Në ditën e 58 të luftës Rusi-Ukrainë, zyrtarët ukrainas pretendojnë se në rajonet e Doneskut dhe Luhanskut po zhvillohen luftime të ashpra.
Përfaqësuesja e zyrës së presidentit ukrainas, Olena Symonenko tha mbrëmjen e djeshme se në 24 orët e fundit rusët kishin pushtuar 42 fshatra në rajonin e Doneskut.
Ndërkohë kreu i administratës ushtarake rajonale të Luhanskut tha se forcat ruse po përparojnë në tre drejtime drejt qyteteve Rubizhne, Popasna dhe Novotoshkivske.
“Armiku po përpiqet të avancojë në zonën e Rubizhnes”, tha ai.
“Betejat mbrojtëse me armikun vazhdojnë në drejtim të vendbanimeve Novotoshkivske dhe Popasna.
80% e territorit të Luhansk është nën kontrollin rus. Forcat ruse kanë bërë një përpjekje të madhe në javët e fundit për të drejtuar pushtimin e tyre drejt marrjes së zonave në Ukrainën lindore dhe jugore./abcnews.al/
