Loading ...
Një qytet në Zvicer foli shqip këtë fundjavë.
Në Sent Galen u mbajt për dy ditë me radhë Kupa “Roha Igells” në futbollin e sallës, me pjesëmarrje vërtet masive.
Në finale skuadra “Finance Sky AG” mundi 5-0 rivalin Tim Uork 24 nga Bosnja duke u bërë fitues me meritë.
Organizator i turneut ishte shqiptari i Zvicrës, Leonor Krasniqi, në një bashkëpunim të klubeve FC Besa dhe “Roha Igells”.
Aktiviteti pati pjesëmarrje të 48 ekipeve nga Zvicra, Europa e gjithë bota, me qindra futbollistë dhe stafe teknike.
Në Qendrën Atletikë në St. Gallen pati ndeshje të forta me nivel në rritje.
Në gjysmë finale arritën edhe ekipi Ilirians i shqiptarëve të Zvicrës nga Friburgu, dhe ekipi Bashkim Bujupi nga Kosova, por u eliminuan pas penalltive.
Shpërblimi total për 4 ekipet e para është 20 000 franga zvicerane.
Fituesi mori 10 000 franga, finalisti 6000, vendi i tretë 3000 dhe vendi katërt 1000 franga zvicerane.
Edicioni i radhës pritet të mbahet në shkurt 2026, nën organizimin e klubeve FC Besa dhe Soha Eagles.
