Llapi

Egnatia-1.jpg
Veronik Istrefaj16:57 | 18/01/2020

Dita e sotme ka qenë e ngarkuar për disa ekipe shqiptare, kryesisht ato të Kategorisë së Parë, që kanë luajtur takime miqësore. Turbina është përballur me ekipin fierak të Apolonisë, takim që e ka fituar pastër 2-0.

Për ekipin cërrikas, shënoi Santiago, si dhe një autogol nga miqtë. Devolli ka fituar me të njëjtin rezultat kundër Sopotit, falë golave të Hasanit dhe Cane.

Da Costa dhe Mustafaraj i kanë dhënë fitoren 2-0 skuadrës së Egnatias kundër Llapit, ndërsa Erzeni dhe Besa janë ndarë në barazim 1-1. Për shijakasit, shënoi Djidëia, i cili po kalon një formë shumë të mirë. Tomori ka fituar thellë 4-0 kundër Naftëtarit, me beratasit që nuk u kursyen aspak dhe luajtën në maksimumin e tyre./abcnews.al

Miqësore, 18 janar 2020

Turbina – Apolonia  2-0
Santiago, Autogol

Devolli – Sopoti  2-0
Hasan, Cane

Egnatia – Llapi  2-0
Da Costa, Mustafaraj

Erzeni – Besa  1-1
Djidwia /

Tomori – Naftëtari  4-0

ymeri1-1280x960.jpg
Vladimir Prenga21:42 | 17/01/2020

Ersil Ymeri do ta vijojë karrierën në Kosovë. Mesfushori nga Malësia e Madhe ka nënshkruar me ekipin e Llapit. Ai i është bashkuar skuadrës nga Podujeva në stërvitje, ndërkohë që kontrata e tij është 6 mujore me opsion për ta zgjatur edhe për një vit.

“Zyrtare: Ersil Ymeri i bashkohet Llapit. Nënshkruan kontratë gjashtë mujore me mundësi vazhdimi edhe për 1 vit Mesfushori i qendrës, Ersil Ymeri, edhe zyrtarisht është pjesë e Llapit.

Gjatë ditës së sotme, 25-vjeçari nga Shkodra iu bashkua pjesës tjetër të skuadrës në Durrës për fazën përgatitore. Ersil Ymeri, 25 vjeç, i lindur më lindur më 06.07.1994 në Shkodër.

Mesfushor qendror dhe mesfushor defanziv që vjen nga KF Laçi. Ka bërë karrierë edhe për nga një edicion tek FK Veleçiku, FC Kamza dhe KS Kastrioti. Mirë se vjen Ersil Ymeri”, shkruhet në njoftimin e bërë nga klubi i Llapit. /abcnews.al

Llapi-1.jpg
Veronik Istrefaj19:45 | 15/01/2020

Skuadra e Llapit në Kosovë po mendon për të ardhmen. Ekipi nga Podujeva ka zyrtarizuar sot firmën me 16 vjeçarin, Alket Bajrami, i dalë nga akademia e Prishtinës. Bajrami ka nënshkruar një kontratë 2 vjeçare me klubin e Llapit dhe konsiderohet si një talent që premton shumë për të ardhmen. Dy ditë më parë, Llapi nënshkroi një tjetër talent, Premtim Jakupin, vetëm 19 vjeç.

Zyrtarizimi i Bajramit:

Super talenti 16 vjeçar, Alket Bajrami rrit organikën e futbollistëve të talentuar tek KF Llapi. Dëshira e madhe e klubit dhe futbollistit për bashkëpunim rezultoi me kontratë 2 vjeçare të nënshkruar

Podujevë, 15 janar 2020 – Mesfushori 16 vjeçar me tipare ofensive, Alket Bajrami, nga dita e sotme është pjesë e KF Llapit. Me kontratën e nënshkruar, KF Llapi sot ka arritur t’i siguroj shërbimet e njërit ndër futbollistët më premtues dhe më të talentuar në Kosovë. Alketi vjen nga kategoria e Kadetëve U17 të FC Prishtinës.

Alket Bajrami, 16 vjeç, i lindur më 06.12.2003 në Prishtinë. Alketi është i biri i ish-futbollistit të KF Llapit, Emin Bajrami. Alketi luan si mesfushor ofensiv dhe me talentin që posedon pritet të ndjek rrugën e shumë futbollistëve që nga KF Llapi do arrijnë Evropën. Talenti i tij ka rënë në sy të drejtuesve të klubit, të cilët e blinduan me kontratë 2 vjeçare.

MIRËSEVJEN ALKET BAJRAMI!

Premtim-Jakupi.jpg
Igli Nikolli22:14 | 13/01/2020

Llapi ka zyrtarizuar përforcimin e radhës. Klubi dardan ka siguruar shërbimet e një qendërsulmuesi. Ai është Premtim Jakupi, i cili vjen nga Drita e Tetovës. 19-vjeçari është një investim i së ardhmes dhe ka firmosur për 3 vite me ekipin nga Podujeva.

Jakupi është një prodhim i Shkëndijës së Tetovës dhe është gati të lërë gjurmë në IPKO Superligën e Kosovës. Trajneri Batatina është i kënaqur me këtë afrim dhe pret shumë nga ai. /abcnews.al

daci-1280x853.jpg
Vladimir Prenga14:04 | 08/01/2020

Kastrioti njoftoi ditën e sotme ndërprerjen e bashkëpunimit me mbrojtësin Florian Daci, ndërkohë që nuk ka vonuar zyrtarizimi në skuadrën e re. Rikthim në Kosovë, ku më parë është aktivizuar me Lirinë e Prizrenit. Qendërmbrojtësi tani do të veshë fanellën e Llapit.

“Florian Daci është futbollisti më i ri i Llapit. Daci në praninë e kryetrajnerit, Tahir Batatina ka nënshkruar kontratë me kohëzgjatje të 1 viti e gjysmë. Së fundmi, ai ishte pjesë e Kastriotit të Krujës.

Florian Daci, 28 vjeç, i lindur më 02.04.1991, qendërmbrojtës me përvojë të madhe. Vjen nga Kastrioti i Krujës, teksa ka qenë edhe pjesë e Tomorit, Turbinës dhe në Kosovë pjesë e Lirisë”, njofton klubi nga Podujeva përmes faqes zyrtare në “Facebook”. /abcnews.al

otto-john-1280x853.jpg
Vladimir Prenga10:31 | 08/01/2020

Llapi ka zyrtarizuar një afrim një ditë më parë dhe bëhet fjalë për portierin Giacomo Nava. Shtatlarti, i cili mbush 23 vjeç këtë muaj, ka qenë në të shkuarën pjesë e Italisë U15 dhe lë vendin e tij për një eksperiencë në Ipko Superliga e Kosovës.

Nava ka mbyllur bashkëpunimin me klubin e Rimini. Sivjet ai nuk kishte luajtur asnjë minutë, kurse vjet nga dhjetori në mars ka luajtur 15 takime si titullar. Portieri është produkt i Sampdorias, por ka luajtur në huazim në klube si Lecco dhe Lentigione në kategoritë inferiore në Itali.

Llapi i ka ofruar një marrëveshje të mirë, nga e cila do të përfitojë 3500 euro në muaj. Diçka të tillë e ka zbuluar vetë trajneri Tahir Batatina në një prononcim për “Gazeta Infokus”.

OTTO JOHN – Nigeriani do të largohet nga Skënderbeu dhe do të veshë fanellën e Prishtinës në Kosovë. Më parë sulmuesi ka luajtur për Trepça ’89 dhe ka spikatur. Kjo ka bindur klubin bardhekaltër të bënte një ofertë për shërbimet e Otto John.

Gazeta Sheshi në Dardani raporton se për kartonin e tij do të derdhen në arkat e korçarëve plot 35 mijë euro. Skënderbeu do të mbajë 15 ose 20 për qind të kartonit. Më parë raportohet se për sulmuesin ka bërë një ofertë edhe Drita, por shifra ka qenë 20 mijë euro, dukshëm më e ulët se propozimi i Prishtinës. /abcnews.al

grajqevci-1280x853.jpg
Vladimir Prenga15:33 | 07/01/2020

Lëvizje në Kosovë te Llapi dhe Drita. Klubi nga Podujeva ka njoftuar arritjen e marrëveshjes dhe nënshkrimin e kontratës me mesfushorin Atdhe Grajqevci. I larguar nga Drenica pak ditë më parë, 21-vjeçari ka vendosur të vihen nën urdhrat e trajnerit Tahir Batatina.

“Atdhe Grajqevci ka nënshkruar kontratë 3 vjeçare me Llapin. Mesfushori 21-vjeçar vjen nga Drenica. Atdhe Grajqevci, 21 vjeç, i lindur më 22.11.1998 në Kastriot. Është mesfushor qendre, por mund të luajë edhe si mesfushor defanziv si dhe mesfushor ofanziv.

Grajqevci ka qenë pjesë e Prishtinës, KEK-ut, e së fundmi Drenicës. Po ashtu ka mbrojtur me sukses ngjyrat e Përfaqësueses së Kosovës në kategoritë e reja”, njofton kluli i Llapit, ndërkohë më parë ka qenë Drita që ka njoftuar për një lojtarë të larguar.

“Klubi jonë FC DRITA dhe lojtari Donat Hasanaj kanë ndërpre bashkëpunimin. Ishte kërkesa e lojtarit që të jetë i lirë për t’u larguar për një sfidë të re, kjo për shkak të hapësirës jo të mjaftueshme që Donati kishte tek ne! Klubi jonë e falënderon Donatin për kontributin e dhënë dhe i dëshiron shumë suksese në vazhdim të karrierës”, shkruan klubi nga Gjilani. /abcnews.al

Llapi.jpg
Igli Nikolli13:34 | 06/01/2020

Llapi nuk ka vonuar për të gjetur zëvendësuesin e Sebino Plakut dhe e ka zyrtarizuar ditën e sotme. Klubi nga Podujeva ka arritur akordin dhe ka prezantuar Jasmin Rraboshtën. 29-vjeçari ishte pjesë e Vushtrrisë fazën e parë, aty ku shënoi 3 gola.

Shkodrani, i cili ka eksperiencë në futbollin shqiptar, ka firmosur deri në fund të sezonit me Llapin, teksa ekziston opsioni i rinovimit me një tjetër vit.

Klubi dardan nuk është ndalur me kaq dhe ka prezantuar edhe dy futbollistë tjerë. Nertil Hoxhaj dhe Franci Lena do të mbajnë veshur fanellën e Llapit. I pari është 22 vjeç, vjen nga Vushtrria, luan në rolin e mbrojtësit të majtë dhe është një produkt i Partizanit.

I dyti aktivizohet në qendër të mbrojtjes, ka qenë kapiten i Shkëndijës së Tiranës dhe është pjesë e Shqipërisë U20. Faza e parë nuk ishte pozitive për ekipin e Batatinës, që e mbylli në vend të 7 me 24 pikë. Goditja e trefishtë ka rritur entuziazmin dhe Llapi pritet të jetë edhe më i fortë në vijim të sezonit. /abcnews.al

 

Llapi prezanton tre afrimet e ditës së sotme
plaku-gjilani-1280x853.jpg
Vladimir Prenga12:21 | 05/01/2020

Sebino Plaku do të jetë krahu i djathtë i Tomislav Busic te Gjilani. Sulmuesi ka nënshkruar dhe është zyrtarizuar sot pjesë e skuadrës së drejtuar nga Gentian Mezani. Ai i bashkohet kolonisë së futbollistëve që lanë Superioren për të luajtur në Kosovë.

“Gjilani dhe futbollisti nga Shqipëria, Sebino Plaku, kanë arritur marrëveshje bashkëpunimi, nga ku do ta mbajë futbollistin e lartcekur si pjesë e skuadrës së Gjilanit deri në fund të këtij edicioni garues.

I lindur në Tiranë, Plaku, karrierën e tij futbollistike e nisi me Partizanin e Tiranës. Sulmuesi më i ri i Gjilanit, pas vetes ka karrierë të gjatë futbollistike, ndërsa në këtë edicion ai luajti për skuadrën e Llapit nga Podujeva.

Sebino Plaku, gjithashtu kishte luajtur edhe në skuadra të ndryshme në Shqipëri, ku karrierë kishte bërë edhe në kampionatet Europiane, më saktësisht në Poloni me skuadrën e Slask Wroclaw dhe në Norvegji me skuadrën e FC Hamkam”, njofton klubi i Gjilanit. /abcnews.al

Sebino Plaku dhe menaxheri Altin Firat duke pozuar pas hedhjes së firmës
plaku-1280x853.jpg
Vladimir Prenga11:31 | 05/01/2020

Sebino Plaku do të ndryshojë skuadër në Kosovë dhe do të jetë Gjilani ekipi i ri. Pas një pjese të parë të sezonit te Llapi, sulmuesi ka pranuar ofertën e klubit gjilanas dhe do të vihet nën urdhrat e trajnerit Gentian Mezani.

Vetë trajner i Llapit, Tahir Batatina, ka konfirmuar se është mbyllur gjithçka dhe Plaku do t’i bashkohet Gjilanit. “Kemi arritur marrëveshje me skuadrën e Gjilanit që ta transferojmë tek Gjilani Sebinon”, tregon fillimisht Batatina për “Zëri.info”.

Më tej ai shton: “Kemi kaluar jashtë zakonisht mirë me lojtarin, i cili është një super profesionist dhe super djalë dhe i kulturuar. Unë mendoj se do ta ndihmojë shumë Gjilanin, pasi  e njeh edhe skuadrën dhe lojtaret që janë aty”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono