Ndotja e ajrit

p7.jpg
in a07:39 | 13/11/2019

Holanda është një nga shtetet që cila pretendohet se ka gjetur zgjidhje për ndotjen e ajrit. Në kuadër të nismave botërore për ndryshimet klimatike Holanda ka menduar të ulë prodhimin dhe lëshimin e gazrave në atmosferë.

Ata mendojnë të ulin limitin e shpejtësisë në rrugë deri në 100km/h gjatë ditës dhe deri në 130 km/h gjatë natës.

Ky veprim do të sjellë uljen e nivelit të dioksidid të karbonit që lëshohet në atmosferë nga çdo automjet. Detajet për këtë veprim ende nuk janë bërë të ditura.

Ndërkohë që muajin e kaluar u publikua vendimi për të ulur përdorimin e makinerive bujqësore, i cili shkaktoi edhe një protest nga ana e fermerëve deri sa qeveria Holandeze dha urdhrin për tërheqjen e vendimit./abcnews.al

 

tetova-1280x711.jpg
ad min19:30 | 05/06/2019

Ndotja e ajrit është një problem serioz në vendet e Ballkanit. Kështu thotë një raport i Organizatës së Kombeve të Bashkuara, që e rendit Tetovën si qytetin më të ndotur në rajon.

Gjetjet e para të raportit “Ndotja e ajrit dhe shëndeti i njerëzve: rasti Ballkani Perëndimor” tregojnë se numri i përgjithshëm i vdekjeve të hershme që drejtpërsëdrejti ndërlidhet me ndotjen e ajrit është pesë mijë gjatë një viti.

Raporti i OKB-së“Burimet kryesore të grimcave PM10 në Maqedoninë e Veriut janë ngrohja e objekteve banesore – 46%, proceset industriale – 22% dhe prodhimi I energjisë – 11% në Shkup, Tetovë, Manastir dhe Veles. Gjithashtu burime kryesore të grimcave PM2.5 janë ngrohja e objekteve banesore – 58%, proceset industriale – 20% dhe prodhimi i energjisë – 6%”. 

Përqindja e vdekjeve të përgjithshme natyrore që u mveshën ndotësve të ajrit në qytetet e Ballkanit Perëndimor lëviz prej 4% në Bar dhe Tivat të Malit të Zi deri në 19% në Tetovë. Sipas raportit të OKB-së, në Tetovë, grimcat PM2.5 kanë shkaktuar mbi 14% të të gjitha llojeve të shkaqeve të vdekjeve. Siç thuhet në raportin e OKB-së, thuajse 130 mijë vjet jete potenciale janë humbur në periudhë prej 10 viteve për shkak të vdekjeve të hershme që mund tu mveshën ekspozimit të ajrit të ndotur. Sipas raportit, burimet kryesore të grimcave të dëmshme janë termocentralet që shfrytëzojnë thëngjill të kualitetit të dobët dhe ngrohja e amvisërive. Më shumë se 60% e njerëzve që jetojnë në Ballkanin Perëndimor shfrytëzojnë thëngjill dhe dru për ti ngrohur shtëpitë e tyre, kurse vetëm 12% e ndërtesave janë të kyçur në sistemet e ngrohjes qendrore.

Raporti i OKB-së: “Sfida më e madhe për Shqipërinë, B e H, Kosovën, Malin e Zi, Maqedoninë e Veriut dhe Serbinë është tempoja e integrimit të tyre në BE. Strukturat ekonomike dhe industriale në rajon janë mbi-ndërtuar, por tani duhet që të përmirësohen politikat e kontrollit të ndotjes së ajrit”.

Efekti i ndotjes së ajrit në shëndetin e njeriut është llogaritur më ndihmë të softuerit ER KJU PLUS i zhvilluar nga Organizata Botërore e Shëndetësisë. Siç thuhet në raport, vlerësohet se numri i vdekjeve do të ishte shumë më i madh nëse të gjitha të dhënat relevante do të ishin të kapshme për analiza./ABC News Albania 24/7

OKB-AJRI-NDOTJA.mpg_snapshot_00.06-1280x720.jpg
ent ela12:47 | 06/03/2019

Të dhënat e Organizatës së Kombeve të Bashkuara për numrin e vdekjeve si pasojë e ndotjes së ajrit janë alarmuese. Sipas ekspertëve situate është aq e rëndë sa mund të thuhet se njerëzimi po shkakton shfarosjen e tij.

Çdo pesë sekonda një person ndërron jetë në botë për shkak të ndotjes së ajrit. Çdo orë vdekjet për të këtë shkak janë më shumë se 700. Janë këto të dhënat alarmuese  të publikuara nga eksperti i Organizatës së Kombeve të Bashkuara për të drejtat e njeriut dhe ambientin, Dejvid Boid. Ky i fundit u shpreh se situate është aq alarmante sa mund të thuhet se njerëzimi po vetëshfaroset masivisht në të gjithë botën.

Duke folur në Gjenevë për pasojat kryesore të ndryshimeve klimaterike dhe për shkatërrimin e biodiversitetit, dhe rreziqet që sjellin ai tha se me njohuritë aktuale, planeti ynë është I vetmi ku jetesa është e mundur. Pavarësisht kësaj njerëzimi po shkakton dëme të pariparueshme, më shqetësuese se ato të shkaktuara nga revolucioni industrial.

Sipas tij 90 përqind e popullsisë në botë është e ekspozuar ndaj ndotjes atmosferike. Ndotja e ajrit shkakton shtatë milionë vdekje të parakohshme cdo vit, nga të cilët 600 mijë janë fëmijë të moshës nën pesë vjec. Janë më shumë viktima se sa mund të shkaktojë lufta, vrasjet, tuberkulozi, AIDS dhe malarja së bashku.

Numri më i madh i viktimave shënohet në zona ku jetesa është në nivel mesatar dhe të ulët. /abcnews.al

NDOTJA-E-AJRIT-INTELIGJENCA-1280x720.jpg
ent ela13:00 | 28/08/2018

Studiuesit amerikanë dhe kinezë kanë zbuluar se ndotja e ajrit dëmton inteligjencën e njeriut. Gjithashtu rrit rrezikshmërinë e disa sëmundjeve të tjera.

Ekspozimi kronik ndaj ndotjes së ajrit mund të lidhet me inteligjencën e njeriut, sugjeron një studim i ri në Kinë. Studiuesit besojnë se ndikimi negativ rritet me moshën dhe prek njerëzit me më pak arsim në rastet më të këqija. Mbi katër vjet, matematikat dhe aftësitë verbale të rreth 20,000 njerëzve në Kinë u monitoruan nga studimi amerikano-kinez. Studiuesit besojnë se rezultatet kanë rëndësi globale, me më shumë se 80% të popullsisë urbane në botë që marrin frymë nivele të pasigurta të ndotjes së ajrit. Megjithatë, duke krijuar një lidhje midis ndotjes dhe rezultateve më të ulëta të testit, studimi nuk ka provuar shkakun dhe efektin.

Studimi – i cili përfshin hulumtuesit nga Universiteti i Pekinit dhe Yale University në SHBA – u bazua në matjet e dioksidit të squfurit, dioksidit të azotit dhe grimcave më të vogla se 10 mikrometra në diametër ku pjesëmarrësit jetonin. Nuk është e qartë se sa secila prej këtyre tre ndotësve duhet të fajësohet. Monoksidi i karbonit, ozoni dhe grimcat e mëdha nuk ishin përfshirë në studim. Përshkruar si një vrasës i padukshëm, ndotja e ajrit shkakton rreth 7 milionë vdekje të parakohshme në vit në mbarë botën, sipas Organizatës Botërore të Shëndetësisë.

“Ne japim dëshmi se ndikimi i ndotjes së ajrit në testet verbale bëhet më i theksuar kur njerëzit janë më në moshë, veçanërisht për meshkujt dhe më pak të arsimuarit”, është zbuluar tek studimi. Ndotja gjithashtu rrit rrezikun e sëmundjeve të tilla si Alzheimer dhe forma të tjera të demencës, sugjeron studimi. Në këtë studim, u testuan njerëz nga të dyja gjinitë e moshës 10 vjeç e lart në mes të 2010 dhe 2014, me pyetje të standardizuara. Studimet e mëparshme zbuluan që ndotja e ajrit ka ndikim negative tek aftësitë nxënëse të studentëve. /abcnews.al

 

AJRI-I-NDOTUR-DHE-VDEKJET-PREJ-TIJ-1280x720.jpg
ent ela14:55 | 25/04/2018

Shqipëria renditet ndër vendet me ajër të ndotur në raportin botëror për cilësinë e ajrit. Niveli i grimcave të imta të pluhurit tejkalon normat e vendosura nga Organizata Botërore e Shëndetësisë. Ndërkohë që për shkak të ndotjes në vendin tonë përllogariten 38.9 vdekje për 100 mijë banorë.

Ndotja e ajrit në Shqipëri tejkalon normat e vendosura nga Organizata Botërore e Shëndetësisë.

Niveli i  grimcave të imëta te pluhurit varion nga 10 deri në 15 mikrogramë për metër kub ajër.

Të dhënat vijnë nga rapori më i fundit që analizon cilësinë e ajrit në botë ku specialistë të Universitetit British Columbia vlerësojnë dhe pasojat e ndotjes në shëndet.

Në hartën e publikuar prej tij vendi ynë renditet në zonën e dytë të rrezikut ku grimcat e imëta të pluhurit tejkalojnë objektivin më të ulët të cilësisë të OBSH 35 mikrogramë për metër kub ajër.

Situatë e ngjashme duket në Ballkan. Ndryshim bën Serbia dhe Kroacia, me disa përkeqësime.

Raporti gjithshtu nivelin e ndotjes e lidh dhe me sëmundjet që prekin popullatën.

Në Shqipëri në vitin 2016 kishte 1,377 vdekje nga ajri i ndotur. Vërehet një rritje e lehtë krahasuar me vitin 2010 ku ky numër ishte 1,357.

Vendi ynë së bashku me vendet e Ballkanit dhe Europës Qendrore renditet ndër shtetet me vdekjet më të larta.

Në Shqipëri raporti është 38.9 vdekje për 100 mijë banorë.

Ndërkohë nivelin me të lartë të humbjeve te jeteve e ka Bullgaria, me 67.4, e ndjekur nga Maqedonia me 61.9, Bosnja me 55.9, Hungaria 52.3, Mali i Zi me 48.8. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono