Divjakë
ger ta12:44 | 17/11/2019
Kreu i PD, Lulzim Basha ndodhet sot në Divjakë në kuadër të turit “Rrugëtim për Shqipërinë”.
Gjatë bashkëbisedimit, njëri prej fermerëve e falenderoi Bashën për ardhjen, teksa u shpreh se në Tiranë e akuzojnë se “fle gjumë”.
“Fillimisht të falënderoj që ke ardhur se thonë që kryetari fle gjumë”,tha fermeri.
Ndërkohë, kreu i demokratëve iu përgjigj: “Këta punë quajnë vjedhjen, po nuk vodhe këta thonë fle gjumë”./abcnews.al
ger ta12:31 | 17/11/2019
Kreu i PD, Lulzim Basha ndodhet sot në Divjakë në një bashkëbisedim me fermerët, në kuadër të turit ‘Rrugëtim për Shqipërinë”.
Basha u shpreh para fermerëve se ka zgjedhur të shohë krizën në sytë e tyre.
“Ju do pyesni mos është më mirë që kryetari i opozitës të rrijë në Tiranë e të merret me krizën politike! Unë kam zgjedhur ta shoh këtë krizë me sytë tuaj
kam ardhur të ju dëgjoj e të shtrojmë së bashku zgjidhjet për hallet që i kanë vënë përfund familjet shqiptare, veçanërisht në zonat rurale
Blegtoria është totalisht e braktisur duke nxitur më shumë braktisjen e zonave rurale. Fshatrat tona zbrazen që të nxitet importi i produkteve nga jashtë sepse kontrollohet nga 4-5 oligarkë të kalçetos dhe kjo bie në kurrizin tuaj”, tha Basha.
Më tej kreu u demokratëve premtoi dixhitalizim të bujqësisë dhe subvencione për fermerët.
“Dixhitalizimi i bujqësisë është jetësor. Me një çip shmang burokratët dhe hajdutët, duke ofruar subvensionet direkte. është fare e thjeshtë, sepse çipi nuk kërkon kafe
Nuk do shikoni inspektorë dhe inspektoriate si grenza rreth mjaltit që vinë për t’ju zvarritur. Si arrihet kjo, duke zeruar koston me përjashtim të krahut të punës përmes subvencionit. Koncesionet dhe dhe PP-të do t anulohen dhe paratë do të kthehen në shërbim të njerëzve. Për feremertë buxhet 100 milion euro nga krimi, nga Rrajët që diktjnë sot në qeveri”, tha Basha./abcnews.al
nev ila13:44 | 14/10/2019
Fermerët në Divjakë janë të shqetësuar nga dëmet që krimbi i murrmë po u shkakton kulturave bujqësore. Edhe pse ata përdorin helme për të shpëtuar bimësinë, pesticidet nuk kanë bërë asnjë efekt.
Kanë dy muaj që luftën me krimbin e murrme e kanë humbur. Asnjë pesticid nuk po jep efektin e duhur. Prodhuesit e perimeve të fushës në Lushnjë dhe Divjakë, janë dorëzuar përballë kësaj situate.
Mbi 5 herë bimët e infektuara janë spërkatur me të gjitha llojet e pesticideve që ka tregu, por efekti ka qenë i padëshiruar. Shumë sipërfaqe toke janë infektuar nga krimbi i murrmë. Dëmet janë të mëdha, pasi krimbi këput majën e bimës pa u rritur mirë.
Dyshimet janë tek cilësia e helmeve, ndaj prodhuesit kërkojnë ndërhyrjen e specialistëve të bujqësisë.
Prezenca e krimbit të murrmë në këtë masë, nuk kishte ndodhur prej 40 vjetësh. Situata bëhet më e vështirë për faktin se nëse sipërfaqet e prekura nuk e luftojnë infeksionin ai kalon në parcelën ngjitur.
Specialistët e bujqësisë informojnë se prodhuesit nuk këshillohen me agronomet, por drejtohen direkt në farmacitë bujqësore. Këtyre të fundit u intereson shitja e pesticideve të cilët në shumicën e rasteve kanë rezultuar të skaduara. /abcnews.al
ad min16:36 | 05/10/2019
Ministri i Turizmit dhe Mjedisit, Blendi Klosi, nga Parku Kombëtar Divjakë – Karavasta tha se Këshilli i Investitorëve Strategjikë e ka pezulluar çdo ndërtim në këtë zonë.
Klosi gjatë takimit me përfaqësues lokal dhe ekspert tha se janë parashikuar mbi 20 takime në të gjithë vendin, duke mos lënë jashtë vëmendjes asnjë zonë të mbrojtur nga Parqe Kombëtare deri te Monumentet e Natyrës.
“Në kuadër të procesit të integrimit të Shqipërisë në BE do të vazhdojnë të rriten kërkesat për t’u mbrojtur më mirë dhe jo për t’u rikthyer prapa”, theksoi Klosi./ABC News Albania 24/7
nev ila15:29 | 27/09/2019
Në Babunjë të Divjakës arkeologët gjermanë kanë arritur të zbulojnë rrënoja të një qyteti antik, Arnise. Një shtëpi dhe një rrugë tregojnë për ekzistencën e një vendbanimi të hershëm që daton në shekullin e 6 para Krishtit.
Një banesë private dhe muret rrethuese të qytetit të lashtë të Arnisës u zbuluan nga arkeologët në fshatin Babunjë të Divjakës.
Gërmimet e ekipit gjerman të nisura prej disa vitesh gjetën rrënojat antike mbi një kodër. Ato i përkasin shek të 6 para Krishtit. Besohet se qyteti është i shtrirë në një sipërfaqe prej 5-6 ha
Pas nxjerrjes në dritë të rrënojave të një banese dhe rrugës pranë saj, 200 metër më tej, u zbuluan edhe muret fortifikuese.
Qyteti ka patur një rrugë kryesore, në të dy anët e së cilës degëzoheshin edhe 13 të tjera.
Arkeologu Klodian Velo, shpjegon se pranë qytetit ka qenë porti detar i Adriatikut, madje fare pranë kalonte edhe lumi Seman.
Peizazhi i mrekullueshëm, terreni i favorshëm bujqësor e blegtoral si edhe shfrytëzimi i lumit për të lundruar drejt qytetit të Apolonisë, ishin avantazhet e popullsisë së Arnisës.
Për herë të parë në këtë zonë gërmimet u bënë në vitin 1950, më pas në 1988, e megjithatë të dhënat për Babunjën kanë qenë të pakta.
Me zbulimet e fundit arkeologët shpresojnë të shtojnë hartën e emrave të qyteteve të rinj në brigjet e Adriatikut, duke përfshirë edhe gjurmët e qyteteve të gjetura në Bishtqukës dhe në kepin e Rodonit./ABC News Albania 24/7
ent ela15:31 | 19/09/2019
Gaforrja blu është shumuar në lagunën e Karavastasë dhe në bregdetin e Divjakës. Peshkatarët janë të tronditur nga ky fenomen pasi nuk gjejnë asnjë kg peshk.
Gaforrja blu ose siç i thonë vendasit, goforre aliene, po i tmerron peshkatarët në Karavasta. Aq shumë është shumuar në lagunë dhe në bregdetin Adriatik në Divjakë, saqë rrjetat mbushen vetëm në pak minuta.
Stilian Kishta me varkën e tij ka dalë për peshkim. Por është i bindur se do të gjejë vetëm gaforre. Ai ka tre muaj që nuk ka zënë një kg peshk.
Njohësit e këtyre ujrave thonë se ka tre vjet që peshku dhe ngjala është zhdukur. Ata besojnë se po shfarosen nga gaforrja, e cila lëshon deri ne pesë million vezë. Janë të fuqishme dhe agresive. Rrjetat e peshkatarëve dalin jashtë përdorimit.
Kjo specie është e ngrënshme dhe me vlera ushqyese, por ka shumë pak treg për të. Edhe çmimi është mjaft i ulet 50 lekë për kg dhe peshkatarët nuk kanë interes. Ata i lënë të ngordhin. Vetëm në një ditë zunë deri në 200 kg gaforre, por asnjë lokal apo restorant nuk i bleu.
Përgjatë vijës bregdetare të detit, tonelata gaforre janë braktisur. Sasia e madhe e tyre ka varfëruar peshkatarët, të cilët nuk po gjejnë më peshk. Nga 200 ton ngjala në vit të lagunës Karavasta, peshkatarët kanë nxjerrë vetëm disa kilogramë. /ABC News Albania 24/7
ad min17:14 | 21/08/2019
Një i ri nga Divjaka është vënë në pranga këtë të mërkurë. Mësohet se 27-vjeçari E.B ka kundërshtuar me dhunë dhe ka goditur me grushte dy punonjës të Patrullës së Përgjithshme.
Ngjarja ndodhi në rrugën e plazhit të Divjakës, ku i riu drejtonte automjetin tip “Land Rover”. Materialet i kaluan Prokurorisë pranë Gjykatës së Shkallës së Parë Lushnje për veprën penale “Kundërshtimi i punonjësit të policisë së rendit publik”./abcnews.al
ad min15:24 | 30/07/2019
Tre kryetar të rinj janë betuar këtë të martë dhe kanë nisur zyrtarisht detyrën në bashkitë përkatëse. Konstituimi u bë në Divjakë, Korçë dhe Tepelenë.
Fredi Kokoneshi u betua për herë të tretë në krye të Bashkisë Divjakë. Ndonëse në zgjedhje pa garë, ai u shpreh i keqardhur se do të donte një proces me rivalë, por kjo nuk ndryshon asgjë. Kurse zv/kryeministrin Erjon Braçe, dhe deputet i Divjakës, kërkoi të mos krijohet vakum nga disa kryetarë bashkiakë të opozitës të cilët nuk lirojnë zyrat.
Pas konstituimit të bashkive të Devollit Maliqit dhe Kolonjës, paraditen e së martës është konsituuar edhe këshilli bashkiak i Korçës. 41 këshilltarët e rinj, ku 33 janë të PS dhe pjesa tjetër të partive të vogla të koalicionit të majtë. Sotiraq Filo, bëri betimin, duke marrë zyrtarisht detyrën e kryetarit te të bashkisë për 4 vitet e ardhshëm.
Kryetari i Bashkisë së Tepelenës Tërmet Peçi u betua për mandatin e tretë të qeverisjes lokale. Në Durrës Gjykata e Apelit ka shfuqizuar vendimin e gjyqtares së Shkallës së Pare Mimoza Margjeka lidhur me vërtetimin e mandatit të kryetares së bashkisë Valbona Sako.
Apeli ka rrëzuar vendimin e Gjykatës së Shkallës së Parë duke pushuar kështu çështjen kundrejt kryetares së re të Durrësit të dalë nga zgjedhjet lokale të 30 Qershorit./ABC News Albania 24/7
ad min13:16 | 30/07/2019
Fredi Kokoneshi u betua për herë të tretë në krye të Bashkisë Divjakë. Ndonëse në zgjedhje pa garë, ai u shpreh i keqardhur se do të donte një proces me rival, por kjo nuk ndryshon asgjë.
Për zv/kryeministrin Erjon Braçe dhe deputet i Divjakës, procesi i konstituimit të Këshillave Bashkiak dhe kryetareve të rinj është në përputhje me ligjet e Kushtetutës shqiptare.
Braçe kërkon të mos krijohet vakum nga disa kryetarë bashkiakë të opozitës të cilët nuk lirojnë zyrat. Këshilli bashkiak i Divjakës ka 31 anëtare, nga të cilët 26 janë të PS, ndërsa dy nga PSD, 1 nga PDS, 1 nga PUK, (Partia Unitetit Kombëtar) dhe 1 nga ABDE, (Aleanca Barazi dhe Drejtësi Europiane)./ABC News Albania 24/7
ent ela10:00 | 28/07/2019
Një 45 vjeçar është arrestuar nga policia në Divjakë, pasi dyshohet për kryerje të marrëdhënies seksuale me dhunë me një 16 vjeçare.
Pas kallëzimit të marrë nga një shtetase 16 vjeçe se shtetasi F.J ka kryer marrëdhënie seksuale me dhunë ndaj saj, efektivët e Komisariatit të Policisë Divjakë në bashkëpunim me FNSH Fier, pas disa orë kërkimesh bënë të mundur kapjen dhe arrestimin e 45 vjeçarit i cili ishte fshehur në një pyll të zonës së Divjakës.
Materialet hetimore i kaluan për veprime të mëtejshme Prokurorisë pranë Gjykatës së Shkallës së Parë Lushnje. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
