Tashmë është zyrtare. Edhe Federata Spanjolle ka vendosur që për dy javët e ardhshme ndeshjet e La Ligës të zhvillohen me dyer të mbyllura. E gjithë kjo bëhet për të ndaluar përhapjen e Coronvirusit, gripi i cili tashmë po përhapet me shpejtësi në të gjithë Europën.
Ndeshjet nuk do të pezullohen, siç ndodhi në kampionatin Italian, por do të luhen pa tifozë. Kështu do të ndodhë edhe me sfidat e Segunda Division. Një lajm jo i mirë për të gjithë sportdashësit dhe mesa duket tashmë situate po bëhet serioze.
Seria A është pezulluar të paktën deri në datën 3 prill. Shumë ndeshje në Europë janë shtyrë ose zhvilluar pa tifozë. Ndërkohë dhe disa ndeshje të Championsit apo të Europa League do të zhvillohen me dyer të mbyllura. /abcnews.al
