Klubi i Fiorentinës ka konfirmuar pak orë më parë Beppe Iachinin, si trajnerin e tyre dhe për sezonin e ardhshëm. Tekniku italian zëvendësoi Vincenzo Montellën në dhjetor, kur skuadra violë humbi 4-1 kundër Romës. Iachini firmosi deri në fundin e këtij sezoni dhe drejtuesit i kanë besuar dhe për një vit tjetër.
“Jam shumë i lumtur, pasi për mua Fiorentina është diçka speciale. Ky klub do të jetë gjithmonë në zemrën time. Dua të falënderoj të gjithë pjesëtarët e klubit, duke filluar nga presidenti Rocco Commisso, Joe Barone dhe Daniele Prade për mbështetjen dhe besimin që më kanë dhënë”, janë fjalët e italianit, i cili u konfirmua pas fitores 4-0 me Bolognën mbrëmjen e djeshme.
“Gjithashtu dua të falënderoj të gjithë lojtarët për profesionalizmin që kanë treguar ndaj meje dhe stafit teknik. Shpresoj që përmes punës tonë t’i japim mundësinë vetes dhe tifozërisë sonë vetëm momente të bukura,” mbyll Iachini. Aktualisht Fiorentina renditet në vendin e 10 në Seria A, kur ka mbetur dhe një ndeshje nga fundi i kampionatit. /abcnews.al
IACHINI CONFERMATO ?
ACF Fiorentina comunica che Mister Giuseppe Iachini rimarrà alla guida tecnica della Prima Squadra gigliata anche per la stagione 2020/21 ?
I DETTAGLI ➡️ https://t.co/RPpRtL6DSH#ForzaViola ? #Fiorentina pic.twitter.com/R9bZAUSFZr
— ACF Fiorentina (@acffiorentina) July 30, 2020
