimit, por përgjigja ka qenë negative nga UEFA dhe WADA. Sikurse kuptohet, tashmë duhet pritur që lojtari të shlyejë dënimin e plotë dhe më pas të jetë i gatshëm për Skënderbeun. Klubi korçar sqaron gjithçka në qëndrimin e mëposhtëm.

“Së pari, një kërkesë për pezullim të sanksionit disiplinor bëhet për kushte tërësisht specifike, është pa pagesë dhe mbi të gjitha vetëm pasi një sportist ka vuajtur të paktën 3/4 e dënimit dhe jo 2/3 siç pretendohet. Së dyti dhe më e rëndësishmja, më datë 09.10.2019, z. Jashanica ka depozituar kërkesë pranë UEFA-s dhe ËADA-s për pezullimin e periudhës së mbetur të dënimit, kërkesë e përgatitur nga ana e klubit.

Fatkeqësisht, më datë 11.10.2019, WADA dhe UEFA kanë refuzuar kërkesën e paraqitur, me argumentin ligjor se Z. Jashanica nuk ka të drejtë të kërkojë këtë lëshim, në përputhje me Kodin e Anti-Dopingut të WADA-s dhe Rregulloren e Anti-Dopingut të UEFA-s”, thuhet në një pjesë të sqarimit që bën klubi i Skënderbeut në faqen zyrtare në “Facebook”. / abcnews.al

daja-skenderbeu-1280x853.jpg
Vladimir Prenga08:49 | 06/11/2019

Skënderbeu pësoi katër gola në shtëpi nga Laçi në fundjavë, ndërkohë që sikurse dihet korçarët janë të përjashtuar për dhjetë vite nga kupat e Europës. Veç kësaj, UEFA e ka gjobitur klubi juglindor edhe me 1 milion euro gjobë. Sikurse kuptohet, edhe situata financiare në kampin korçar nuk mund të jetë më e mira.

Edhe vjet ka pasur probleme pagash, por ajo që ka ndodhur para ndeshjes me Laçin nuk ishte pritur. Sikurse raporton “Panorama Sport”, futbollistët nuk janë lejuar që të ushqehen te restoranti i zakonshmen dhe shkak për këtë thuhet të jetë mungesa e korrektësisë nga ana e klubit Skënderbeu.

Versioni i klubit, sipas gazetës, është se nuk ka dakordësi për çmimin e menysë. Gjithsesi kemi të bëjmë me një situatë jo normale, që është zgjidhur duke bërë marrëveshje me një restorant tjetër, ku tanimë lojtarë e Skënderbeut do të ushqehen në vazhdim.

Hygor gjatë prezantimit te Vllaznia

VLLAZNIA – Shkodranët nuk e kanë përjetuar mirë humbjen me Bylisin në shtëpi dhe normalisht kritikat nuk kanë munguar për lojtarët. Trajneri Mirsad Jonuz së fundmi ka marrë një lajm jo të mirë. Mesfushori brazilian, Hygor, pas ndeshjes së të premtes me Tiranën do të largohet drejt vendlindjes.

Ai ka marrë leje për shkak të disa problemeve familjare, ndërkohë që nuk dihet nëse ai do të rikthehet sërish në Shkodër për të vijuar zbatimin e kontratës mes palëve. Hygor ka luajtur në tetë ndeshje me kuqeblutë dhe ka shënuar tre gola, mes tyre një trepikësh në ndeshjen hapëse të kampionatit kundër Laçit. /abcnews.al

Daja-1.jpg
Veronik Istrefaj19:31 | 02/11/2019

Sëmundja e vjetër e korçarëve vazhdon. Skënderbeu ka pësuar katër gola me Laçin në shtëpi dhe pas ndeshjes në emisionin “Gol pas Goli” ka folur në një lidhje direkte me trajnerin Ilir Daja.

NDESHJA – “Atëherë, ka qenë një ditë “jo” për ne. E kemi filluar ndeshjen me gol, pastaj me daljen e Dajës dhe me dy ndërrime të detyruara që në pjesën e parë, na penalizuan. Me kontingjentin që kemi në dispozicion, na e bëri të vështirë ndeshjen. Po ndodh e njëjta situatë, disavantazhi është goxha i rëndë për ekipin. Në kushtet që ndodhemi, duhen rezultate. Nuk më pëlqen fakti që kundërshtari vjen deri në zonën tonë pa asnjë problem. Duhet më shumë punë nga lojtarët tanë, disiplinë dhe përgjegjshmëri e madhe”.

KRASNIQI – “Sigurisht që Krasniqi nuk ishte në gjendjen e duhur. Luajtëm në pjesën e parë për 5 minuta me 10 futbollistë, pasi donim një konfirmim të saktë nga Krasniqi, nëse luan dot apo jo. Nuk është vetëm Krasniqi, e kam dhe me lojtarët e rinj. Ata duhet ta dinë peshën e fanellës së Skënderbeut. Kur të rikthehet Krasniqi në formën e duhur, do të jetë një plus shumë i madh”.

KONTIGJENTI – “Kemi bërë një fazë të parë të mirë, në raport me pozicionim që kishim në tabelë. Duhet të tregohemi të fortë në momentin që biem. Shpresoj të bëhemi të fortë të gjithë, duke filluar nga unë i pari. Brenda kemi cilësi, por cilësi të limituar, pasi nuk i kemi në të gjitha repartet. Kemi treguar dy fytyra deri më tani. Kemi mundësi për të shkuar përpara. Rezultati është kryesori për një ekip dhe nuk vjen në situata spontane.

DITA&POLLOZHANI – “Atëherë, për të parën, sigurisht që lojtarët duhet të japin maksimumin kudo që luajnë. Unë kërkoj që një ekip të jetë shumë agresiv, të bëjë presing që në zonën e kundërshtarit. Por kjo mënyrë loje na lejon shumë hapësira mbrapa dhe nuk jemi të pozicionuar mirë në mbrojtje, si dhe mesfushorët qendrore. Gjithsesi, kur Skënderbeu futet në fushë, nuk futet për të bërë presing difensiv, por për të luajtur përpara. Vetëm cilësitë e mëdha të kundërshtarit mund të na kthejnë mbrapa. Këtë ditë, ta përmbledhim thjesht si një ditë “Jo”.

E ARDHMJA – “Ka një të vërtetë brenda dhe është një vlerësim për mua që më kanë kërkuar shumë skuadra, si dhe Shkëndija e Tetovës. Unë do të vazhdoj të jem pjesë e Skënderbeut. Planet e mia nuk janë afatshkurtra, por për një të ardhme të gjatë. Unë jam i motivuar maksimalisht dhe duhet të jap shembullin e parë te Skënderbeu. Besoj se do të jem pjesë e Skënderbeut këtë sezon. Për ta përfunduar, do të vazhdoj të drejtoj këta djem deri në fund të sezonit. Kemi dhe mbështetjen e tifozëve dhe nuk do të dorëzohemi. Nuk jam penduar që kam qëndruar te Skënderbeu”, tha Daja./abcnews.al

kiri-xhixha-1280x853.jpg
Veronik Istrefaj18:57 | 02/11/2019

Teuta dhe Tirana janë ndarë në barazim 1-1 në takimin mes tyre, i luajtur në “Niko Dovana” të Durrësit. Bardheblutë kryeqytetas kaluan të parët në avantazh me anë të Michael Ngoo, që shënoi në minutën e 19-të. Sulmuesi anglez përfitoi nga një aksion i gjatë në portën e Teutës, për të shtyrë topin drejt rrjetës pas një pritje të Frashërit.

Në pjesën e dytë, Teuta nuk u pajtua kurrsesi me këtë rezultat, duke shtyrë përpara dhe duke provuar me të gjitha mënyrat të gjejë rrjetën. Goli i barazimit erdhi vetëm në minutat e fundit. Kallaku merr një top në krahun e majtë, spostohet në qendër dhe kroson. Një goditje fillestare gjen traversën dhe topi i kthyer, përfundon në kokën e Hoxhës, që vendos rezultatin final të sfidës në 1-1.

Takimi tjetër mes Skënderbeut dhe Laçit nuk ka pasur shumë histori. Edhe pse korçarët shënuan të parët me Gripshin në minutën e 5-të, kurbinasit përmbysën gjithçka, duke shënuar plot katër herë. Lushkja (24′), Nwabueze (48′ 84′) dhe Xhixha (64′) shënuan për djemtë e Cungut, që ngjiten në vendin e pestë përkohësisht./abcnews.al

KATEGORIA SUPERIORE – JAVA 11
E shtunë, më 2 nëntor 2019, ora 17:00

TEUTA-TIRANA  1-1
Hoxha 90′ / Ngoo 19′

Teuta: Frashëri, Beqja, Hoxha, Arapi, Kuros, Aleksi, Avdyli, Kallaku, Çyrbja, E. Vila (Beqja 80′), Khalid (Nikac 61′). Trajner: Bledi Shkëmbi

Tirana: Lika, Vangjeli, Osmani, Hoxhallari, Ismajlgeci, Batha, Çelhaka, Cobbinah (Karabeci 73′), Halili (Dunga 64′), Torasa, Ngoo (Muca 80′). Trajner: Julian Ahmataj

Kartonë të verdhë: Avdyli 41′, Beqja 45′, Çyrbja 51′, Aleksi 90′ / Torassa 48′, Hoxhallari 50′,

Karton i kuq: Hoxhallari 76′, Torassa 90+2′

SKËNDERBEU-LAÇI  1-4

Gripshi 5′, Lushkja 24′, Nwabueze 48′ 84′, Xhixha 64′

Skënderbeu: Koliçi, Meksi, Dita, Pollozhani, Pëllumbi, Daja (Turtulli 19′ – Krasniqi 46′), Taipi, Gripshi, Ndecky, Bregu, Otto John (Muja 65′). Trajner: Ilir Daja.

Laçi: Stajila, Fagaj, Ighnjatovic, Domgjoni, Turkaj, Shehu, Deliu, Lushkja, Teco, Xhixha (Berisha 86′), Nwabueze (Spahiu 86′). Trajner: Armando Cungu

 

 

Skenderbeu-Laci-1280x720.jpg
Veronik Istrefaj17:48 | 02/11/2019

Janë mbyllur pjesët e para në dy sfidat e orës 17:00 në Superiore. Në Durrës, Tirana është në avantazh përballë Teutës, falë një goli nga sulmuesi Michael Ngoo. Shtalarti britanik përfiton mjaft mirë nga një top i kthyer i Frashërit, për të shënuar nga një distancë e afërt.

KATEGORIA SUPERIORE – JAVA 11
E shtunë, më 2 nëntor 2019, ora 17:00

TEUTA-TIRANA  0-1
Ngoo 19′

Teuta: Frashëri, Beqja, Hoxha, Arapi, Kuros, Aleksi, Avdyli, Kallaku, Çyrbja, E. Vila, Khalid. Trajner: Bledi Shkëmbi
Tirana: Lika, Vangjeli, Osmani, Hoxhallari, Ismajlgeci, Batha, Çelhaka, Cobbinah, Halili, Torasa, Ngoo. Trajner: Julian Ahmataj

Ndërsa në takimin tjetër mes Skënderbeut dhe Laçit, ka pasur spektakël dhe gola shumë të bukur. Fillimisht, ishte Gripshi që shënoi për Skënderbeun në minutën e pestë, duke realizuar një gol shumë të bukur fluturimthi nga jashtë zone. Megjithatë, Laçi barazoi, me një tjetër “perlë” nga Lushkja, që ndëshkon Koliçin nga një distancë e largët./abcnews.al

SKËNDERBEU-LAÇI  1-1
Gripshi 5′, Lushkja 24′

Skënderbeu: Koliçi, Meksi, Dita, Pollozhani, Pëllumbi, Daja, Taipi, Gripshi, Ndecky, Bregu, Otto John. Trajner: Ilir Daja.
Laçi: Stajila, Fagaj, Ighnjatovic, Domgjoni, Turkaj, Shehu, Deliu, Lushkja, Teco, Xhixha, Nëabueze. Trajner: Armando Cungu

Luftetari-Tirana-Superiore.jpg
Vladimir Prenga08:27 | 02/11/2019

Superiorja vijon marshimin. Sot luhen dy përballjet e radhës, për llogari të javës së 11-të. Dy takime mjaft interesante, që nisin prej orës 17:00. Teuta rikthehet në stadiumin “Niko Dovana” dhe do të kërkojë maksimumin e pikëve pas dy ndeshjeve të fundit që ka marrë vetëm një pikë.

“Djemtë e detit” nuk do ta kenë të lehtë, duke parë që përballë do kenë Tiranën plot cilësi. Trajneri Bledi Shkëmbi ka zgjidhur problemin e mbrojtjes dhe Todorovski do të zëvendësohet nga Beqja. Nga ana tjetër Ahmataj nuk ka bërë ndryshime nga formacioni i sfidës së shkuar me Luftëtarin.

Në Korçë Skënderbeu përballet me Laçin e Armando Cungut, që edhe këtë herë pritet të luajë me të njëjtin formacion. Sytë janë nga Nwabueze, i cili do tentojë t’i shënojë Skënderbeut që ka pasur shumë probleme në mbrojtje këtë sezon. Trajneri Daja shpreson që sulmuesi Blerim Krasniqi të jetë i gatshëm. Kavajasi ka kaluar një dëmtim që e la jashtë ekipit në dy ndeshjet e fundit, por sot mund ta nisë nga fillimi.

KATEGORIA SUPERIORE – JAVA 11
E shtunë, më 2 nëntor 2019, ora 17:00

TEUTA-TIRANA
Teuta: Frashëri, Beqja, Hoxha, Arapi, Kuros, Aleksi, Avdyli, Kallaku, Çyrbbja, E. Vila, Khalid. Trajner: Bledi Shkëmbi
Tirana: Lika, Vangjeli, Osmani, Hoxhallari, Ismajlgeci, Batha, Çelhaka, Cobbinah, Halili, Torasa, Ngoo. Trajner: Julian Ahmataj

SKËNDERBEU-LAÇI
Skënderbeu: Koliçi, Meksi, Dita, Pollozhani, Pëllumbi, Daja, Taipi, Gripshi, Ndecky, Bregu, Krasniqi. Trajner: Ilir Daja.
Laçi: Stajila, Fagaj, Ighnjatovic, Domgjoni, Turkaj, Shehu, Deliu, Lushkja, Teco, Xhixha, Nwabueze. Trajner: Armando Cungu

/abcnews.al

sahiti.jpg
Vladimir Prenga14:05 | 30/10/2019

Wisla Plock kryeson kampionatin në Poloni kur janë luajtur 13 ndeshje, duke i surprizuar të gjithë. Pjesë e polakëve është edhe një futbollist shqiptar, Suad Sahiti. Sulmuesi anësor i është bashkuar me vonesë ekipit të Wisla Plock dhe deri më tani gjërat për të po shkojnë mirë.

“Deri tani po më shkon mirë. Kam ardhur me vonesë në Poloni, kur ishin zhvilluar 2-3 javë kampionat. Normalisht më duhej kohë që të përgatitesha, të njihja ekipin e ri dhe gjithçka tjetër këtu. Për mua është një sfidë e re”, tha fillimisht Sahiti për ABC News.

Anësori ka provuar edhe Superioren, për të kaluar më pas në Greqi dhe Bullgari. Gjithsesi futbolli në Poloni është i një tjetër niveli, sikurse edhe Sahiti shprehet:  “Më ka ndihmuar aktivizimi në Bullgari. Atje shkova i dëmtuar pas eksperiencës në Greqi. Luajta 11-12 ndeshje dhe sadopak më kanë ndihmuar të kap formën dhe të kem minuta në këmbë. Mirëpo futbolli këtu në Poloni ndryshon”.

Sahiti para një ndeshjeje me Wisla Plock

Sahiti vijon rrëfimin e tij, duke folur për futbollin polak dhe kryesimin e skuadrës së tij në kampionat. “Këtu të gjitha ekipet janë të organizuara mirë, kanë një nivel shumë të lartë dhe punohet shumë taktikisht. Deri tani jam përshtatur shumë mirë me ekipin tim. Ndodhemi në vendin e parë dhe nuk e kishte pritur ndokush diçka të tillë. Mirëpo jemi duke bërë një punë shumë të mirë në javët e fundit. Edhe trajneri aktual ka ardhur pas javës së tretë dhe po bëjmë paraqitje të mira”, shton 24-vjeçari.

Nuk është se ka ndonjë sekret të madh për ecurinë e mirë të Wisla Plock, që objektiv kryesor ka renditjen në tetë vendet e para.  “Kemi një grup të mirë lojtarësh, stërvitemi mirë dhe normalisht angazhohemi shumë në seanca dhe në ndeshje që të marrim rezultate pozitive. Jemi një ekip që nuk e ka pritur askush të jemi këtu ku jemi sot. Shpresojmë të vazhdojmë me këtë ecuri dhe pastaj të shohim se ku do të arrijmë në fund të sezonit.

Sahiti në një ndeshje në kampionatin polak

Gara është interesante dhe shikohemi si jo favorit. Gjithsesi në futboll asnjëherë nuk i dihet. Ne dëshirojmë të jemi në tetë vendet e para dhe më pas të luajmë në ‘play-off”. Shpresoj t’ia dalim. Titulli? Në fillim nuk përmendej titulli te ne, mirëpo e kemi patë që gjithçka është e mundur. Pse jo? Gjithsesi duhet t’i marrim ndeshjet një e nga një.

Edhe vjet u shpall kampion Piast, që nuk e priste askush. Shpresojmë të vazhdojmë kështu, me këtë ecuri të mirë dhe të marrim pjesë në ‘play-off. Pastaj aty gjithçka është e mundur. Kampionati është i gjatë dhe normalisht ka ekipe që janë shumë të fuqishme”, deklaron Sahiti, i cili flet edhe për luhatjet në vitet e fundit. Kur ishte te Rabotnicki flitej shumë për të dhe Skënderbeu u pa si trampolina për të ardhmen.

Sahiti (21) kur ishte pjesë e Skënderbeut

“Kam pasur luhatje në karrierë. Kohët e fundit edhe dëmtimet i kam pasur të shumta, sikurse ka edhe gjëra të tjera që nuk dua t’u përmend. Mirëpo jam duke punuar shumë që të kap maksimumin tim dhe të kthehem aty ku dua. Jam në rrugë të mirë dhe shpresoj të mos kem dëmtime e të vazhdoj kështu. Mora vendim të gabuar kur shkova te Skënderbeu. Gjithsesi tanimë ajo i përket së shkuarës dhe dua të mendoj për të tashmen, të jem sa më mirë. Çfarë nuk shkoi? (qesh) Shumë gjëra, por nuk dua të flas për atë periudhë. Mirëpo kam edhe momente të mira nga ajo eksperiencë”.

Sahiti, normalisht do të donte që në të ardhmen të merrte një ftesë sërish nga Kosova. Ai e pranon se nuk do të jetë e lehtë, por do të mundohet t’ia arrijë qëllimit. “Normalisht, pse jo, do e doja një ftesë nga Kosova. Kampionati polak është në nivel të lartë. Nëse vazhdoj me ecuri të mirë, do ishte diçka pozitive. Normalisht është e vështirë, pasi ka lojtarë me shumë cilësi në përfaqësuese. Gjithsesi asnjëherë nuk i dihet dhe unë do jem gati në çdo moment për çdo sfidë që më pret”, ka përfunduar Sahiti. /abcnews.al

Sahiti dhe Rrahmani në një grumbullim me Kosovën


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono