Hector Cuper është gati të nisë një aventurë të re në karrierën e tij të gjatë. Trajneri argjentinas, i njohur për dështimet e shumta në finale, është zyrtarisht timonieri i ri i Kongos.
Afrikanët do të jenë kombëtarja e katërt që do të drejtojë 65-vjeçari latin pas eksperiencave që pati te Gjeorgjia, Egjipti dhe Uzbekistani.
Cuper ia ka dalë të dërgojë Mallorcan në finalen e Kupës së Kupave (1999), teksa luajti dy finale të Champions League me Valencian, të cilët i humbi të dyja.
Më pas titulli i famshëm i vitit 2002 me Interin. Zikaltrit ishin një hap larg suksesit, por dështuan në javën e fundit dhe festa u transferua në Torinon bardhezi.
Tani do të tentojë të ndihmojë Kongon me eksperiencën e madhe që zotëron, me shpresën që fati, diçka që i ka munguar sistematikisht, të jetë në anën e tij më në fund. /abcnews.al
