Lordi kolumbian i drogës Daniel Redon Herrera, ose “Don Mario”, u dënua të hënën nga një gjykatë në Nju Jork me 35 vjet burg dhe të paguajë një gjobë prej 45 milionë dollarësh , njoftoi Departamenti i Drejtësisë i SHBA.
Ish-udhëheqësi paraushtarak i ekstremit të djathtë, 57 vjeç, u deklarua fajtor vitin e kaluar. Ndër të tjera ai akuzohej se kishte importuar dhjetëra tonë kokainë në territorin amerikan .
Una Jueza en Nueva York sentenció el lunes a Daniel Rendón-Herrera, exjefe del Clan del Golfo y quien fue uno de los narcotraficantes más buscados en Colombia, a 35 años de cárcel https://t.co/LFrdDKUGo7 pic.twitter.com/2KdO6sARuq
— SinEmbargo (@SinEmbargoMX) October 18, 2022
Gjykata e dënoi atë me 35 vjet burg për pjesëmarrje në aktivitete kriminale si drejtues i Clan del Golfo, kartelit më të fuqishëm të drogës në Kolumbi.
Ai u dënua gjithashtu me 15 vjet burg për “konspiracion dhe komplot për të ofruar mbështetje materiale për një organizatë terroriste, Forcat e Bashkuara të Mbrojtjes së Kolumbisë (AUC),” një organizatë paraushtarake e ekstremit të djathtë që u shndërrua në Klan, thuhet në deklaratën e Departamentit të Drejtësisë. /abcnews.al/
