Nikola Vlasic u përfol gjatë gjithë verës si objektiv i Milanit, por në fakt rezultoi e gjitha një zhurmë mediatike për të zgjuar interesin e klubeve të tjera.
Kuqezinjtë nuk mund ta përballonin financiarisht një lëvizje të tillë dhe me shumë gjasa as që janë futur ndonjëherë në garë.
Gjithsesi loja e menaxherëve ka pasur rezultat, pasi Vlasic është transferuar në Premier League dhe do të veshë fanellën e West Ham United.
Anglezët thuhet se kanë paguar 30 milion euro te CSKA Moscow, për 24-vjeçarin që më parë ka luajtur me Everton në kampionatin anglez.
Welcome to West Ham United, Nikola Vlasic! ✍️
— West Ham United (@WestHam) August 31, 2021
Vlasic, edhe pse mesfushor, me CKSA ka shënuar 12 dhe 11 gola në dy sezonet e fundit. Me West Ham ai firmos deri më 30 qershor 2026, ndërkohë që rusët presin edhe 9 milion të tjera në formë bonusesh nga ky transferim. /abcnews.al
