Greqia dy ditët e fundit po përballet me zjarre masive që kanë përfshirë një pjesë të madhe të vendit.
Si pasojë e përhapjes me shpejtësi e vatrave të zjarrit janë djegur edhe shtëpitë e parë në vendbanimet e Nea Zoit.
Në kuadër të kësaj situate emergjente Mbrojtja Civile ka bërë apel për banorët e Nea Zois Mandras dhe Neos Pontos Elefsina, që të largohen nga vendbanimet e tyre pasi u rrezikohet jeta nga zjarri.
Njëkohësisht forca të shumta policie ndodhen në terren dhe po punojnë për të bindur banorët që të lënë shtëpitë e tyre që janë të rrezikuara nga zjarret.
Një ndër frontet më të vështira të zjarrit mbetet zona e Dervenochoria. Gjithashtu edhe zona të tjera si të Nea Zoit dhe Neo Pontos janë nën “pushtetin” e flakëve./abcnews.al
