mirela Milori
in a19:16 | 07/11/2019
Deputetja e PS-së, Klotilda Ferhati e ftuar në “Mbrëmje në ABC” me Mirela Milorin ka komentuar ngërçin në të cilën gjendet Gjykata Kushtetuese. Ligjet e Reformës në Drejtësi janë hartuar pikërisht për të evituar situatat që krijojnë ngërçe: shprehet deputetja e PS.
“Ne kemi dhe një vendimarrje të mëparshme të Gjykatës Kushtetuese, e cila e ka analizuar faktin se fryma e ligjeve të reformës në drejtësi është zhbllokuese”, deklaroi Ferhati. Sipas saj sot jemi në një situatë kur koherenca është ndryshe nga kur është miratuar ligji.
“Shumica e kandidaturave duhet të plotësohen tani dhe nëse Presidenti apo Kuvendi nuk vendosin të emërojnë një nga tre kandidatët e listuar nga Këshilli i Emërimeve në Drejtësi brenda një afati prekluziv prej 30 ditë, kandidati i parë në listë emërohet gjyqtar i Gjykatës Kushtetuese”, shprehet Ferhati.
Në lidhje me punën e Komisionit Hetimor, u shpreh se: Komisioni është duke përmbyllur detyrën e tij që ka afat deri në 8 Dhjetor, dhe në ndërkohë Presidenti në veprimtarinē e tij ka detyrë të respektojë Kushtetutën dhe ligjin.
E pyetur për Reformën Zgjedhore nga pikëpamja teknike, deputetja e PS-së është shprehur se janë realizuar disa mbledhje për të punuar ngushtësisht me ekspertët e Komisionit.
Çështje shumë e rëndësishme është administrimi zgjedhor, ku po punohet që pjesë e saj të jenë individë jo-politikë, tha Ferhati. Deputetja e PS-së e sheh idenë e zgjedhjeve të parakohshme të parealizueshme, “Nuk kemi asnjë arsye për të menduar zgjedhje të parakohshme”, ka thënë Ferhati. /abcnews.al
nev ila22:07 | 31/10/2019
Çlirim Gjata, Sekretari Juridik i Partisë Demokratike, ishte i ftuar sot në Mbrëmje ABC me gazetaren Mirela Milori. Gjata foli për krizën politike dhe strategjinë që do të ndjekë opozita më tej, deri në arritjen e një zgjidhjeje të situatës. Gjata tha se gjithë veprimet e opozitës, që nga djegia e mandateve, bëri që Bundestagu të sillte 9 kushtet, dhe se opozita po përgatit variantin e saj të reformës në drejtësi. Gjithashtu Gjata tha se opozita nuk ka ndërmend të ulet, dhe të zgjidhë diçka me Edi Ramën, dhe se do të kërkohet deri në fund, qeveri tranzitore për zgjidhjen e krizës politike në Shqipëri.
“Opozita ka strategjinë e saj, platforma e gjithçka. Po të shihni djegia e mandateve dhe protestat e opozitës, ndezën flakë opinionin ndërkombëtar, dhe bëri atë që, Bundestagu të sjellë 9 kushtet, të cilat janë të barabarta me 10 protestat e opozitës. Ajo e Bundestagut është protestë permanente, e cila thotë: plotësoji ato kushte o Edi Rama ose pi detin. Si do ti plotësojë ato kushte? A ka protestë më të madhe se 9 kushtet e Bundestagut? Prandaj duhet shkuar në zgjedhje të parakohshme. Nuk ka rëndësi se kur mbahen ato zgjedhje, kjo do shihet hap pas hapi. Tashmë Edi Rama është me shpatulla pas murit. E vetmja gjë që po bën qeveria është propaganda. Ne kemi kërkuar dhe do të vazhdojmë të kërkojmë qeveri tranzitore. Me Edi Ramën nuk zgjidhet asgjë. Atë që thotë Rama për opozitën parlamentare, a e di si më duken këta të opozitës parlamentare? Si emigrantët e shkretë që martohen për letra. Mbaron martesa bëjnë një divorc dhe kaq, janë pa taban, ata nuk kanë parti. Ne po kërkojmë që të plotësohen kushtet e Bundestagut, po bëjmë variantin tonë të reformës zgjedhore sepse Bundestagu nuk e pranon reformën zgjedhore pa pjesëmarrjen e opozitës reale”, tha Gjata./abcnews.al
nev ila21:29 | 31/10/2019
Çlirim Gjata, Sekretari Juridik i Partisë Demokratike, ishte i ftuar sot në Mbrëmje ABC me gazetaren Mirela Milori. Gjata foli për krizën politike dhe stretegjinë që do të ndjekë opozita më tej deri në arritjen e një zgjidhjeje. I pyetur nga gazetarja Mirela Milori se, a po bën parlamenti rolin e drejtësië, Gjata tha se aktualisht parlamenti është duke i lejuar vetes të bëj çdo ligj, pasi nuk ka kush ta kontrollojë, kjo si pasojë e mosfunksionim të Gjykatës së Lartë dhe asaj Kushtetuese.
“Parimisht, parlamenti bën ligje dhe pastaj është gjykata ajo që bën kontrollin. Çështja nuk është te bërja e ligjeve nga ana e parlamentit, këtu problemi është që nuk ka kontroll. Duke mos pasur kontroll, duke mos pasur gjykatë kushtetuese e të lartë, duke patur një trupë gjyqësore të shpartalluar edhe psikologjikisht, e cila ka rënë në batakun “o do iki nga vettingu, ose do i shërbej qeverisë”, kështu që është larg të qënit si organ drejtësie, si gjykatë. Me një prokurori totalisht të kapur nga ana e kryeministrit, duke filluar nga prokurorja e përgjithshme, me ndikimin e tij edhe në organet e reja të drejtësisë, kulmi ishte kur kryeministri me zëvendës ministrin sulmuan prokurorë e gjykatës se arrestuan një nënpunës dhe KLGJ nuk u ndje e nuk bëri asnjë deklaratë. Pra parlamenti bën ligje dhe i zbatojnë dhe i kontrollojnë gjykatat, e larta dhe ajo kushtetuesja që tani nuk ekzistojnë. Atëherë tani parlamenti i lejon vetes të bëj çfarë ligji të dojë dhe e ka tejkaluar funksionin e vet kushtetues, pra nuk ekziston më ndarje pushtetesh, vetëm 1 pushtet, që është parlamenti i cili sundon mbi të gjithë”, tha Gjata.
Më tej Gjata tha se PD ka informacion se ditën e nesërme do të shohë procedurën se si ka hetuar prokuroria rastin e Agim kajmakut dhe kjo sipas Gjatës është një shkelje e rëndë e ligjit. Gjata theksoi se KQZ nuk mund të bëj hetimin dhe nuk mund të kontrollojë prokurorinë.
“Kemi informacion se KQZ do të shohë ditën e nesërme se si ka hetuar prokuroria. Dua të them se kjo është një shkelje e madhe ligjore. Pushtetet janë të ndara, prokuroria bën hetimet, vetëm gjykata e kontrollon hetimin e prokurorisë. KQZ nuk mund të bëj hetimin e hetimit, nuk mund të kontrollojë prokurorinë, thjesht heq mandatin. Ç’punë ka KQZ të komentojë ishte a s’ishte vepër penale ajo që bëri Kajmaku? E dyta, ligji për dekriminalizimin e ka të shprehur qartë, që duhet të deklarosh çdo gjë, je i detyruar ti shkruash. Fakti që nuk i ka shkruar në formular, të çon në ndjekje penale deri në 4 vjet burg, dhe këtë KQZ e di mirë”, deklaroi Gjata./abcnews.al
nev ila21:17 | 29/10/2019
I ftuar në Mbrëmje Abc me gazetaren Mirela Milori ka qenë kryetari i PSD, historiani dhe ish-Ministri i Jashtëm Paskal Milo. Në bisedën e zhvilluar në studio me gazetaren Mirela Milori, Milo tha se Yuri Kim, e nominuara për ambasadore në Shqipëri, do të ishte një ambasadorë e vazhdimësisë dhe se nuk kishte elemente të reja në deklaratat e saj ditën e sotme përpara komisionit për politikën e jashtme në senatin amerikan. Milo gjithashtu foli edhe për mos hapjen e negociatave të Shqipërisë me BE, ku sipas tij përgjegjësia bie edhe mbi qeverinë shqiptare pasi nuk arriti të menaxhojë si duhet procesin e reformave.
Pjesë nga biseda në studio:
Mirela Milori: Duket se Yuri Kim e njihte mirë situatën në Shqipëri pasi theksoi se do të inkurajojë Shqipërinë në zbatimin e reformave, si e shihni kandidaturën e saj?
Paskal Milo: Nuk është se pashë elemente të reja në ato që tha. Gjithsesi aty u tha se ajo do të punojë që në Shqipëri të arrijë në 2 % shuma e shpenzimeve ushtarake të Shqipërisë ashtu sikurse foli edhe për investimet amerikane, pra për të krijuar një terren të përshtatshëm për këto investime, e cila mendoj se do ishte një risi, në rast se vërtetë do të kishim hapësira më të mëdha, dhe mundësi më të mëdha, që të vijnë investitorë amerikanë të investojnë në ekonominë shqiptare, këtë do të quaja një element të ri dhe të suksesshëm të saj në rast se do e realizonte. Mendoj se Yuri Kim do të jetë një ambasadore e vazhdimësisë dhe jo reformatore por gjithsesi mbetet për tu parë në vazhdim.
Ndërsa në lidhje me mos hapjen e negociatave Milo tha se qeveria mban përgjegjësi për procesin e reformave por edhe problematika e brendshme e BE ishte pengesë.
Mirela Milori: Moshapja e negociatave, si e shihni këtë situatë?
Paskal Milo: Unë e shoh jo aq shume me emocione sa po shihet në Shqipëri, që në fakt ushqehet nga të dy kampet politike. Çdo qeveri, aq më shumë qeveria aktuale shqiptare, ka përgjegjësi për mënyrën se si e menaxhoi procesin e reformave për integrimin. Do të ishte naive në rast se do të ekskludohej përfundimisht përgjegjësia e Shqipërisë por patjetër që kriza e brendshme e BE dhe vizioni që ka Macron, për një reformim të brendshëm të BE, patjetër që ka qenë një pengesë, dhe kjo penalizoi më shumë Maqedoninë e Veriut, për të cilën nuk pati aq ankesë sa pati për Shqipërinë. /abcnews.al
nev ila20:37 | 29/10/2019
I ftuar në Mbrëmje Abc me gazetaren Mirela Milori ka qenë kryetari i PSD, historiani dhe ish-Ministri i Jashtëm Paskal Milo. Në bisedën e zhvilluar në studio me gazetaren Mirela Milori, Milo u shpreh se takimi i kryeministrit Rama me atë grek Mitsotakis, ditën e sotme, është hap i parë që dy kryeministrat të ulen dhe të vazhdojnë të zgjidhin problematikat mes dy vendeve.
Si fillim janë diskutuar çështjet që janë më pak problematike, theksoi Milo, si hap i parë për të kaluar në çështjet më sensitive siç është ajo e paktit detar. Sipas Milos problemi më i mprehtë, ku dy vendet mund të kenë probleme, është çështja e vetdeklarimit, pasi terreni shqiptar është i komplikuar për shumë shkaqe.
“Nga informacionet që kam marrë, dy kryeministrat japin të kuptojnë që takimi ka qenë pozitiv në kuptimin, që të dy janë ulur dhe kanë filluar të bisedojnë mes tyre. Është rënë dakord për të filluar angazhimin me problemet më pak delikate, duke kaluar më pas, mendoj në çështje më delikate për të dy vendet. Problemi më i mprehtë për mua është çështja e vetdeklarimit, ku do të bëhet dhe një census. Mendoj që nuk do jetë problem i lehtë për tu zgjidhur për shkak të komplikacionit në terrenin shqiptar. Ndërsa për çështje më sensitive siç është pakti detar, mbetet për tu parë në vazhdim pasi të përgatitet terreni. Pra mendoj që dy kryeministrat po përgatisin terrenin për zgjidhjen e problemeve mes dy vendeve”, tha Milo. /abcnews.al
nev ila20:06 | 29/10/2019
E ftuar në Mbrëmje Abc me gazetaren Mirela Milori ishte gazetarja dhe kryeredaktorja e revistës “Monitor” Ornela Liperi. Liperi dha një panoramë të qartë për paketën fiskale të vitit 2020, e cila fillon të aplikohet në fillim të janarit, dhe situatën aktuale ekonomike. Liperi tha se Banka Botërore dhe FMN kanë raportuar se ekonomia në Shqipëri është ngadalësuar, dhe se rritja e saj këtë vit është e ulët në krahasim me vitin e kaluar.
Duke qenë në këtë situatë Liperi tha se viti i ardhshëm, 2020 do të jetë një vit i dobët ku ekonomia nuk do të pësojë rritje, për më tepër qeveria nuk do të ketë mundësi për investime të mëdha që sjellin të ardhura.
Ndërsa për sa i përket paketës fiskale Liperi tha se ka një rritje të gjobave duke përmendur edhe gjobën për tërheqjen e kuponit tatimor nga individi, e cila nga 10 mijë lek që ishte në paketën fiskale të kaluar tashmë është rritur në 20 mijë lek.
Liperi theksoi se Shqipëria është vendi me taksat më të larta dhe pagat më të ulëta në rajon.
“Me aplikimin e paketës së re fiskale në 2020 do të fillojë një sistem më automatik. Ka një rritje të gjobave për moslëshim faturash. Evazioni fiskal është i lartë ndërsa gjobat janë rritur. Individi që nuk tërhiqte kupon kishte një gjobë prej 10 mijë lekësh, tashmë kjo gjobë është rritur në 20 mijë lekë.
Fatkeqësisht viti 2020 nuk do të jetë një vit i mirë. Nëse do e krahasonim me vitin e kaluar theksojmë se rritja erdhi si pasojë e rënies së shirave, ku Shqipëria pati mundësi të prodhojë energjie ta shiste gjë që reflektoi në rritjen ekonomike me 4 %, ndërkohë këtë vit nuk ra shi, dhe rritja ekonomike ishte në 2 %. Në 2020 nuk pritet të ketë rritje ekonomike pasi projektet e mëdha janë në përfundim. Ne kemi ekonomi të dobët. Po ngushtohen koncesionet, nuk ka të ardhura ndërkohë është duke ikur edhe një prej investimeve më të mëdha siç është TAP apo të tjerë. Shqipëria ka qenë e fundit për sa i përket rritjes ekonomike. Jemi vendi me taksat më të larta dhe pagat i kemi të ulëta. Raportet e bankës botërore dhe FMN kanë raportuar se ekonomia është ngadalësuar por këtë qeveria jonë nuk e pranon, dhe deri sa nuk e pranon se ekonomia është në përkeqësim, atëherë nuk ka se si të marrë masa për përmirësim. Për sa kohë që nuk kemi të ardhura dhe jemi të detyruar të paguajmë koncesionet deri në 2024, shteti duhet të shtrëngojë rripin. Viti 2020 do të jetë një vit dietik“, tha Liperi./abcnews.al
nev ila23:48 | 28/10/2019
E ftuar mbrëmjen e sotme në Mbrëmje ABC me gazetaren Mirela Milori ka qenë e ftuar Ermonela Felaj, deputete e Partisë Socialiste. E pyetur nga gazetarja Mirela Milori se nëse Partia Socialiste mban një përgjegjësi morale për personat brenda Partisë Socialiste me funksione të rëndësishme, që rezultojnë në shkelje të ligjit, Felaj tha se PS nuk mban asnjë përgjegjësi për ata persona që janë në shkelje të ligjit. Pasi përgjegjësia, sipas Felaj, është individuale dhe nuk ka se si të implikojë Partinë Socialiste. Gjithashtu Felaj tha se kushdo që ka shkelur ligjin, qoftë ky edhe Agim Kajmaku apo kushdo tjetër do ti nënshtrohet përgjegjësisë penale pa asnjë kufizim.
“Për të gjitha pyetjet që formulari përmban, kushdo është i detyruar të deklarojë të vërtetën, dhe me saktësi të plotë. Në rast se të dhënat që pasqyrohen në formular, nuk përkojnë me të vërtetën, kjo përbën shkak për përgjegjësi penale për falsifikim të formularëve. Në rast se personi nuk ka deklaruar qe ka ndryshuar emrin, përbën përgjegjësi. Përgjegjësia penale është personale, dhe nuk është kolektive, si e tillë ajo nuk ka se si të implikojë të gjithë Partinë Socialiste”, tha Felaj.
Mirela Milori: Ka një përgjegjësi morale që ju duhet ta keni si parti politike sepse keni ish ministra të dënuar për shpërdorim detyre, keni dy kryetarë bashkish që do tju largohen në shkelje të ligjit të dekriminalizimit, si mendoni?
Ermonela Felaj: Çdo njëri që ju përmendët nuk është më në asnjë lloj funksioni në partinë socialiste. Mundësia jonë për të verifikuar është e limituar, sepse të bësh kërkime të tilla duhet të vihesh në kontakt me organe ligjzbatuese dhe natyrisht partitë politike nuk kanë të njëjtin status, nuk mundet të bashkëveprojnë me një institucion publik apo ligjzbatues. Janë institucionet ato që në rastin konkret është prokuroria e përgjithshme e cila siç ka vepruar në këtë rast apo për raste të tjera në vijim i duhet të bëj kërkimet në vendin përkatës.
Mirela Milori: Nëse gjendet në shkelje Zoti Kajmaku, ju si mendoni do të penalizohen dhe të shkojë në burg për këtë që kanë bërë apo duhet të kthehen në bizneset e tyre private?
Ermonela Felaj: Nëse kanë bërë shkelje i penalizon ligji dhe do ti nënshtrohen përgjegjësisë pa asnjë kufizim si kushdo tjetër./abcnews.al
nev ila20:57 | 28/10/2019
I ftuar në Mbrëmje Ide me gazetaren Mirela Milori ka qene i ftuar Tomorr Alizoti. Alizoti ka folur për situatën aktuale e cila sipas tij është mizerabel, sic e quan ai dhe se Edi Rama është i vetmi politikan që në një situatë të tillë politike nuk jep dorëheqjen. Gjithashtu Alizoti tha se nuk sheh asnjë politikan shqiptar në dimensionin e politikanëve evropian dhe se ata kanë tipare staliniste.
Pjesë nga biseda në studio:
Mirela Milori:Duket se qeveria shqiptare ka mbështetjen e shteteve të Bashkuara, sot e ngarkuara me punë, aktualisht numri 2 i ambasadës amerikane Leyla Moses-Ones deklaroi se Shqipëria nuk u përkul përpara mekanizmave të Rusisë, dhe i bëri qëndresë terrorizmit iranian, kjo është deklaratë e fortë…
Tomorr Alizoti: Shqipëria nuk do të hyjë në Amerikë do të hyjë në SHBA, Shqipëria është në BE dhe jo në Amerikë. Kjo është një simpati e Shtetit Amerikan deklaratë e mirë që i bën mirë Edi Ramës por hyrja në BE është tjetër gjë.
Mirela Milori:Shumica e vendeve të BE, Merkel gjithashtu ka qenë pro hapjes së negociatave, dhe janë në minorancë vendet që janë kundër Shqipërisë, si e komentoni kete?
Tomorr Alizoti: Kam parë këto ditët e fundit shumë banalitete. Më kujton një banalitet të ish partisë së punës. Franca është një vend i madh. Ma kanë treguar dhe e kam lexuar në fakt se dikur në kohën e komunizmit, u ngrit organizata e plehut të Lushnjes dhe bënë një notë proteste kundër bashkimit të dy Gjermanive, kështu që ky lloj formati i politikës së sotme i përngjan shumë kësaj forme e cila sulmon edhe gruan e Macron.
Por le ti kthehemi seriozitetit. Në sytë e mi Shqipëria nuk hyn në Evropë. Nëse Kosova i jep leksion Shqipërisë kjo është e turpshme. Që të bëhen zgjedhjet në mëngjes dhe të dali rezultati në darkë kjo për Shqipërinë është serioze. Dorëheqja e Zaev nuk është për faj të tij. Ne indirekt dëmtojmë dhe Maqedoninë e Veriut.
Mirela Milori:Gjithë diskutimi në këtë vend duket sikur është të ikë Rama, e zëmë se ikën Rama, çfarë ndodh me Shqipërinë dhe situatën tonë?
Tomorr Alizoti: Që Shqipëria të jetë afër BE duhet të ketë politika të BE. Kriteri kryesor për të qenë më afër është zgjedhjet e lira e të ndershme. Po iku Rama vjen opozita. Ata mbase nuk bëjnë shumë gjëra të mira por disa gjëra më mirë se Rama mund ti bëjnë. Politika është tezë dhe doktrinë nuk është gallatë. Asnjë shqiptar nuk është në dimensionin e politikave evropiane, te të gjithë politikanët tanë ka një tipar stalinist. Demokracia nuk vjen me avion dhe helikopter. Ky nuk duhet të rri më kryeministër. Nuk ka kryeministër në botë që në këtë vazhdë të vazhdojë të rri. Mendoj që duhet gjetur një zgjidhje për Shqipërinë./abcnews.al
ent ela23:30 | 26/10/2019
Historian mbi mesataren e ka vlerësuar kryeministri i ardhshëm i Kosovës Albin Kurti, ish kryeministrin Sali Berisha. I ftuar në studion e Mbrëmje në ABC News të Mirela Milorit, Kurti thotë se doktor Berisha është njohës i mirë i historisë dhe politika pa historinë është lojë pa rregulla. Ndërsa si politikan ai e çmon ish kryeministrin Berisha për qëndrimin kundër Serbisë.
Milori: Zoti Berisha është një mbështetës i juaji mbrëmë ka qenë tee arjan can ka thënë që jeni politikan i rrallë jo vetëm në shqipëri se jeni njeri m fibër politke. si e vlerësoni berishën
Kurti: Besoj se ish Kryeministri dhe ish Presidenti i Republikës të Shqipërisë Sali Berisha ka mbajtur një qëndrim të theksuar kundrejt agresionit në arenën ndërkombëtare të Serbisë kundrejt Kosovës dhe kundër pazareve të rrezikshme dhe kjo është për t’u vlerësuar. Është tjetër çështje pastaj politika e brendshme e Shqipërisë, por mendoj s doktori është njohës i mirë i historisë. Dhe në pikën 5 të programit të Vetëvendosjes 2010, që quhet shtet-ndertim dhe zhvillim ne themi se politika pa historinë është lojë, bile degjeneron edhe më keq sesa lojë, në lojë pa rregulla. Është e domosdoshme historia në politikë ashtu si dhe etika dhe idealet. Doktor Sali Berisha është historian mbi mesataren.
Milori: Po si politikan?
Kurti: Si politikan ai është i qendrës së djathtë dhe qëndrimi i tij kundër Serbisë, që është kundër nesh, është për t’u çmuar. /abcnews.al
NDIQNI INTERVISTËN E PLOTË
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
