bloomerg

BLOOMBERG-KOSOVA.mpg_snapshot_00.04.jpg
G. P.15:59 | 23/09/2018

Media prestigjoze amerikane “Bloomberg” ka publikuar një artikull lidhur me dialogun mes Kosovës dhe Serbisë. Sipas saj, një marrëveshja mes dy vendeve është kusht kryesor për rrugëtimin e tyre drejt anëtarësimit në BE.

“Gati dy dekata pas përfundimit të luftës së fundit në Ballkan, tani është një shans që termi ‘Ballkanizim’ të jetë diçka e së kaluarës. Megjithatë ekzistojnë ende disa konflikte të hapura të cilat duhet të zgjidhen”. Kështu e nis artikullin e saj, media amerikane “Bloomberg”, e cila i referohet dialogut në Bruksel mes Prishtinës dhe Beogradit. Sipas saj, duhet edhe shumë durim që të pritet një marrëveshje produktive mes dy vendeve. Bashkimi Evropian cilësohet si makineria më efikase e paqes, me tendencën e heqjes së kufijve dhe qetësimit të situatave pa përdorur forcë, e megjithatë vetëm dy vende të ish-Jugosllavisë deri më tani kanë hyrë në gjirin e saj, shkruan më tej kjo media.

Gjithashtu rikujton se negociatat mes Prishtinës dhe Beogradit filluan që në vitin 2011, dhe deri më tani kanë pasur një ritëm “tmerrësisht të ngadalshëm”. Megjithatë, thuhet në artikull, normalizimi i marrëdhënieve me Serbinë, si dhe arritja e një marrëveshjeje ligjërisht të obligueshme, është kushti kryesor për Kosovën dhe Serbinë që të shënojnë progres. “Bloomberg” po ashtu citon edhe deklaratat e presidentit serb, Aleksander Vuçiç, në Kosovë për Millosheviçin, si personazh kundër të cilit luftoi Ushtria Çlirimtare e Kosovës, e pjesë e së cilës ishte edhe presidenti aktual i Kosovës, Hashim Thaçi.

Në fund të këtij artikulli, shkruhet se Mogherini e cila është në përfundim të mandatit, dëshiron të largohet nga pozita e saj si triumfuese në çështjet me të cilat është marrë, ndër to përfshihet edhe dialogu mes Kosovës dhe Serbisë./abcnews.al

TRUMP-CNN.mpg_snapshot_00.00-1280x720.jpg
G. P.22:58 | 14/09/2018

Manjati i medias dhe tre herë kryebashkiak i Nju Jorkut, Majkëll Blumberg është gati të sfidojë Donald Tramp në zgjedhjet presidenciale të 2020-s. Por këtë herë ai nuk do të garojë si një kandidat i pavarur por do rreshtohet në rradhët e demokratëve.

Majkëll Blumberg, tre herë kryebashkiak i Nju Jork dhe në krye të një perandorie mediatike, dëshiron të sfidojë Donald Tramp. Për këtë arsye ai po merr në konsideratë të garojë në zgjedhjet presidenciale të 2020-s në rradhët e demokratëve. Lajmi është raportuar nga disa media amerikane. Blumberg 76 vjeç është përpjekur të shkojë në Shtëpinë e Bardhë dhe në 2008-n, 2012-n dhe 2016-n, por gjithnjë si kandidat i pavarur.

Vitet e fundit manjati miliarder i informacionit ka shpenzuar shuma të mëdha parash në beteja anti Tramp, si për shembull për klimën apo kundër armëve. Por për Tramp lajmet e këqija nuk përfundojnë këtu: ish përgjegjësi i fushatës së tij elektorale në 2016-n, Paul Manafort, është gati të bëjë një marrëveshje me prokurorin që po heton për Russiagate, Robert Muller. Manafort është gati të vetëdeklarohet fajtor duke bashkëpunuar në hetimet që synojnë të vërtetojnë se Tramp ka pasur kontakte me Moskën./abcnews,al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono