enkeleda arapi

qytetare-nata-jashte.jpg
ad min10:11 | 22/09/2019

Tërmeti që goditi të shtunën Shqipërinë shkatoi shumë pasoja materiale, por fatmirësisht asnjë viktimë. Gazetarja e ABC News në Durrës, Enkeleda Arapi, raportoi këtë të dielë se bëhet fjalë për 188 shtëpi dhe 8 pallate, të cilat kanë pësuar plasaritje.

Sipas saj ekspertët kanë vlerësuar paraprakisht se një prej pallateve ka pësuar dëme të mëdha dhe nuk do lejohet që banorët të kthehen deri në një njoftim të dytë. Dëme ka pësuar edhe një shkollë 9-vjeçare.

Tërmeti që goditi vendin të shtunën ishte i magnitudës 5.8 të shkallës Rihter dhe me intensitet 7.5 ballë. Epiqendra e lëkundjeve ishte në veri të Durrësit, afër Kepit të Rodonit.

Tërmeti i parë u pasua nga një tjetër 11 minuta më vonë. Tërmete të tjera u regjistruan edhe gjatë natës në qytetin e Durrësit. Gazetarja raportoi se për shkak të lëkundjeve shumë qytetarë e kanë kaluar natën jashtë.

“Kam frikë të shkoj në shtëpi,, jam me serum. S’na mbajtën në spital është mbushur plot. Mirë që bëra serumin dhe ika”, tha një qytetare

“Vështirë është të kalohet. Do rrimë sa të shohim se është e arsyeshme dhe pastaj do ikim në shtëpi”, u shpreh një qytetar.

“Ishte një tërmeti fuqishëm”, the një tjetër

“Kemi frikë të shkojmë në shtëpi. Lëkundjet ishin shumë të mëdha, të frikshme”.

/abcnews.al

DURRES-KAOS-PUNIMET-ABC-M2-T1.mpg_snapshot_00.24-1280x720.jpg
ad min17:53 | 10/12/2018

Ajo që po ndodh në Durrës nuk ndodh rëndomtë në qytete të tjera. Në shumë rrugë që sapo janë investuar ka dëmtime të mëdha. Firmat ndërhyjnë për riparime, por situata e krijuar në qytet është bërë e papërballueshme për banorët e këtij qyteti bregdetar.

Pa iu gëzuar mirë investimeve në infrastrukturë këmbësore e shoferë përballen me dëmtimin e tyre. Një fenomen jo i pazakontë, por që po shfaqet vrullshëm në qytetin bregdetar të Durrësit. Rrugë të sapo përfunduara, që i nështrohen ndërhyrjeve të ndryshme. Kanale të hapura, dhe asfalt i shkatërruar. Drejtuesi thonë qe kjo është e patolerueshme. Në rrugë të tilla nuk mund të lëvizet.

Shoferi 1: “Gërmo dhe a thyejmë qafën ne, s’duan t’ja dijnë në botë. Paguajnë lekët këta dhe u krye puna.”

Shoferi 2: “Ai që e merr përsipër me e prish duhet ta rregullojë.”

Banori 3: “Se kështu duke i hedhur pak çakull nuk është gjë. Hidh çakull këtu dhe i shkojnë gurët në shtëpinë e tjetrit. Kjo nuk është gjë.”

Kjo gjendje është pothuajse në të gjithë qytetin e Durrësit. Ndërhyrjet për riparim apo për punime të reja po bëhen në tërë territorin. Punimet në shtrirjen e linjave të ndryshme kanë përfunduar prej kohësh. Si dëshmi e tyre ka mbetur çakulli i hedhur për të zhbërë sadopak dëmtimin e asfaltit, por pa i dhënë zgjidhje.

Përgatiti: Enkeleda Arapi gazetare e ABC News, Durrës

rruga.jpg
ad min21:53 | 23/09/2018

Mungesa e mbikalimeve në zonat e populluara vazhdon t’u shkaktojë probleme banorëve. Ata përdorin trafikndarëset për të kaluar nga njëra anë e rrugës në anën tjetër. Kjo situatë është kritike në rrugën Plepa-Shkozet.

“Tashmë është bërë e zakonshme që banorët, banesat apo bizneset e të cilëve ndodhen në dy anët e kësaj rruge të kalojnë trafikndarësen me ane të këtyre shkallëve të improvizuara”, raporton gazetarja e ABC News, Enkeleda Arapi.

Ky banor, banesa e të cilit ndodhet pranë unazës Plepa-Shkozet e kalon rrugën në këtë mënyrë disa herë në ditë. Shkalla shërben për të kapërcyer lehtësisht lartësinë trafikndarëses. Por, nga ana tjetër rrezikon jetën e përdoruesve të saj.

Mbikalimet e pamjaftueshme për këmbësorët përgjatë unazës ka shtuar numrin e të tilla kalesave. Në të gjithë autostraden gjen me dhjetëra të vendosura në të dy anët e trafikndarëses.

Banorët thonë se edhe pse mbeten të ekspozuar ndaj rrezikut, në mungesë të mbikalimeve, kjo është e vetmja mënyrë për të kaluar rrugën. Në të gjjthë gjatësinë rrugës, e urbanizuar në të dy anët e saj janë vendosur vetëm dy mbikalime.

Edhe ato të vendosura në vende të gabuara me më pak lëvizje. Unaza Plepa-Shkozet pjesë e By Pass-it të Durrësit, vazhdimisht është bërë objekt diskutimesh mes ekspertëve, banorëve dhe drejtuesve të autoritetit rrugor për shkak të rrezikshmërisë që paraqet.

Në të gjithë gjatësinë e saj vihet re mungesa e elementeve të sigurisë, pavarësisht se konsiderohet ndër arteriet kryesore të vendit, për të lidhur jugun me veriun. E vetmja masë e marrë, por pa e zgjidhur problemin është kufizimi i shpejtësisë në 40 kilometra në orë.

Por, në të shumtën e rasteve nuk respektohet nga drejtuesit e automjeteve, çka rrit rrezikun e aksidenteve, kryesisht për banorët dhe bizneset e pozicionuara në të dyja anët e rrugës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono