java e parase

banka-e-shqiperise.jpg
ad min21:30 | 30/03/2019

Edukimi financiar i brezit të ri ishte në qendër të vëmendjes së Bankës së Shqipërisë këtë javë.  Ashtu si dhe në të gjithë botën dhe në vendin tonë u organizuan një sërë aktivitetesh ndërgjegjësuese për të rinjtë.

Në të gjithë globin, kjo javë i është dedikuar edukimit financiar të fëmijëve me qëllim që brezi i ri në të ardhmen të mund të marrë vendime të mirë menduara. Slogani botëror i përzgjedhur nga organizatat ndërkombëtare është “Mëso, kurse, fito”, ndërsa në Shqipëri Banka Qendrore mendoi ta zgjeronte tematikën.

“Ne si pjesëmarrës aktiv në veprimtaritë e kësaj jave kemi zgjedhur të fokusohemi tek edukimi i të rinjve për të mënjanuar përdorimin e gabuar të termave “lek i ri” dhe “lek i vjetër” në marrëdhëniet tona të përditshme financiare. Motoja jonë për këtë vit është “Tepër i ri për të folur me Lekë të vjetër!”

Përmes orëve të hapura mësimore, vizitave në Muzeun e Bankës së Shqipërisë e konkurseve, nxënësit e të gjitha grupmoshave përgjatë gjithë javës së parasë morën leksione si të kujdesen për paratë, si të kursejnë, si të fitojnë të ardhura e të vendosin bazat për të ardhmen e tyre. Evente që ndodhin në të gjitha shtetet e Europës po i ndjek dhe Banka e Shqipërisë. I tillë ishte dhe kuic me 200 nxënës nga të gjitha shkollat e Shqipërisë.

Ata u ndanë në 149 skuadra me nga dy persona dhe testuan njohuritë e tyre financiare përmes pyetjesh nga më të thjeshtat e deri më të komplikuarat. Nxënësit duhet të zgjidhnin formulat për probleme me pagesën e normave të interesit të kredisë apo zbatimin e mënyrës së taksimit.  Më shumë se gjysma e tyre iu përgjigjen saktë të gjitha pyetjeve. Fitoren e përcaktoi koha e dhënies së përgjigjeve.

Shkolla “Emin Duraku” në Tiranë fitoi vendin e parë dhe të tretë, ndërsa të dytët u renditën nxënësit e shkollës “Sotir Gura” në Korçë. Fituesit  e vendit të parë do të përfaqësojnë Shqipërinë në muajin Maj, në konkursin që do të zhvillohet mes të gjitha shteteve të Europës në Bruksel. Ndërsa vetë Guvernatori i Bankës së Shqipërisë, Gent Sejko, zgjodhi ta japë mesazhin e tij në një leksion të hapur në universitetin “Aleksandër Moisiu” në Durrës.

Kreu i Bankës Qendrore njohu studentët me mënyrën sesi Banka e Shqipërisë krahas objektivit për ruajtjen e stabilitetit të çmimeve i ka dhënë përparësi dhe objektivave që lidhen me stabilitetin financiar.

“Stabiliteti i sektorit bankar mbetet themelor për rritjen e qëndrueshme ekonomike të vendit. Paralelisht, janë përmirësuar edhe proceset e brendshme dhe ndërinstitucionale, që vendimmarrja finale e institucionit të reflektojë në mënyrë të përshtatshme këndvështrimet monetare dhe financiare. Me këto ndryshime, në zbatim të përgjegjësive ligjore, Banka e Shqipërisë i përgjigjet më mirë sfidave të kohës dhe vijon pandërprerë procesin e modernizimit të saj”. 

Ky është viti i gjashtë që Banka e Shqipërisë dhe Shoqata Shqiptare e Bankave, me mbështetjen e Ministrisë së Arsimit, Sportit dhe Rinisë, si dhe partnerëve të tjerë, bëhen pjesë e këtij kremtimi, duke synuar të ofrojnë një program sa më interesant e tërheqës për përfshirjen e një numri sa më të madh nxënësish dhe studentësh në aktivitetet edukuese./abcnews.al

java-e-parase-1280x658.jpg
ad min14:13 | 17/03/2018

Java e Parasë ka përmbyllur një sërë aktivitetesh të rëndësishme, që kanë për qëllim ndërgjegjësimin e brezit të ri për të qenë qytetarë të ardhshëm të përgjegjshëm dhe të aftë për të marë vendime financiare të mirëmenduara. ABC News ju sjell një përmbledhje të kësaj feste mbarëbotërore që u realizua nën kujdesin e Bankës së Shqipërisë.

Kështu u lajmërua nisja e një feste mbarëbotërore për javën e parasë.

Edhe në Shqipëri nisi me një sërë aktivitetesh.

Ceremonia e çeljes së Javës së Parasë u organizua në ambientet e Muzeut të Bankës së Shqipërisë. Guvernatori i Bankës së Shqipërisë dhe Kryetari i Shoqatës Shqiptare të Bankave në fjalët e tyre të shkurtra përshëndetëse theksojnë ndër të tjera misionin e Javës së Parasë dhe promovojnë rëndësinë e kulturës financiare për publikun e gjerë dhe në veçanti për brezat e rinj.

Tema që është përzgjedhur për këtë vit është një shprehje e vjetër popullore shqiptare dhe shumë domethënëse.

“Paraja: Ç’të mbjellësh, do të korrësh!”

Pas fjalëve të rastit, aktiviteti vijoi me shpërndarjen e çmimeve për fituesit e 3 konkurseve të lançuara një muaj më parë nga Banka e Shqipërisë dhe Shoqata Shqiptare e Bankave.

Konkursi i parë ishte “Paraja: Ç’të mbjellësh, do të korrësh!” në të cilën morën pjesë nxënësit e klasave VI të shkollave 9-vjeçare, me projekte kreative, si vizatim, punë dore, të cilat përcjellin qartë konceptin e tyre të administrimit të parasë. Në këtë konkurs u paraqitën për konkurrim rreth 70 projekte dhe morën pjesë 144 nxënës të 21 shkollave 9-vjeçare.

Konkursi i dytë i organizuar është ai i videos më të mirë. Konkursi ftoi nxënësit gjimnazistë të përcillnin me origjinalitet mesazhet e tyre për temën “Paraja: Ç’të mbjellësh, do të korrësh!” përmes një videoje prej jo më të gjatë se 2 min. Videoja mund të ishte produkt i punës individuale ose në grup. Gjithsej në konkurs u paraqitën 24 video, të realizuara nga 40 nxënës të 14 shkollave të mesme të vendit, prej të cilave u shpallën 3 fitues.

Konkursi i tretë i organizuar është ai i esesë më të mirë me temë “A përbën rrezik përdorimi i euros në transaksionet tregtare në Shqipëri?”. Studentët u ftuan të realizonin ese argumentuese jo më të gjata se 1500 fjalë, duke përmbushur kriteret e shkrimit akademik.
Dita e dytë e aktiviteteve ka nisur me një vizitë në muzeun e Bankës së Shqipërisë.
Ata janë vizitorët më të rregullt të Muzeut në brendësi të Bankës së Shqipërisë. Mesdita e së enjtes ishte parashikuar për nxënësit e klasës së dytë të shkollës “Servete Maçi” në Tiranë për të marrë edhe më shumë njohuri mbi historinë e monedhës dhe kartëmonedhës shqiptare.

Vizita e shoqëruar me shpjegimet e specialistëve nis me katin e parë të muzeut për t’u zhvendosur në të dytin. Ajo merr edhe më vlerë në javën globale të parasë që për 2018 vjen me lajtmotivin.

“Çdo të mbjellësh do të korrësh”.

Jo vetëm informacion, por edhe lojëra që zhvillojnë imagjinatën e fëmijëve, i vënë ata përballë pyetjeve për paranë apo në garë me njëri tjetrin, si në rastin konkrete, kur specialistja në Zyrën e Botimeve dhe Kërkimeve në Bankën e Shqipërisë u ka dhënë një detyrë.

Elsa që të paktën tre herë në javë pret më dhjetëra grupe nxënësish kryesisht të 9-vjeçares thotë se përveç se janë kuriozë, njohuritë e tyre mbi paranë janë të admirueshme.

Për të shenjuar vizitën e tyre në këtë muze, në mbyllje të kësaj ore jashtë mësimit, ka dy dhurata. Një dosje e pasur me informacione për lekun, si ta vlerësojmë atë dhe një foto me fytyrën e tyre të stampuar në një nga prerjet e kartëmonedhës shqiptare.

Java e Parasë është një aktivitet mbarëbotëror i parasë, e cila ka për qëllim ndërgjegjësimin e brezit të ri për të qenë qytetarë të ardhshëm të përgjegjshëm dhe të aftë për të marë vendime financiare të mirëmenduara./abcnews.al

banka-shqiptare-1280x659.jpg
ad min19:53 | 15/03/2018

Në javën globale të parasë, nxënës të shkollave 9-vjeçare janë vizitorët kryesorë të muzeut në brendësi të Bankës së Shqipërisë. Përveç njohurive mbi historinë e monedhës dhe kartëmonedhës sonë, për fëmijët janë menduar edhe lojëra.

Ata janë vizitorët më të rregullt të Muzeut në brendësi të Bankës së Shqipërisë. Mesdita e së enjtes ishte parashikuar për nxënësit e klasës së dytë të shkollës “Servete Maçi” në Tiranë për të marrë edhe më shumë njohuri mbi historinë e monedhës dhe kartëmonedhës shqiptare.
Vizita e shoqëruar me shpjegimet e specialistëve nis me katin e parë të muzeut për t’u zhvendosur në të dytin. Ajo merr edhe më vlerë në javën globale të parasë që për 2018 vjen me lajtmotivin.

Jo vetëm informacion, por edhe lojëra që zhvillojnë imagjinatën e fëmijëve, i vënë ata përballë pyetjeve për paranë apo në garë me njëri tjetrin, si në rastin konkrete, kur specialistja në Zyrën e Botimeve dhe Kërkimeve në Bankën e Shqipërisë u ka dhënë një detyrë.
Elsa që të paktën tre herë në javë pret më dhjetëra grupe nxënësish kryesisht të 9-vjeçares thotë se përveç se janë kuriozë, njohuritë e tyre mbi paranë janë të admirueshme.

Jo vetëm se është java globale e parasë, por edhe për të shenjuar vizitën e tyre në këtë muze, në mbyllje të kësaj ore jashtë mësimit, ka dy dhurata. Një dosje e pasur me informacione për lekun, si ta vlerësojmë atë dhe një foto me fytyrën e tyre të stampuar në një nga prerjet e kartëmonedhës shqiptare./abcnews.al

JAVA-E-PARASE-1280x720.jpg
ent ela14:00 | 12/03/2018

Një sërë aktivitetesh për edukimin financiar të brezit të ri do të zhvillohen këtë javë. Banka e Shqipërisë çeli javën e parasë, një aktivitet mbarëbotëror që për të disatin vit radhazhi zhvillohet edhe në vendin tonë.

“Ç’të mbjellësh, do të korrësh”.  Me këtë moto u çel java e parasë në vendin tonë që për të disatin vit radhazi zhvillohet për të mësuar të rinjtë si të kujdesen për të ardhurat dhe kursimet.

Java e parasë është një aktivitet mbarëbotëror që ka për qëllim ndërgjegjësimin që qyetarët të marrin vendime financiare të mirëmenduara. Banka e Shqipërisë në bashkëpunim me Shoqatën Shqiptare të Bankave dhe mbështetjen e Ministrisë së Arsimit organizojnë aktivitete të larmishme me fëmijë dhe të rinj, të cilët edukohen si të mendojnë financiarisht apo si t’i kuptojnë ndryshimet në sistemet ekonomike ku jetojnë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono