elisa spiropali
G. P.15:40 | 06/09/2019
Ministrja për Marrëdhënien me Parlamentin, Elisa Spiropali akuzon Lulzim Bashën se do të organizojë protesta në mes të Tetorit, që të pengojë hapjen e negociatave me Bashkimin Evropian.
“Opozita ka vendosur të shtyjë në mesin e Tetorit nisjen e protestave masive, ndërsa do të përgatisë dy platforma alternative për reformën zgjedhore dhe reformën në drejtësi deklaroi mbrëmë Lulzim Basha. Domethënëse kjo frazë për këdo akoma që nuk e ka kuptuar apo mësuar se ku fle lepuri që prodhoi qindra zallamahi në gjysmën e parë të vitit. Në mes të Tetorit, kur të gjithë duhet të bënin avokatin e Shqipërisë në prag të vendimmarrjes së Këshillit Europian më 18 Tetor, Lulzim Basha do të dalë përsëri në rrugë për të prodhuar foto-lajme në mediat ndërkombëtare mbi Shqipërinë e zhytur në të zeza që nuk meriton asgjë”, tha Spiropali./ABC News Albania 24/7
G. P.13:05 | 16/07/2019
Ministrja e Shtetit për Marrëdhëniet me Parlamentin, Elisa Spiropali, reagoi në rrjetet sociale pas deklaratave të Bashës këtë të martë. Spiropali i bën thirrje Bashës dhe Metës që të harrojnë 30 Qershorin sepse sipas saj po kalon edhe Qershori i 2021-shit.
“Lulzim aman ndërro pllakën e gramafonit se s’dëgjohet më as ajo kënga monotone, po veç gërvishtjet e pllakës! Ndërroje atë dreq pllake dhe harroje 30 qershorin bashkë me Baba Xhiken se po të ikën edhe qershori 2021”, shkruan Spiropali.
Lulzim aman ndërro pllakën e gramafonit se s’dëgjohet më as ajo kënga monotone, po veç gërvishtjet e pllakës! Ndërroje atë dreq pllake dhe harroje 30 qershorin bashkë me Baba Xhiken se po të ikën edhe qershori 2021🙄
— Elisa Spiropali (@elisaspiropali) July 16, 2019
Ndërkohë kreu i opozitës Lulzim Basha u takua në mëngjes me Presidentin Ilir Meta. Në një deklaratë për mediat Basha tha se bisedoi me të për zgjedhjet e 13 Tetorit. Ndër të tjera ai theksoi se pas zgjedhjeve të 30 Qershorit, opozita është konfirmuar si mazhoranca e re politike./abcnews.al
ent ela19:30 | 04/07/2019
“Në rast se Meta, Basha e Kryemadhi njohin rezultatet e 30 qershorit atëherë patjetër, të njohin zgjedhjet dhe të vazhdojnë përpara”. Është kjo përgjigjia që dha Ministrja e Shtetit për Marrëdhëniet me Parlamentin Elisa Spiropali në studion e Mbrëmje në ABC News të Mirela Milorit, e pyetur nëse do të uleshin në tryezë me Metën-President dhe Bashën-kryetar të PD.
Milori: Do të uleshit në tryezë me Metën President e Bashën, kryetar të PD? Do të ulej Rama?
Spiropali: “Presidenti është në proces shkarkimi, derisa të shkarkohet ne e respketojmë si Presidnet të Repubblikës. Ju e keni dëgjuar gjuhën e Presidentit, ajo nuk është gjuhë për dialog. Në rast se Meta Basha e Kryemadhi e Berisha njohin rezultatet e 30 qershorit atëherë patjetër. Të njohin zgjedhjet dhe të vazhdojnë përpara. Ne e kemi theksuar gjithmonë që tryeza është ajo ku bëhen diskutime.”
Milori: Nëse Meta ju fton në dialog?
Spiropali: “Po patjetër, por mbi këto korniza kushtetuese. Nëse Basha thërret për protestë pasi ka rrënuar PD nga përfaqësimi tani është vetëm në rrugë dhe askund tjetër”. /abcnews.al
G. P.12:29 | 02/07/2019
Ministrja e Shtetit për Marrëdhëniet me Parlamentit, Elisa Spiropali, zgjodhi të reagojë në rrjetet sociale pas deklaratave të Presidentit Ilir Meta këtë të martë. Në një foto të postuar në Tëitter, ajo ka shpërndarë një foto të Presidentit Meta gjatë konferencës me diçiturën “Amanet mushkat se baba Xhikja na la!”
Presidenti Ilir Meta doli në një konferencë për shtyp dy ditë pas zgjedhjeve të 30 Qershorit. Ai lëshoi disa deklarata, ku sfidoi Ramën që në 13 Qershor të bëhen zgjedhje të parakohshme dhe presidenciale njëkohësisht.
Amanet mushkat se Baba Xhikja na la! pic.twitter.com/ncdbxr9cOG
— Elisa Spiropali (@elisaspiropali) July 2, 2019
/abcnews.al
nev ila20:28 | 24/06/2019
Si po shkojmë drejt 30 qershorit? Ishte pyetja që iu bë Elisa Spiropalit, Ministres së Shtetit për Marrëdhëniet me Parlamentin, nga gazetarja Mirela Milori në studion e Mbrëmje ABC. Spiropali tha se tashmë pas vendimit të kolegjit zgjedhor është gjithçka e qartë. E pyetur në lidhje me konferencën e presidentit Meta ditën e nesërme, se si e shihte këtë reagim të tij, Spiropali tha se janë reagime politike të zyrës së presidentit, i cili ka vendosur ti hedhë molotovët me dekrete.
“Besoj sot kemi më shumë qartësi, pas vendimit të kolegjit zgjedhor. Vendimi i presidentit të republikës për tu bërë pjesë e lojës politike e kishte shtuar paqartësinë dhe i kishte hedhur benzinë zjarrit, edhe pas diskutimeve në komisionin e ligjeve ku u diskutua mbi kërkesën e 55 deputetëve për shkarkimin e presidentit dhe më pas vendimi i kolegjit. Protestat në rrugë, nuk janë gjë tjetër veçse shfaqje e shëmtuar e simptoma të një sëmundje që për fat të keq ka përfshirë të gjithë opozitën. Janë reagime në vazhdën e reagimeve politike të zyrës së presidentit dhe të vetë Ilir Metës. Opozita jashtëparlamentare, Lulzim Basha dhe Monika Kryemadhi nxjerrin çeta të vogla me njerëz në rrugë sa herë që ka miting elektoral, sulmojnë KZAZ-të dhe organizojnë protesta të dhunshme dhe Presidenti i Republikës ka vendosur të hedhë molotovë me dekrete presidenciale, është i njëjti qëllim me mjete të ndryshme. Deklarata e zëdhënësit të presidentit është në këtë vazhdë, absolutisht e pamenduar, e pabazuar po ashtu si letrat që presidenti i dërgon në drejtim të partnerëve tanë përfaqësuesve më të lartë të BE-së, të OSBE-së, është trakt politik, dhe jo akt ligjor. Ilir Meta është pjesë e opozitës jashtëparlamentare, në frymë, në ide, në familje, në qëndrime, përdor pozicionin e tij për të sulmuar rendin kushtetues, qeverinë, parlamentin. Arsyet janë të ditura, arsye të mos arsyes, kanë frikë nga zgjedhjet, nga reforma në drejtësi, kanë frikë nga integrimi”, tha Spiropali./abcnews.al
nev ila20:01 | 24/06/2019
Mbrëmjen e sotme në ABC News me gazetaren Mirela Milori ka qenë e ftuar Elisa Spiropali Ministre e Shtetit për Marrëdhëniet me Parlamentin. E pyetur nga Mirela Milori se si do të kalojë 30 qershori, me apo pa incidente, gjithashtu, si do jetë situata pas tij (30 qershorit), mes kundërshtarëve politikë, ku sipas ligjit reformat kërkojnë patjetër qenien pjesë të partisë demokratike, Spiropali u shpreh se opozita pikë së pari duhet të bëj një analizë të vetvetes, se pse erdhi në këtë situatë dhe më pas të krijojë mundësitë për të qenë pjesë e reformave. E pyetur për përgjimet e BILD, nëse Partia Socialiste ka kosto morale, për atë çka perceptohet nga qytetarët në lidhje me to, Spiropali tha se bisedat e Kryeministrit në ato përgjime janë krejt normale të një drejtuesi partie, pikërisht për këtë arsye Kryeministri ka vendosur të hedhë në gjyq gazetarin e BILD.
“Ne nuk e dimë se cilët do jenë përfaqësuesit e opozitës, shpresojmë që pas 30 qershorit, ajo të bëj një analizë të saj, se cilat janë shkaqet që e çuan në këtë derexhe, cilët janë faktorët dhe udhëheqësit pa kokë, të kësaj strategjie shkatërrimtare, të gjejë përgjegjësit dhe mundësisht të gjejë edhe guximin për t’u rritur, për të ndryshuar dhe për tu bërë pjesë e një sistemi normal funksionues demokratik. Ajo që ka ndodhur dhe ajo që nuk duhet të ndodhë më, është që, forca politike apo drejtues politikë, emra të përveçëm, nuk mund të marrin peng të gjitha proceset demokratike në një vend. Nuk mund ta kthejnë Shqipërinë mbrapa, nuk mund të jenë ata që vendosin kur lind dielli dhe kur perëndon. Në 30 qershor merr fund kjo aventurë parapolitike që ka zgjatur për shumë vite, është Shqipëria dhe ligji, e para, pastaj interesat e përveçme të partive politike”, tha Spiropali./abcnews.al
ent ela11:45 | 13/06/2019
“Akti i Ilir Metës, atentat i pastër kushtetues, shkel parimet e demokracisë dhe cënon rëndë të drejtën e zgjedhjes së shtetasve”. Kështu u shpreh nga foltorja Ministrja e Shtetit për Marrëdhëniet me Parlamentin Elisa Spiropali lidhur me mocion debatin për dekretin e Presidentit Meta që shfuqizoi datën e zgjedhjeve.
“Janë mësuar të bëjnë me Kushtetutën, ligjin dhe me shqiptarët çfarë kanë dashur dhe si kanë dashur por jo më.
Në 30 qershor do përballen me murin e ligjit ku do thyejnë hundët. Ilir Meta shkeli parimin e unitetit kombëtar, shkeli parimin e sovranitetit të popullit. Me veprimin e tij Meta dëshmoi se mund të nxjerrë Presidentin nga kulla e LSI po jo ta shkulësh LSI-në nga zyrat më të larta të shtetit, shkeli parimin e sovranitetit.
U zgjati organeve tej organeve mandatin tej afatin kushteues dhe këto nuk mund ta ushtrojnë funksionin e tyre.
Presidneti synonn tëzgjidhë një pseudokrizë institucionale duke e ditur shumë dhe duke qenë ideator i kësaj përpjekje për mbijetesë të opozitës ekstra parlamentare. Si e shkel Presidenti të drejtën e 42 partive të regjistruara në zgjedhjeve.” /abcnews.al
G. P.22:01 | 24/04/2019
Kë do të kenë kundërshtarë politikë në zgjedhjet vendore të 30 Qershorit? Përgjigja e kësaj pyetje është kërkuar në tryezën e mbledhjes së kryesisë së Partisë Socialiste.
Në drejtimin e kryeministrit, njëherësh edhe kryetar i Partisë Socialiste, anëtarët e kryesisë kanë diskutuar mbi strategjinë e re që duhet të ndjekin pas tërheqjes së koalicionit të djathtë nga zgjedhjet vendore.
Nuk ndjehen të braktisur pasi në mbledhje kanë arritur në përfundimin se nuk do të jenë të vetëm në 30 Qershor.
E ka thënë shpesh herë kreu i mazhorancës se nuk i zgjedhin ata me të cilët do të garojnë, por këtë herë opozitën do ta gjejnë midis partive që janë regjistruar në Komisionin Qendror të Zgjedhjeve.
Në fillim të muajit Maj do të zhvillohet edhe mbledhja e Asamblesë Kombëtare të Partisë Socialiste ku pritet të zyrtarizohen edhe 61 kandidatët për kryetarë bashkish. Prandaj nuk kanë kohë për të humbur me negociata e aq më pak t’i tremben paralajmërimeve se zgjedhje nuk do të ketë.
Ministrja për Marrëdhëniet me Parlamentin Elisa Spiropali ishte zëri që përcolli pikat kryesore të mbledhjes me dyer të mbyllura të Partisë Socialiste e cila zgjati rreth 4 orë./abcnews.al
G. P.15:54 | 04/04/2019
Ministrja e Shtetit për Marrëdhëniet me Parlamentin njëherazi edhe zëdhënëse e qeverisë, Elisa Spiropali, i përgjigjet ish-deputetes demokrate Albana Vokshi.
Përmes një postimi në rrjetin social Twitter, ministrja Spiropali sqaron se pagat e muajit Prill paguhen në Maj, kur dhe do të jetë e reflektuar rritja për mësues e mjekë.
“Si duket, dalja nga Parlamenti shkaktoka probleme serioze edhe me njohuritë mbi institucionet e tjera shtetërore”, shkruan ministrja Elisa Spiropali në rrjetet sociale./abcnews.al
ent ela20:47 | 07/03/2019
Ministrja për Marrëdhëniet me Parlamentin në studion e ABC News deklaroi se nga kontaktet që kanë me ish-deputetët e opozitës, këta të fundit kanë filluar të tregojnë pendesë për heqjen dorë nga mandati. Sipas informacioneve që disponon, Spiropali deklaroi se nga lista e LSI-së pritet të zëvendësohen të gjitha vakancat.
Elisa Spiropali: Ka filluar pendesa e përgjithshme.
Mirela Milori: Po si, për shembull?
Elisa Spiropali: Po tani kandidatët e tyre nëpër lista po hyjnë në parlament, diçka e paparashikuar për ta, pra nuk po i binden dy krerëve të partive opozitare, as Zoti Basha dhe as Zonjës Kryemadhi, dhe kur nuk i binden ata imagjino t’i bindet elektorati i gjerë, por ky është një debat tjetër. Po zëvendësohen sipas ligjit në Kuvendin e Shqipërisë, qeveria po vazhdon punën dhe mazhoranca po kryen detyrën.
Mirela Milori: Tani kur më thatë pendesë, me pendesë kuptuat vetëm pjesëmarrjen e deputetëve të listave në parlament, apo keni ndonjë sinjal ndoshta dhe jo formal nga përfaqësues dfhe nga ata që janë jashtë që janë penduar për këtë që kanë bërë.
Elisa Spiropali: Po mesazhe marrim ne se shkëmbejmë me njëri-tjetrin, njerëz jemi njimti i njohim cilët janë dhe patjetër që marrim dhe mesazhe që kjo ishte e papritur. Dhe mos mendoni se të gjithë deputetët që kanë dorëzuar mandatet e kanë bërë këtë me vullnetin e tyre të lirë apo në zgjedhje krejtësisht të pavarur. Ju kujtoj që deputetët kanë firmosur për dorëzimin e mandatit në selinë e PD-së të rrethuar nga një turmë jashtë militantësh e thirrur nga kreu i partisë. Janë detyruar të firmosin pasi lidershipi i partisë dhe konkretisht Sali Berisha që mori vendimin ka deklaruar Zoti Berisha nuk e themi ne dhe pastaj Lulzim Basha i ka detyruar para kanë qenë në kushtet e një detyrimi, nuk ka qenë vullneti i tyre i pavarur.
Mirela Milori: Ka emra me peshë mes atyre njerëzve që janë penduar që mund të kenë djegur mandatet?
Elisa Spiropali: Ndoshta emrat më me peshë.
Mirela Milori: Të Partisë Demokratike…
Elisa Spiropali: Ata që nuk janë militantë të verbër apo të rinj të këtyre forcave politike.
Mirela Milori: Si e shikoni sa mund të jetë numri i deputetëve opozitarë që do vijnë. Keni të dhëna? Po bëni sondazhe informacione, nga këtë të listës qoftë të LSI qoftë të PD?
Elisa Spiropali: Ne nuk jemi marrë në asnjë moment dhe për asnjë arsye mekët proces të brendshëm të opozitës. Kjo është lista e tyre dhe KQZ po bën punën për t’i zëvendësuar ka shpallur vakancën. Nuk mund të parashikojmë kemi informacione që ndoshta pothuajse e gjithë lista e LSI-së po zëvendësohet. Të paktën nga ana që kanë shprehur interes, por ne nuk ndërhyjmë. Edhe sikur parlamenti të mbetej me numrin aktual për ne do të mbetej një parlament legjitim./abcnews.al
