Librazhd

kana.jpg
nev ila17:10 | 19/12/2019

Dhjetë punonjës të policisë së Elbasanit dhe të Librazhdit u pezulluan nga detyra për shpërdorim detyre. Mes të pezulluarve është edhe Bedri Hysenaj me detyrë shef Komisariati, i cili bashkë me 9 vartësit e tij akuzohet se lejoi kultivimin e kanabisit në disa zona të Librazhdit.

10 efektivët e policisë u pezulluan nga detyra me vendim gjykate njofton Ministria e Brendshme, pasi kanë “shpërdëruar detyrën”, ku në territorin që ishte në monitorim të Bedri Hysenaj.

“ABC News” publikoi gjatë muajti shtator materiale konfindencile të siguruara nga Komisariati i Elbasanit se në  njësinë Administrative Orenjë, policia asgjesoi më shumë se 3000 bimë kanabis sativa.

Shefi i Komisariatit Bedri Hasanaj, shefi i Rendit në Librazhd Leonidh Zaimi dhe Adriatik Huti, shef i Qarkullimit rrugore në Drejtorinë e Elbasanit, si drejtues nuk kanë zbatuar planin e masave për të parandaluar kultivimin e lëndëve narkotike në qarkun e Elbasanit. Mësohet se pjesa tjetër e efektivëve të pezulluar janë isnpektor zone.

Në verën e 2019 ka pasur një rritje të lehtë të kultivimit të lëndëve narkotike krahasuar me të njëjtën përiudhë të një viti më parë.

Librazhdi ka kryesur në mbelljen e kanabisit. Pas tij, vijnë Erseka, Kukësi, Malësia e Krujës dhe rrethi i Gjirokastrës.

Lidhur me aksionet antikanabis, Shërbimi për Çështjet e Brendshme dhe Ankesave ka nisur hetimet edhe për punonjësit e pyjeve dhe administratorët dhe kryetarët e fshatrave përreth. Ndërkohë problem mbetet identifikimi i autorëve kur bimët narkotike mbillen në pronat publike./abcnews.al

librazhd-cifti-hajdari.jpg
nev ila21:59 | 15/12/2019

Olsi Hajdari, 27-vjeçari nga fshati Xhyrë i Librazhdit që mbërriti në koma në spital, ndërsa bashkëshortja e tij 19 vjeçe vdiq, pas 48 orëve jo vetëm që është ndjerë mirë, por këtë fundjavë ka lënë edhe shtratin e spitalit.

Edhe mjekët që e kanë trajtuar, nuk kanë besuar te mrekullia, dhe kjo është një tjetër mister, ashtu sikurse tragjedia e ndodhur gjatë mesjavës, në familjen Hajdari ku në dhomën e çiftit të martuar, plot një javë më parë, e ëma e 27 vjeçarit u shokua, kur gjeti në koma të birin dhe nusen e tij.

Bukurie dhe Dilaver Hajdari të alarmuar nga ajo që i kishte ndodhur çiftit kanë njoftuar fqinjët, shërbimin e urgjencës, kryetarin e fshatit, ndihmës mjeken dhe policinë duke kërkuar ndihmën e të gjithëve.

19-vjeçarja mbërriti e vdekur ne spital, ndërsa Olsi pas një dite në gjendje të rëndë e kaloi të keqen dhe të dielën doli nga spitali.

Stafi i mjekëve, pasi thirri një psikologe, komunikoi me të rreth asaj çfarë ai mbante mënd, nga nata e fundit në shtëpinë e tij. Sipas Olsi Hajdarit, ai pasi kishte darkuar  me prindërit, dhe bashkëshorten, e më pas kishin shkuar në dhomën e gjumit.

Aty meqenëse ishte ftohtë, kishin vendosur mangallin me prush, dhe më pas i kishte marrë gjumi. Ai ka treguar se më pas nuk kujtonte asgjë se kush e ka marrë dhe ku e kishin dërguar./abcnews.al

olsi-1.jpg
nev ila21:40 | 15/12/2019

Olsi Hajdari ,27-vjeçari nga fshati Xhyrë e Librazhdit që mbërriti në koma në spital, ndërsa bashkëshortja e tij 19 vjeçe vdiq, pas 48 orëve ka lënë shtratin e spitalit dhe është kthyer në shtëpi.

Ndërkohë sipas burimeve konfidenciale, mësohet se oficerët e policisë kanë shkuar në banesën e tij në Zhyrë për të zbardhur rastin.

Ngjarja e rëndë është regjistruar mëngjesin e së premtes në Xhyrrë të Librazhdit dhe çifti ishte martuar të dielën e kaluar./abcnews.al

cifti.jpg
ger ta15:46 | 13/12/2019

Kjo është dhoma që u panë për herë të fundit çifti Hajdari nga Xhyra e Librazhdit. Ata janë dërguar në spitalin e Librazhdit me shenja helmimi dhe janë gjetur nga nënë e Olsianit. Po bashkëshkortja e tij 19 vjeçarja Rezarta Hajdari nuk mbijetoi dot. Ndërsa Olsiani po mbahet në terapi intensive në spitalin e Elbasanit.

Mjekët për gazetarët kanë shpërndarë një realacion ku nuk kanë ende të përcaktuar llojin e helmit, dhe në të shkruhet se shëndeti i Olsianit paraqitet me parametra jetesorë normalë. Ndërkaq, policia dyshon se ata janë vetëhelmuar.

Berie Çepi është komshija që pa çiftin në gjendje kritike para se të dërgoheshin në spital.

Po mirë ishin, ata nuk kanë mbushur javën”.

Ngjarja e rëndë ka befasuar hallën e Olsianit.

Çunin nuk e pashë se e kapi kunati im, isha unë, erdhi edhe infermierja, i ka rënë infarkt se ishte e ngrohtë nusja, e morëm vesh që ka vdekur nusja kur ikën në Librazhd”.

Ndërsa fqinjë e çiftit i njihni për persona që shkonin shumë mirë me njëri tjetrin. Madje një prej tyre kishte pirë kafe me ta një natë më parë.

Çifti Hajdari ishte martuar 5 ditë më parë dhe kete të premte të zezë ata u ndanë përfundimisht.

 

 

olsi.jpg
Autor E10:25 | 13/12/2019

Detaje të reja kanë dalë nga helmimi i çiftit të sapomartuar në Librazhd. Ngjarja e rëndë ka ndodhur në fshatin Xhyrë.

Abcnews.al mëson se dy të rinjtë Olsian Hajdari 27 vjeç dhe Rezarta Hajdari 19 vjeçe janë dërguar të helmuar në spital.

Për fat të keq vajza ka ndërruar jetë, ndërsa 27 vjeçari është në gjendje të rëndë në spitalin e Elbasanit.

Mësohet se të rinjtë ishin martuar këtë të dielë, ndërsa janë të paqarta rrethanat e helmimit.

Për këtë ngjarje ka reaguar edhe policia e Elbasanit.

“Në Spitalin e Librazhdit ka shkuar pa shenja jete shtetasja R.H., rreth 19 vjeçe, si dhe bashkëshorti i saj shtetasi O.H., 27 vjeç, në gjendje të rëndë shëndetsore dhe ndodhet nën kujdesin e mjekëve, banues në fshatin Xhyrë , Librazhd, pasi dyshohet se janë vetëhelmuar.

Lexo edhe: Flasin prindërit e çiftit që u vetëhelmua: Jemi shokuar, çfarë dimë për ngjarjen

Grupi hetimor ndodhet në vendngjarje dhe po punon për zbardhjen dhe sqarimin e plotë të rrethanave të ngjarjes”, njofton Policia e Elbasanit. /abcnews.al

elbasan24-1024x683.jpg
R D09:55 | 13/12/2019

Një ngjarje e rëndë ka ndodhur mëngjesin e sotëm në Librazhd, ku një çift të rinjsh kanë mbërritur të helmuar në spitalin e qytetit.

Mësohet se Olsian Hajdari 27 vjec, dhe Rezarta Hajdari 19 vjeçe kanë helmuar veten, ndërkohë që e reja ka ndëruar jetë, raporton gazetari Fatos Salliu për abcnews.al.

Burime bëjnë me dije se 27 vjeçari është dërguar në spitalin e Elbasanit, po ashtu në gjendeje të rëndë për jetën.

Të njëjtat burime bëjnë me dije se të rinjtë ishin martuar të dielën./abcnews.al

 

e-moshuara-1280x720.jpg
ger ta19:46 | 13/11/2019

Salushe Seferi nga Librazhdi kërkon që vajza e saj Ruzhdie Balliu, e cila ndodhet në Siri të rikthehet në shtëpi.

Ajo ndodhet në Siri që prej vitit 2014 sëbashku me bashkëshortin e saj Ali Balliu, ku shkuan për t’iu bashkuar luftës së Shtetit Islamik.

Salushe tregon për abcnews.al se si iku e bija në vendin e luftës. E moshuara thotë se ishte djali i Ruzhdijes, Idajeti ai që kishte shkuar më parë në Siri. Idajeti, kishte mbaruar studimet për inxhineri elektronike, por vendosi të linte gjithçka këtu për t’ju bashkuar ISIS.

Ruzhdija e nisi udhëtimin nga Turqia për t’ju bashkuar të birit. Por pa arritur prindërit në Siri, djali i saj Idajeti, i cili njihej si krahu i djathtë i Lavdërim Muhaxherit u vra gjatë luftimeve. Idajet Balliu u vra paraditen e 15 gushtit 2014 në Aleppo të Sirisë gjatë betejës më të ashpër të Aleppos.  Ai luftonte në radhët e Shtetit Islamik dhe njihej me emrin Ebu Derda esh Shami.

Teksa kanë kaluar 5 vite, e ëma e Ruzhdijes,  82-vjeçare kërkon që t’i rikthehet vajza, ku sipas saj për të shkuar në Siri e ka gënjyer burri i saj, Aliu.

“Dua të më kthehet, nuk dua gjë tjetër, i iku çuni para. E pyesja ku e ke, më thoshte në shkollë. Ai ishte në luftë”, thotë ajo.

Po kështu edhe i vëllai i Ruzhdijes, Shefqeti kërkon që të kthehet motra, teksa u kërkon strukturave shtetërore të ndihmojnë në kthimin e  saj.

Ruzhdije Balliu ndodhet në kampin Al Hol, aty ku qendojnë të burgosur edhe mijëra të tjerë, pasi ISIS humbi terriroret./abcnews.al

 

WhatsApp-Image-2019-11-06-at-08.09.59-1280x720.jpeg
ger ta08:16 | 06/11/2019

SHÇBA ka nisur hetimet për kryekomisar Bedri Hasaj dhe shefit e krimeve Armand Koni dhe disa punonjsëve të tjere të policisë pasi ne shtator në Librazhd u asgjesuan 2836 rrenjë bimesh narkotike kryesisht në Njesinë Administrative Orenjë.

Ndërkohë, në Ballgjin 720 rrenjë kanabis ku u arrestua kryetari fshatit Rakip Cani për mos kallzim të lëndëve narkotike, në malin Meçitit 2000 rrënjë dhe Shtog 116 rrenje, si dhe në disa zona te tjera Sopotit ku u shoqëruan dy persona.

Sakaq, policia e Librazhdit është në kërkim dhe monitorim te bimëve narkotike. Kontrollet po kryhen në, Malësia e Çermenikës Kostenjë-Prevallë-Stëblevë./abcnews.al

ok-termeti-kuc-e-diele-2-1280x715.jpg
Autor E09:00 | 21/10/2019

Një tërmet tronditi mbrëmjen e djeshme zonën në afërsi të Librazhdit duke u ndjerë edhe në Tiranë, Dibër, Elbasan, Korçë si edhe në Maqedoni.

Lëkundjet u shënuan në orën 21:15 të mbrëmjes së djeshme.

Instituti i Sizmiologjisë konfirmon se tërmeti ishte i shkallës 3.1 richter dhe duke mos shkaktuar dëme materiale.

Që prej tërmetit të 25 shtatorit, vendi ka ndjerë një numër të madh lëkundjesh gjatë ditëve të mëvonshme, ku më aktive ka qënë zona detare përballë Durrësit.

AKSIDENT-NE-LIBRAZHD-MBULIM.mpg_snapshot_00.03-1280x720.jpg
ent ela09:16 | 03/10/2019

Një e moshuar Resmie Hyska 82 vjeçe që po udhëtonte me autobus ka mbetur e vdekur në një aksident në rrugën Librazhd Qafë Thanë. Të plagosur kanë mbetur dhe dy pasagjerët Donika Miftari 63 vjeԷe dhe Albana Goskova 44 vjeçe, që ndodheshin në autobus. Sipas informacionit paraprak autobusi është përplasur me një trajler në kthesën e Murrashit  në zonën e Librazhdit. Dy të plagosurit janë dërguar në spital dhe ndodhen jashtë rrezikut për jetën. Kthesa ku ndodhi aksidenti është një vend i rreziksheëm dhe aty kanë ndodhur shumë herë aksidente.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono