bashkim fino

Komisioni i ligjeve miratoi me votat e mazhorancës ndryshimet në rregulloren e Kuvendit. Opozita kishte kërkuar shqyrtimin e këtyre ndryshimeve në Këshillin e Rregullores, mandateve dhe imunitetit.

Është këshilli për rregulloren mandatet dhe imunitetin dhe jo komisioni i ligjeve, ai që duhet të votojë ndryshimet në rregullore, sipas opozitës. Kjo edhe për shkak të përfaqësimit të barabartë që ai siguron.

Oerd Bylykbashi: Pra ju i hiqni mundësinë organit që përcakton rregullorja që të bëjë një debat mbi bazë pariteti dhe jo mbi bazë mazhorance.

Fatmir Xhafaj: Nuk është thelbësore sepse e rëndësishme është përmbajtja e projektit.

Besim i kërkoi mazhoranca opozitës, se nuk do të përdorë forcën e kartonave në komision për të miratuar atë që do, por besa e fjalës së dhënë nuk është virtyt i mazhorancës sipas demorkatëve.

Bashkim Fino: Ne nuk duam që ta marrim vendimin me pesë vota, por duam ta marrim bashkarisht sepe është rregullorja jonë.

Enkelejd Alibeaj: Konsensus me kobure në tavolinë për shkak se keni shumicën? Kujt ja hidhni këtë?

E në fund mazhoranca iu kthye pikërisht forcës së kartonit, përmes të cilave rrëzoi propozimin e opozitës për shqyrtim të ndryshimeve të rregullores së Kuvendit, në Këshillin e Rregullores, mandateve dhe imunitetit./abcnews.al

Në komisionin e ligjeve është shtyrë për herë të dytë debati për projekt-ligjin “Për profesionin e avokatit”. Shkak është bërë propozimi i deputetit socialist, Bashkim Fino, sipas të cilit, magjistratët që nuk kalojnë dot sitën e Vettingut, nuk mund të marrin as titullin e avokatit.

Ajo që mazhoranca e majtë arriti të miratonte me votat e saj, ishte përjashtimi i avokatëve dhe zyrave të avokatisë nga detyrimi për të paguar sigurime dhe pagë minimale për praktikantët të cilët kryejnë stazhin 1 vjeçar.

Pas kërkesës për citim të Kodit të Punës nga përfaqësuesija e EURALIUS, Korajlka Bumçi, që solli në vëmendje detyrimin ligjor të punëdhënësit për të paguar, jo vetëm sigurimet por edhe një pagë minimale për stazhierët, socialistët gjetën rastin të ndryshojnë këtë detyrim të përcaktuar në kod.

Adnor Shameti: “Kandidatët për avokatë duhert të përjashtohen nga pagesa e sigurimve shoqërore sepse sikurse ka gjuhën që ka Kodi i Punës, që ia lë Këshillit të Ministrave që me një VKM që është një akt nënligjor ta rregullojë, ca më tepër ne i kemi të gjitha të drejtat që me këtë ligj të veçantë ne ta parashikojmë shmangien e pagesës së sigurimeve shoqërore”.

Mazhoranca vendosi përcaktimin në ligj të lirimit të zyrave të avokatisë dhe avokatëve që punësojnë një praktikant, nga ky detyrim i ngarkuar nga Kodi i Punës për derdhjen e kontributeve dhe vendosjen e një page minimale për kohëzgjatjen e praktikës së stazhierit. Projektligji në fjalë mbetet ende për tu votuar në tërësi në mbledhjen e radhës./abcnews.al

Armand Duka merr mandatin e pestë në krye të Federatës Shqiptare të Futbollit. Ai fitoi me diferencë, 38 vota me 24, ndaj rivalit të tij kryesor, Bashkim Finos, që deklaroi se do ta kontestonte rezultatin në rrugë ligjore.

Gara më e tensionuar e të gjitha kohëve përfundoi kështu.

Ishte sërish Armand Duka fitues i zgjedhjeve për president në Federatën Shqiptare të Futbollit, duke marrë mandatin e tij të pestë.

Kreu në fuqi i institucionit ia doli të mundë rivalin e tij më të fortë, Bashkim Finon, me diferencë aspak të vogël, madje më të madhe sesa numri i shoqatave të shumëpërfolura rajonale.

Duka mori 38 vota ndaj 24 të kundërshtarit, me 3 vota që u shpallën të pavlefshme.

Asambleja nisi me paraqitjen e arritjeve të Federatës gjatë vitit të kaluar, me miratimin e raporteve.

Ndër njerëzit kryesorë që foli ishte zv/Presidenti i UEFA-s, Grigori Surkis, nga Ukraina, i cili kërkoi proces transparent dhe të drejtë votimi.

Pastaj vazhduan fjalimet e tri kandidatëve.

Duka vuri theksin tek fakti se kishte përballë një njeri tipik të politikës, një deputet që nuk hoqi dorë as nga mandati i tij.

Fino sulmoi presidentin në fuqi duke akuzuar për keqadministrim të fondeve, por edhe duke vlerësuar se Superliga shqiptare cilësohet si një nga kampionatet me më pak besueshmëri në Europë.

Ish-gjyqtari Shpëtim Hala, kandidati i tretë kërkoi votën si njeri i futbollit.

U kalua pastaj tek procesi i votimit, ku të drejtë vote kishin 65 anëtarë të Federatës, me njërin prej tyre që u tëhoq.

Në përfundim të raundit të parë, Duka fitoi 39 vota ndaj 22 të Finos me 4 të pavlefshme, por nuk u zgjodh dot pasi i duhej shumica e cilësuar.

Gjithsesi, në raundin e dytë i mjaftonte shumica e thjeshtë dhe ai mori më shumë sesa 33 që e bënin fitues.

Jo vetëm kaq, por mori 14 vota më shumë, ndërsa shoqatat e kontestuara nga Fino ishin 12.

Zv/Presidenti i UEFA-s, Surkis, i uroi fitoren Dukës dhe deklaroi se votimi u krye në mënyrë të rregullt, duke dhënë edhe opinionin e qeverisë europiane të futbollit.

Të dy kandidatët patën civilizimin që t’i jepnin dorën njëri-tjetrit, madje kështu bëri edhe kandidati i tretë, Hala që nuk mori asnjë votë.

Përfundimi ishte i qetë, veçse pritet që çështja e zgjedhjeve të vazhdojë në dyert e gjykatave, siç deklaroi Bashkim Fino./abcnews.al

Futbolli shqiptar do të njohë presidentin e tij për 4 vitet e ardhshme. Pritet një duel i fortë mes Armand Dukës e Bashkim Finos në Asamblenë Zgjedhore që do të mbahet në Durrës, dhe që ndiqet me shumë vëmendje nga UEFA.

Afron dita e së vërtetës.
Federata Shqiptare e Futbollit pritet të njohë presidentin e saj të ri, në Asamblenë Zgjedhore që zhvillohet në Durrës.
Për herë të parë në histori, sfida pritet të jetë tepër e fortë mes dy kandidatëve kryesorë, Armand Duka e Bashkim Fino.

Duka është presidenti në fuqi, në detyrë që prej vitit 2002.

Biznesmeni nga Shijaku kërkon mandatin e tij të pestë dhe nëse fiton, do të jetë 20 vite në postin e lartë.

Fino është ish-kryeministër i Shqipërisë në vitin 1997, po ashtu ka shërbyer si zv. kryeministër, ministër dhe si deputet, duke qenë ende pjesë e Parlamentit.

Pas kandidimit, ai hoqi dorë nga funksionet në Partinë Socialiste, dhe premtoi se do të dorëhiqej edhe si deputet në rast se zgjidhet.

Në Asamble, sipas statutit të Federatës, marrin pjesë 66 kandidatë me të drejtë vote, që përfshijnë klube e shoqata.
Për 25 nga klubet e futbollit do të votojnë kryetarët e Bashkive apo njerëz të tyre, ndërsa për pjesën tjetër do të hedhin votën presidentët.
Konflikti më i madh mes kandidatëve ka qenë për të drejtën e votimit të shoqatave rajonale të cilat, sipas Finos, nuk kanë qenë të regjistruara në gjykatë.

UEFA ka treguar interesim të madh për zgjedhjet duke sjellë në Tiranë përfaqësuesin e saj të lartë, Grihori Surkis nga Ukraina.
Ajo ka paralajmëruar se nuk do të njohë zgjedhjet nëse politika do të ndërhyjë duke shkelur autonominë e futbollit.
Të dy kandidatët kanë deklaruar se do të jenë fitues, ndërsa pritet të shihet sesi do të zhvillohet procesi zgjedhor, dhe nëse do të ketë kontestime në gjykata sportive apo jo sportive./abcnews.al

Bashkim Fino jep dorëheqjen nga funksioni i sekretarit organizativ të Partisë Socialiste. Në një status në rrjetet sociale Fino sqaron se pavarësisht se nuk është i detyruar ligjërisht, ai ia paraqiti dorëheqjen e tij kryetarit të Partisë Socialiste dhe sekretarit të përgjithshëm. Ky akt shpjegon-deputeti socialist- vjen me qëllim për të evituar çdo paragjykim për një garë të drejtë dhe të ndershme, në kuadër të kandidimit të tij për postin e presidentit të Federatës Shqiptare të Futbollit./abcnews.al

Deputeti i Partisë Socialiste dhe ish-kryeministri i Shqipërisë, Bashkim Fino, ka shpallur zyrtarisht kandidimin për të marrë drejtimin e Federatës Shqiptare të Futbollit. Ai theksoi se Lushnja dhe Flamurtari kanë depozituar kërkesën në federatë që ai të jetë kandidat. Ndërsa theksoi se edhe një klub tjetër i superligës do të bëjë të njëjtën gjë në ditët e ardhshme. Në emisionin Rubrika Sportive në Rtsh, Fino nënvizoi se “është momenti të bëhen ndryshime në futbollin shqiptar dhe të krijohet një imazh të ri për futbollin shqiptar”. Ndërkohë, me 7 shkurt do të mbahen zgjedhjet brenda Federatës Shqiptare të Futbollit. Kandidatë të zyrtarizuar janë drejtuesi aktual i FSHF-së, Armando Duka dhe deputeti i PS Bashkim Fino./abcnews.al

“Ligjet” miratojnë në parim ndryshimet në rregulloren e Kuvendit

Shtyhet diskutimi i “Vettingut” të avokatëve

Duka mund Finon, për herë të pestë në krye të FSHF-s

FSHF zgjedh presidentin e ri për 4-vjeçarin e ardhshëm

Bashkim Fino dorëhiqet nga posti i sekretarit organizativ të PS

Bashkim Fino zyrtarisht kandidat për drejtimin e FSHF-së

Arkeologët: Rritet numri i gërmimeve pirate në terrene arkeologjike

Shkon në 19 numri i të arrestuarve për protestën e së shtunës

Haradinaj përsërit qëndrimin: Taksa nuk hiqet