Loading ...
TIRANË- Katër persona janë vënë në pranga pas zjarrit që përfshiu pallatin një ditë më parë në Tiranë. ABC News mëson se në pranga janë vënë menaxherja e “Big Market” nga ku nisën flakët, si edhe administratori i pallatit 12 katësh, nënkontraktoi i fasadës dhe inxhinieri i punimeve.
Sakaq është shpallur në kërkim është ndërtuesi i kompleksit Armand Lilo.
Të arrestuarit:
Enver Admi, inxhinier
Altin Furtuna, kontraktori që ka bërë fasadën
Razie Sula, menaxhere e “Big Market”
Agron Cara, Administrator i pallatit
Pallati 12 katësh në kompleksin “Arils” pranë Qendrës Spitalore “Nënë Tereza” në Tiranë u përfshi i gjithi në flakë pasditen e së martës, duke shkaktuar dëme të shumta materiale. Paraprakisht dyshohet se 30 apartamente janë shkrumbuar plotësisht ndërsa shumë të tjerë janë dëmtuar pjesërisht.
Shkaqet e zjarrit nuk dihen ende. Grupi hetimor është kthyer sërish në zonë dhe po bën verifikimet. Dyshohet se fillimisht zjarri ka nisur në katin e parë, te marketi Big Market, dhe më pas është përhapur në të gjithë pallatin ndihmuar dhe nga materiali i fasadës. Për neutralizimin e flakëve, zjarrëfikësve iu deshën rreth katër orë luftë me flakët dhe ndihma e një helikopteri ‘cugar’./abcnews.al
