Një zjarr i madh ka përfshirë shpatin e malit mbi fshatin Luzat në Tepelenë.
Gazetari Elidon Berberi raporton se zjarri është i përmasave të mëdha dhe me gjithë ndërhyrjen e forcave zjarrfikëse të të gjithë qarkut të Gjirokastrës është e pamundur vendosja e tij nën kontroll.
Aktualisht po ndërhyn edhe një helikopter Cougar, i cili furnizohet me ujë në Bajkaj të Delvinës. Në terren janë zjarrfikëset e Tepelenës, Memaliajt, Gjirokastrës dhe Përmetit.
Në ndihmë ka shkuar edhe një zjarrfikëse e Forcave të Armatosura. Në terren janë mbi 80 efektivë si dhe vullnetarë./abcnews.al
