Bashkia e Tiranës

Veliaj-gjate-takimit-me-administratoret-dhe-drejtuesit-e-institucioneve-1280x854.jpg

Në prag të nisjes se viti të ri shkollor Bashkia e Tiranës ka hartuar një plan masash për zbatimin e të cilit kryebashkiaku Erion Veliaj ngarkoi administratorët e njësive. Të shtunën në kryeqytet beri të ditur Veliaj rikthehet aksioni i pastrimit ndërsa me 16 Shtator ndryshon regjimi i qarkullimit të automjeteve.

Furgonët që furnizojnë dyqanet nuk do të lejohet të lëvizin në Tiranë në orët e mëngjesit. Regjimi i ri i qarkullimit të tyre është një ndër masat që bashkia ka marrë në prag të fillimit të vitit të ri shkollor. Qëllimi është ulja e fluksit të trafikut në orarin kur nxënësit shkojnë në shkollë. Kryetari i bashkisë, Erion Veliaj, e bëri të ditur bashkë me aksionin e pastrimit që të shtunën do të rikthehet në kryeqytet.

“Të shtunën e fundit të verës, që është data 14 shtator, do të kemi një ditë aksioni “Pastro Tiranën në një ditë”. E kemi kthyer në zakon, para se të fillojë viti i ri shkollor, sidomos në të gjitha terrenet rreth e përqark shkollave, kopshteve, çerdheve, të bëjmë një aksion pastrimi”, tha Veliaj.

Në takimin me administratorët e njësive dhe drejtuesit e institucioneve në varësi të Bashkisë së Tiranës, kryebashkiaku Veliaj renditi investimet e kryera në shkolla ndërsa u bëri thirrje prindërve t’i regjistrojnë fëmijët në shkollën më të afërt.

“Një prindi i duhet thënë, këmbëngulja për ta çuar fëmijën në një shkollë tjetër, është në fakt dëmi më i madh që i ke bërë jo vetëm fëmijës tënd, por edhe 40 të tjerëve. Të merr një orë kohë vajtje dhe një orë kthim. Janë dy orë në ditë, herë 300 ditë, janë 600 orë. Pra, 600 orë për një fëmijë janë mjaftueshëm për të mësuar një gjuhë të huaj”.

Këtë vit hap dyert shkolla e re “Servete Maci” ndërsa disa shkolla të tjera kanë përfunduar së rikonstruktuari./ABC News Albania 24/7

Bashkia e Tiranës do kontribuojë në ndërtimin e 4 banesave në fshatin Floq në Korçë. Kryebashkiaku Veliaj në mbledhjen e Këshillit Bashkiak tha se do jetë një nismë në bashkëpunim me qeverinë. Veliaj gjithashtu tha se janë lëshuar 10 mijë larta të studentit.

Bashkia e Tiranës në bashkëpunim me qeverinë, do i vijë në ndihmë qytetarëve të prekur nga tërmetet në Korçë, duke ndërtuar 4 banesa në Floq. Lajmin e bëri me dije kryetari i Bashkisë, Erion Veliaj në mbledhjen e sotme të Këshillit Bashkiak. Veliaj tha se ky vendim është jashtë rendit të Bashkisë së Tiranës, por është përgjigje ndaj kërkesës së kryeministrit Edi Rama.

Kryebashkiaku kërkoi solidarizimin e bashkive të tjera në vend për qytetarët e prekur nga tërmetet e shumta në Korçë. Veliaj gjithashtu njoftoi se janë lëshuar 10 mijë karta të studentit, duke i ofruar studentëve 40 shërbime, ndërsa tha se deri në fund të verës do të shkojnë deri në 100 shërbime.

Gjatë mbledhjes së Këshillit Bashkiak, kryetari Veliaj sulmoi opozitën, për mbështetjen që i ka dhënë banorëve në zonën e bregut të lumit për ndërtimet paleje. Ai i kujtoi se projektet që ka nisur nuk do të bllokohen, por do të ndihmojë 155 familje e prekura nga përmbytjet./ABC News Albania 24/7

Bashkia e Tiranës është vlerësuar me çmimin “Shërbimi Publik i Vitit” për aplikacionin “Tirana Ime”. Sipas kryebashkiakut Erion Veliaj, kryeqyteti do ta vijojë revolucionin dixhital edhe me ri-jetësimin e Piramidës.

Aplikacioni “Tirana Ime” i cili u jep mundësinë qytetarëve të raportojnë problematikat që hasin në kryeqytet është vlerësuar me çmimin “Shërbimi Publik i Vitit” nga Albanian ICT Awards, platforma që vlerëson risitë teknologjike në Shqipëri.\

Kryebashkiaku Erion Veliaj gjate marrjes se çmimit u shpreh se ky aplikacion ka ndihmuar bashkinë në uljen e kostove.

“Krejt papritur teknologjia na kurseu edhe para. Qindra rroga që paguheshin për inspektorët që nuk bënin asnjë gjë të dobishme, i kursyem dhe sot kemi 20 mijë përdorues aktivë të aplikacionit, të cilët raportojnë çdo problem në mënyrë të vazhdueshme”, tha Veliaj, duke shtuar se shumë prej investitorëve tradicionalë po i kthejnë sytë nga teknologjia.

Një tjetër projekt që do të ndihmojë të rinjtë të kthejnë sytë nga tekonlogjia është rijetësimi i Piramidës dhe kthimi i saj në qendër të inovacionit.

“Jam sot shumë krenar që Piramidën, ndërtesën kryesore të qytetit, ajo që quhet një nga pronat më të rëndësishme publike shqiptare, do e kthejmë në një platformë për këto dije”, theksoi Veliaj.

Albanian ICT Aëards vlerëson dhe shpërblen çdo vit profesionistë, udhëheqës biznesesh, inovatorë, akademikë dhe të rinj të cilët kanë lënë gjurmë teknologjike shqiptare me punën e tyre në komunitetet ku jetojnë./ABC News Albania 24/7

thumbnail_Veliaj-gjate-inspektimit-te-Koder-Kamzes-1-1280x853.jpg

Shkolla “Nënë Tereza” në Kamzë do të ndërtohet me bekimin e komunitetit. Deklarata vjen nga kryetari i Bashkisë së Tiranës Erion Veliaj i cili inspektoi punimet që po kryhen për rikonstruksionin e kopshtit numër 58.

Bashkia e Tiranës ka nisur punimet për rindërtimin e kopshtit nr. 58 në Kamzë. Kryebashkiaku Erion Veliaj inspektoi punimet, ndërsa theksoi se një zonë e zaptuar po i kthehet banorëve.

“Ajo që duhet të kuptojmë është se interesi i shumicës është mbi interesin e pakicës. Zaptimi i kopshteve, i shkollave, i çerdheve, i kampuseve universitare, do të marrë fund. Po mbajmë fjalën sot për kopshtin, ndërkohë që do ta mbajmë me patjetër fjalën për shkollën “Nënë Tereza”, 9-vjeçare dhe gjimnaz, në Kodër-Kamëz. Kodër-Kamza nuk mund të jetë një xhep, nuk mund të jetë një zonë për të importuar vetëm protestues të dhunshëm”.

Realizimi i projektit është i panegociueshem u shpreh Veliaj, ndërsa tha se është i gatshëm që në bashkëpunim me Rektoratin të rishikohet hyrja e shkollës.

“Jam i gatshëm që të diskutoj me rektoratin hyrjen në pronën e bashkisë, te ndërtimi i shkollës; nëse duan hyrje më vete dhe nëse kanë alergji fëmijët, jam i gatshëm ta diskutoj dhe t’u garantoj një hyrje më vete, por nuk e negocioj fare ndërtimin e shkollës “Nënë Tereza”.

Veliaj tha se ndërtimi i shkollës “Nënë Tereza” është një detyrim që Bashkia e Tiranës i ka rreth 30 mijë banorëve të zonës. /abcnews.al

ORA-E-TOKES-NE-KRYEQYTET.mpg_snapshot_00.02-1280x720.jpg

Edhe këtë vit, dritat në rrugët kryesore të kryqeytetit u fikën për 60 minuta, për të shenjuar Orën e tokës. I pranishëm në këtë traditë kryebashkiaku Erion Veliaj, kujtoi rëndësinë që ka kujdesi i banorëve për planetin tokë.

Duke ndezur qirinjtë, qirinjtë e ndezur, balona, këngë nga ata. Ora e Tokës, një lëvizje sensibilizuese e cila kërkon të mbrojë planetin nga ndryshimet klimatike. Pikërisht ata që prekën më së shumti nga ky fenomen, të rinjtë, u bënë pjesë e organizimit të bashkisë në kryeqytet gjatë fikjes së dritave për plot një orë. Mbrëmja u shoqërua me muzikë të performuar nga vetë ata dhe e ndriçuan sheshin me qirinj.

“‘Ora e tokës’ është vetëm arsyeja, motivi për të nisur diçka që do zgjasë si aksion për gjithë jetën tonë. Unë besoj se në Tiranë po vjen një brez i ri. Takoj djem dhe vajza gjimnazistë, çuna dhe goca në 9-vjeçare, që janë sot shumë më të emancipuar, të cilët nuk e shohin “Orën e Tokës” si sebep, por e shohin si një arsye për të jetuar një stil tjetër jete. Për çdo djalë dhe vajzë që ka mbjellë një pemë sot, do të thotë që ka hedhur rrënjë në qytet, që është më ndryshe se qyteti që trashëguam dje”.

Kryebashkiaku Erjon Veliaj, falenderoi të gjithë pjesëmarrësit dhe i ftoi ata të bëhen pjesë e sa më shumë nismave të bashkisë për të ndryshuar qytetin por edhe të gjithë Shqipërinë.

“Kemi edhe një muaj kohë për të mbjellë akoma më shumë pemë. E kemi filluar një proces me biçikletat, me makinat elektrike, me ndalimin e qeseve plastike, por pyetja është kjo: Nëse ky është vetëm një angazhim për fundjavë, sigurisht që është bukur, por nuk quhet. Nëse është një angazhim për gjithë jetën tonë, atëherë mund të bëjmë diferencën”. /abcnews.al

Kryetari i Bashkisë së Tiranës, i cili u rikonfirmua zyrtarisht sërish si kandidat i PS për bashkinë e kryeqytetit, ka folur për marrëdhënien e tij në emisionin “Opinion” në Tv Klan. Sipas Veliajt, marrëdhënia e tij me Kryeministrin Edi Rama është si mishi me thoin.

“Mishi me thoin nuk di të jenë më afër seç jam unë me Edi Ramën. Sinkronizim, vendimmarrje dhe pasion unë nuk di të ketë pasur Tirana. Unë dhe Kryeministri flasin rreth 20 herë në ditë. Unë jam pjesë e Partisë Socialiste, jap kontributin tim. Në 30 vite e dyshoj se do gjeni një rast kur një kryetar bashkie të jetë më afër me Kryeministrin se unë me Edi Ramën. Di t’ju them që unë dhe kryeministri flasim mesatarisht 20 herë në ditë”.

I pyetur nga gazetari Blendi Fevziu nëse ka ndonjë kritikë për Qeverinë Rama dhe Partinë Socialiste, kryebashkiaku Erion Veliaj u shpreh: “Ne duhet të punojmë më shumë për të ngushtuar hendekun fshat-qytet. Fshatrat janë akoma mbrapa. Është njëra nga gjërat që mua më lë natën pa gjumë. Në këtë fushë duhet urgjent që ky projekt i 100 fshatrave të shkojë në marshin e pestë”. /tvklan.al

Veliaj-gjate-takimit-me-perfituesit-e-praktikave-te-lidershipit-1-1280x853.jpg

20 studentë do të nisin praktikën e punës në Bashkinë e Tiranës. Gjatë takimit me ta kryebashkiaku Erion Veliaj tha se Rektorëve të Universiteteve iu është lënë kohë deri në fund të muajit për të përgatitur Kartën e Studentit. Nëse nuk do ta përgatisin atë do ta prodhojë bashkia dhe Ministria e Arsimit.

Nëse Universitetet nuk do ta kenë gati kartën e studentit deri në fund të muajit kryebashkiaku i Tiranës Erion Veliaj thotë se këtë kërkesë të studentëve do ta përmbushin bashkia dhe Ministria e Arsimit.

“U kemi lënë afat deri në fund të muajit rektorateve që, sipas ligjit të ri, duhet të bënin Kartën e Studentit. Me privilegjet vijnë edhe përgjegjësitë. Pra, me të qenit rektor dhe dekan, vjen edhe përgjegjësia t’i bësh ato detyra. Nëse nuk i bëjnë deri në fund të muajit, kemi marrë masat që Bashkia e Tiranës, në bashkëpunim me Ministrinë e Arsimit, të jetë e para që bën Kartën Studentore Bashkiake, ndërkohë që bashkia, Këshilli Bashkiak tashmë i ka marrë vendimet për 40 shërbime, që gjithsesi edhe sot ofrohen me kosto më të ulët për studentët”.

Studentet sipas Kryetarit të Bashkisë do të mund të përfitojnë me çmim të reduktuara edhe shërbime që ofrohen nga privati.

“Karta e re studentore që do të emetohet në Tiranë përpara kësaj vere, do të mundësojë një bashkëpunim edhe me privatin, pra përveç 40 shërbimeve që bashkia i ofron të reduktuara, edhe privatët mund të futen në këtë bashkëpunim, kur vjen puna tek dyqanet, tek shpenzimet”.

Kryetari i bashkisë deklaratat i bëri në takimin që zhvilloi me 20 praktikantët e përzgjedhur për të vijuar praktikat e punës në Bashki. Përmes Programit Kombëtar të Praktikave të Punës, studentëve dhe të sapodiplomuarve u ofrohet mundësia që të fitojnë një eksperiencë të parë pune 3 mujore në institucionin e Bashkisë së Tiranës. /abcnews.al

Veliaj-ne-zyrat-e-reja-te-ALEAT-per-Njesine-6-7-1-1280x854.jpg

Përveç zyrave të aplikimit pranë njësive bashkiake, në Tiranë po hapen zyra të reja për aplikimin për karta identiteti dhe pasaporta biometrike. Kryebashkiaku Veliaj tha se të gjithë qytetarët që kanë nevojë për këtë shërbim, do të gjejnë ambientet e duhura.

Një hapësirë në afërsi të Pallatit me Shigjeta, që deri para disa javësh shërbente si lloto, është transformuar totalisht, për t’u kthyer në një nga zyrat e aplikimit për karta identiteti dhe pasaporta biometrike për banorët e Njësive Administrative 6 dhe 7.

Erion Veliaj: Unë besoj se identiteti real i këtij qyteti është ai që jemi, ai që përfaqësojmë, familja jonë, dhe nuk janë pikat e basteve, llotot dhe bingot. Më pëlqen që me transformimin e një hapësire, që më përpara ishte e pamundur ta aksesoje, pra me lirimin e pikave të basteve, edhe bashkia mund të përballojë qira në ish-epiqendrat e vesit. Është një lajm shumë i mirë për qytetin.

Kryebashkiaku shtoi se krahas zyrave të posaçme të ALEAT-it, që po hapen në zona të ndryshme të Tiranës, funksionojnë paralelisht edhe zyrat pranë njësive administrative, ku gjithashtu qytetarët mund të aplikojnë për karta dhe pasaporta identiteti.

Erion Veliaj: Në punë 4-5 minuta mbaron i gjithë procesi për marrjen e kartës së identitetit. Dua t’i ftoj të gjithë qytetarët, t’i japim prioritet atyre që janë të moshuar, atyre që udhëtojnë, emigrantëve, ngaqë dokumenti iu duhet jo vetëm në Shqipëri, por edhe në vendet e tjera, ku shtyrja e afatit nuk vlen. Ndaj, ftesa për të gjithë banorët është të mos humbasim kohë.

Zëvendësministrja e Brendshme, Rovena Voda, vlerësoi bashkëpunimin mes pushtetit vendor, Ministrisë së Brendshme dhe kompanisë ALEAT, për të krijuar kushte sa më të mira për aplikimet për dokumentet biometrike të identifikimit./abcnews.al

Veliaj-gjate-aktvitetitit-me-ambasadorin-e-Qatarit-4-1280x854.jpg

Me rastin “Ditës Kombëtare të Sportit në Katar”, Bashkia e Tiranës dhe Ambasada e Katarit organizuan minikampionatin e basketbollit. Sipas kryebashkiakut Erion Veliaj çdo 12 shkurt në kryeqytet do të organizohet dita e sportit.

Me rastin e “Ditës Kombëtare të Sportit në Katar”, Bashkia e Tiranës dhe Ambasada e Katarit në vendin tonë organizuan mini-kampionatin e basketbollit, me pjesëmarrjen e ekipeve të ndryshme të kryeqytetit.

Këtij organizimi sportiv iu bashkua edhe kryetari i Bashkisë së Tiranës, dhe ambasadori i Katarit në vendin tonë, të cilët nxitën të rinjtë që të merren sa më shumë me sport.

“Jam shumë entuziast kur shoh çuna e goca që luajnë bashkë dhe që, edhe dinë të fitojnë, por edhe dinë të humbasin sepse jeta ka edhe fitore, edhe humbje. Rëndësi ka jo sa herë rrëzohemi, por sa herë ngrihemi, që të vazhdojmë lojën prapë dhe të dalim me sukses edhe në jetë, edhe në sport. Dita e Sportit, edhe në Tiranë, që duam ta bëjmë çdo 12 Shkurt me ambasadën dhe miqtë e sportit në qytetin tonë”.

Kryebashkiaku Veliaj gjithshtu u shpreh se bashkëpunimi me Katarin do vazhdojë edhe me disa projekte të tjera në infrastrukturën arsimore në Tiranë./abcnews.al

Bashkia e Tiranës ka kryer asfaltimin e rrugës “Fiqiri Basha”, në Laprakë. Pas përfundimit të rehabilitimit të gjithë infrastrukturës nëntokësore, përfshi rrjetin e ujërave të zeza dhe ujërave të bardha, shtrirjen e rrjetit të ujësjellësit dhe atyre telefonike, ndërmarrjet e Bashkisë së Tiranës kanë vijuar punën për ndërtimin e gjithë infrastrukturës sipërfaqësore, asfaltim, ndriçim dhe sinjalistikë.

Njësia nr. 11 në Tiranë është një nga njësitë që ka përfituar një sërë investimesh rrënjësore, duke ndryshuar rrënjësisht pamjen e shumë lagjeve në të./abcnews.al

Older Posts

Bashkia e Tiranës

Bashkia e Tiranës plan masash për vitin e ri mësimor

Bashkia e Tiranës do të ndërtojë 4 banesa në Floq

Bashkia e Tiranës vlerësohet me çmim

Bashkia e Tiranës nis ndërtimin e kopshtit të ri nr. 58 në Kodër-Kamëz

Bashkia e Tiranës me një grup të rinjsh fikën dritat e kryeqytetit

Veliaj: Unë dhe Rama si mishi me thoin, ju tregoj vërejtjet për qeverinë

20 studentë nisin praktikën e punës në Bashkinë e Tiranës

Hapen zyra të reja për aplikim për karta dhe pasaporta në Tiranë

Organizohet minikampionati i basketbollit

Bashkia e Tiranës përfundon asfaltimin e rrugës “Fiqiri Basha”

Beteja për Parisin përçan partinë e Macron

“Sundimi i rendit dhe ligjit” shkon në Bruksel

“Do të më pëlqente azili politik në Francë”