skenderbeu

jashanica-1280x854.jpg
Vladimir Prenga10:21 | 18/12/2019

Bajram Jashanica me shumë mundësi do të largohet nga Skënderbeu, edhe pse prej dy vitesh nuk luan për shkak të pezullimit që  UEFA i dha për përdorim të substancave të ndaluara. Në shkurt qendërmbrojtësi e përfundon dënimin dhe pritet të rikthehet të luajë.

Kukësi është një nga klubet që dëshiron shërbimet e Jashanicës, sikurse edhe Shkëndija e Tetovës. Mbrojtësi i korçarëve ka edhe propozime të tjera dhe do i duhet të vendosë së shpejti se ku do ta vijojë karrierën.

ABC News mëson se për shërbimet e Jashanicës është futur në garë edhe klubi i Prishtinës, që kërkon të kthehet te titulli kampion. Bardhekaltrit i kanë bërë një ofertë dhe po bëjnë gjithçka ta bindin atë të luajë me ta.

Vetë Jashanica nuk e ka përjashtuar mundësinë e një rikthimi në Kosovë, ku në të shkuarën ai është aktivizuar te Hysi, para se të provonte eksperiencën e parë në Superiore me Besën e Kavajës. /abcnews.al

takaj-1280x726.jpg
Vladimir Prenga08:11 | 18/12/2019

Ardjan Takaj në kundërsulm. Presidenti i Skënderbeut nuk ka duruar më. Zërat që e çojnë Ilir Dajën te Tirana dhe Partizani e kanë lodhur dhe tashmë ka reaguar. Kreu i klubit korçar është i qartë: “Paguani, nëse e doni Dajën”. Jo vetëm për të, por për këdo që është nën kontratë me bardhekuqtë.

Takaj madje është treguar i papërmbajtshëm, ndoshta edhe duke dalë disi nga vetja: “Më vjen të qesh kur dëgjoj për prapaskena me trajnerin. Po pse, pa zot është Skënderbeu?! Të gjithë janë nën kontratë me Skënderbeun dhe nuk ka asnjë shans të largohen pa miratimin tim, duke filluar nga Daja i pari.

Pastaj nuk e di kush i ka ato b**** e mëdha që t’i marrë trajnerin Skënderbeut. Keni dëgjuar ndonjëherë në këto tetë vite ju që na ka marrë ndonjë klub trajnerin që kemi pasur në detyrë?”, thotë Takaj në intervistën e dhënë për “Panorama Sport”.

Më tej ai flet edhe takimin që Daja ka pasur me Refik Halilin, presidentin e Tiranës: “Me mua nuk ka folur njeri. Sa i përket trajnerit, me sa di, ka biseduar për rrogat e prapambetura që i detyrohet Tirana, jo për bashkëpunim.

E dini ju si bëhesh i fortë në futboll? Së pari duhet të kesh lekë shumë. Më pas vjen këtu tee dhe paguan një shifër që na trondit dhe bindemi që na duhen lekët. Në këtë mënyrë mund të marrësh kë të duash te Skënderbeu”, është shprehet Takaj. /abcnews.al

daja.png
Veronik Istrefaj18:49 | 14/12/2019

Trajneri i Skënderbeut, Ilir Daja, foli shumë i zhgënjyer pas humbjes 0-1 përballë Vllaznisë. Numri një i stolit korçar, për Supersport, tha se do të ulet në tavolinë me presidentin Takaj për të diskutuar për të ardhmen e tij dhe vazhdimësinë e ekipit. Gjithashtu, Daja mohoi çdo zë që e çon te Tirana, duke thënë se nuk ka asnjë kontakt me bardheblutë.

NDESHJA – “Loja ishte shumë e dobët. Ajo që na penalizoi ishte finalizimi i disa rasteve të pjesës së parë. Protesta nuk na ndikoi, pasi ndërhyri presidenti”.

HUMBJET “Janë dy humbje radhazi, pas dy fitoreve radhazi. Kemi shumë mungesa, edhe Dita u dëmtua. Ajo që më vjen keq, është që pësojmë gola të evitueshëm. Duhet të reagojmë në këto dy ndeshje të fundit, pasi do ta kemi vështirë”.

GRUPI – “Ekipi fillon nga porta dhe qendërmbrojtësit. Kur ndërtuam skuadrën, mbrojtësit në qarkullim ishin të limituar. Kemi probleme në repartin e mbrojtjes. Duhet të jemi më fanatikë, pasi ekipi duhet të marrë pjesë në repartin e mbrojtës. Unë nuk i shmang përgjegjësitë e mia, por lojtarët e vjetër duhet të marrin në shpatulla ekipin”.

OBJEKTIVAT –  “Duhet të ulemi me presidentin, që të flasim për vazhdimësinë. Nëse duam të kalojmë këtë situatë, duhet të blejmë të tjerë lojtarë”.

SITUATA – “Ajo që e vështirëson situatën është gjendja që nga fillimi, që e rëndon anën e motivimit të ekipit. Megjithatë nuk dua ta shoh gotën gjysmë bosh. Do përpiqemi të tregojmë fytyrën e mirë të Skënderbeut”.

TIRANA – “Nuk kam asnjë lloj kontakti me Tiranën, sepse nuk kam si të kem, duke qenë se jam te Skënderbeu. Është e rëndësishme të mbarojmë këto dy ndeshje, duke nisur nga sfida me Gjirokastrën. Pastaj do ulemi të shohim si do procedojmë për të ardhmen”./abcnews.al

Kukesi-1.jpg
Veronik Istrefaj17:57 | 14/12/2019

Janë mbyllur dy sfidat e orës 16:00 të ditës së sotme në Superiore. Kukësi ka shkatërruar 4-0 ekipin e Teutës, me verilindorët që fituan tre penallti në këtë takim. Shkurtaj shënoi dy gola nga pika e bardhë.

Fillimisht, bomberi i verilindorëve shënoi në minutën e 31-të, për të dyfishuar në minutën e 64-ët. Abazaj shënoi golin e tretë në të 73-ën, një gol shumë i bukur. Ndërsa për të vendosur rezultatin final të sfidës në 4-0, mendoi Et’hemi, që po ashtu shënoi nga pika e bardhë.

Kukësi me këtë fitore ngjitet në kuotën e 27 pikëve dhe në krye të tabelës, me dy pikë më shumë se Laçi. Ndërsa Teuta mbetet në kuotën e 22 pikëve, në vend të shtatë në tabelë. Për më tepër, trajneri Bledi Shkëmbi duhet të bëjë pa shërbimet e Rustem Hoxhës, që u ndëshkua me karton të kuq në minutën e 67-të.

Renditja Superiore, java 15

Në takimin tjetër mes Skënderbeut dhe Vllaznisë, kanë qenë miqtë ata që kanë triumfuar. Një supergol i Shtubinës me roveshatë i dha tri pikët Vllaznisë, që ngjitet në kuotën e 23 pikëve në vend të pestë. Ndërsa Skënderbeut, mbetet me 20 pikë, duke zbritur në vendin e tetë./abcnews.al

Shkurtaj-1.jpg
Veronik Istrefaj16:49 | 14/12/2019

Janë mbyllur pjesët e para të dy sfidave të orës 16:00 në Superiore. Kukësi është në avantazh përballë Teutës, sfidë që luhet në “Elbasan Arena”.

Vasil Shkurtaj fitoi një penallti në minutën e 30-të dhe mori vetë përsipër ekzekutimin e saj. Bomberi i verilindorëve tregohet i saktë dhe kalon në avantazh blutë e drejtuar nga Shpëtim Duro. Momentalisht, Kukësi është në krye të Superiores.

Në takimin tjetër mes Skënderbeut dhe Vllaznisë, nuk ka fitues në fraksionin e parë të lojës. Të dyja skuadrat janë mbrojtur mirë dhe 45 minutat e para, u mbyllën me rezultatin e bardhë 0-0./abcnews.al

FORMACIONI I SKËNDERBEUT: Koliçi, Meksi, Pollozhani, Pëllumbi, Ndecky, Taipi, Essien, Daja, Gripshi, Bregu, Krasniqi. Trajner: Ilir Daja

FORMACIONI I VLLAZNISË: Sherri, Gurishta, Malota, Shehi, Ëalusimbi, , Ramadani, Krymi, Marku, Gligorov, Lika, Shtubina. Trajner: Mirsad Jonuz

FORMACIONI I KUKËSIT: Xhika, Maliki, Teqja, Obanor, Musta, Musolli, Limaj, Rroca, Gavazaj, Shkurtaj. Trajner: Shpëtim Duro

FORMACIONI I TEUTËS: Frashëri, Todorovski, Shkalla, Hoxha, Kouro, Beqja, Avdyli, Kallaku, E. Vila, L. Vila. Nikac. Trajner: Bledi Shkëmbi

Skenderbeu-Laci-1280x720.jpg
Vladimir Prenga15:35 | 14/12/2019

Java e 15-të e Superiores mbyllet me Skënderbeu-Vllaznia dhe Kukësi-Teuta. Trajnerët e këtyre ekipeve kanë vendosur edhe në lidhje me rreshtimet e skuadrave të tyre, që do të jenë si më poshtë.

FORMACIONI I SKËNDERBEUT: Koliçi, Meksi, Pollozhani, Pëllumbi, Ndecky, Taipi, Essien, Daja, Gripshi, Bregu, Krasniqi. Trajner: Ilir Daja
FORMACIONI I VLLAZNISË: Sherri, Gurishta, Malota, Shehi, Walusimbi, , Ramadani, Krymi, Marku, Gligorov, Lika, Shtubina. Trajner: Mirsad Jonuz

FORMACIONI I KUKËSI: Xhika, Maliki, Teqja, Obanor, Musta, Musolli, Limaj, Rroca, Gavazaj, Shkurtaj. Trajner: Shpëtim Duro
FORMACIONI I TEUTËS: Frashëri, Todorovski, Shkalla, Hoxha, Kouro, Beqja, Avdyli, Kallaku, E. Vila, L. Vila. Nikac. Trajner: Bledi Shkëmbi

/abcnews.al

Skenderbeu-Kukesi.jpg
Vladimir Prenga08:18 | 14/12/2019

Derbi lë vendin ndeshjeve të tjera të Superiores. Pas spektaklit të mbrëmshëm në “Air Albania Stadium”, me shumë mundësi sot do të shohim stadiume përgjithësisht të boshatisura, por në fushën e blertë pritet luftë sportive, duke nisur nga sfidat që luajnë dy vendet e fundit.

Prej orës 13:00, Flamurtari do kërkojë të marrë pikë kundër Bylisit të motivuar për të parakaluar Partizanin që kryeson për momentin kampionatin. Ballshiotët kanë triumfuar në shtëpi 5-0 kundër vlonjatëve fazën e parë, kurse këtë herë luhet një tjetër betejë. Mungesa në të dyja kampet, por asnjë justifikim. Pikët janë të domosdoshme.

Në të njëjtin orar Luftëtari do kërkojë të bëjë surprizën në Laç, kundër vendasve që në shtëpi i kanë fituar me diferencë golash sfida e kohëve të fundit. Skuadra e Cungut ka mundësinë që gjithashtu të afrohet me kreun dhe sot nuk i falet rezultat tjetër veç fitores.

Ora 17:00 sjell sfidat e fundit të javës së 15-të të Superiores. Kukësi-Teuta është më e rëndësishme dhe durrsakët nuk kanë Arapin, Aleksin dhe Gashin, tre titullarë të padiskutueshëm. Verilindorët e Shpëtim Duros kanë mundësinë të marrin kreun sot, por e dinë shumë mirë se nuk do ta kenë të lehtë.

E fortë edhe përballja tjetër e kësaj jave, ajo që luhet në Korçë mes Skënderbeut vendas dhe Vllaznisë. Këta të fundit kanë fituar me goleadë takimin e parë dhe skuadra e Ilir Dajës do kërkojë të hakmerret. /abcnews.al

jonuz.jpg
Veronik Istrefaj11:06 | 13/12/2019

Trajneri i Vllaznisë, Mirsad Jonuz, ka folur në konferencë për shtyp para sfidës ndaj Skënderbeut. Numri një i stolit shkodran ka thënë se ekipi i tij udhëton drejt Korçës vetëm për tre pikë dhe se situata në grup është shumë e qetë dhe normale.

SITUATA – “Gjithçka është normale. Situata në ekip është e mirë dhe nuk kemi asnjë dëmtim. Megjithatë, për më tepër do të shohim edhe seancën e sotme që është e fundit, për të konstatuar situatën e të gjithë futbollistëve. Në radhët e ekipit ka optimizëm dhe shpresoj t’ia dalim me sukses”.

SKËNDERBEU – “Kjo është një ndeshje tjetër dhe nuk ka asgjë të përbashkët me atë të fazës së parë. Kemi të bëjmë me një ndeshje të rëndësishme dhe njëkohësisht të vështir. Këto dy takime kanë shumë ndryshime me njëri- tjetrin, por ajo që nuk ndryshon është se futbollistët e mi janë të inspiruar për të bërë më të mirën edhe këtë herë.

STRATEGJIA – “Mënyra e lojës nuk do të ndryshojë, por në minutat e fundit, ndoshta ndryshojmë ndonjë lojtar në formacionin bazë. Megjithatë ende nuk e kam vendosur përfundimisht.

OBJEKTIVI – “Unë nuk do ta shikoja në këtë aspekt. E rëndësishme për Vllazninë është të grumbullojë sa më shumë pikë, pavarësisht faktit nëse luan në fushën e saj apo në transfertë. Për ne vlejnë pikët dhe ngjitja sa më lart në tabelën e klasifikimit. Ne shkojmë vetëm për fitore”./abcnews.al

jashanica-1280x854.jpg
Vladimir Prenga08:18 | 13/12/2019

Bajram Jashanica e përfundon dënimin e marrë nga UEFA për doping në muajin shkurt dhe për të ka disa oferta. Qendërmbrojtësi, i cili është në kontratë me Skënderbeun, ka disa oferta dhe mund të ndryshojë ambient së shpejti. Ai ka një periudhë të gjatë pa luajtur, dy vite, por cilësitë e tij dihen.

Një nga klubet që përflitet se kërkon shërbimet e Jashanicës është Shkëndija e Tetovës, që në janar mund të humbasë futbollistin Egzon Bejtulai. Ai ka oferta nga Turqia, konkretisht nga Trabzonspor. Futbollisti i Skënderbeut shikohet si zëvendësuesi ideal dhe trajneri Ernest Gjoka do e mirëpriste.

Gjithsesi ka konkurrencë për Jashanicën, pasi e duan dhe në Superiore. Sipas të përditshmes “Panorama Sport” , klubi i Kukësit është gati të nisë bisedimet për afrimin e Jashanicës në merkaton e janarit. Trajneri Shpëtim Duro e njeh mirë lojtarin, pasi e ka pasur nën urdhra te Besa, në momentin që mbrojtësi nisi të spikaste. /abcnews.al

vllaznia-stervitje.jpg
Vladimir Prenga12:57 | 12/12/2019

Vllaznia është gati për ndeshjen e së shtunës me Skënderbeun në transfertë. Shkodranët në këtë përballje nuk do të kenë të gatshëm mbrojtësin Dajan Shehi, i cili ka plotësuar numrin e kartonëve të verdhë. Gjithashtu do të mungojë edhe mesfushori Hygor. Braziliani ende nuk është kthyer nga vendlindja.

Trajneri Mirsad Jonuz i bën llogaritë me lojtarët e tjerë që ka në dispozicion. Ditën e sotme kuqeblutë kanë udhëtuar drejt Pogradecit dhe do t’i kryejnë atje përgatitjet sot dhe nesër. Drejtuesit e klubit janë mundur t’i vijnë në ndihmë skuadrës me këtë vendim.

Futbollistët do të përshtaten me klimën në zonën juglindore të vendit. Pogradeci është shumë pranë me Korçën dhe ditën e ndeshjes ekipi do të udhëtoje direkt e në stadiumin “Skënderbeu”, ku do të përballet me skuadrën e Ilir Dajës prej orës 16:00. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono