Hakim Ziyech do të transferohet te Chelsea në sezonin e ardhshëm. Ylli i Ajax rrëfen se dy janë shkaqet që e bindën për të zgjedhur “Blutë e Londrës”: trajneri Lampard dhe stili ofensiv që preferon të praktikojë skuadra angleze.
“Lampard ka pasur një rol të rëndësishëm në zgjedhjen e Chelsea, kontaktet mes nesh në javët e fundit kanë qenë të shpeshta. Në fillim flisnim vetëm në telefon, më pas nisëm të komunikonim me mesazhe. Më ka lënë një përshtypje shumë të mirë dhe trajneri ka ndikuar në vendimin tim.
Chelsea është një klub i madh. Më pëlqen stili i tyre i lojës, sulmojnë gjithmonë dhe kjo është një nga faktorët që më bindi. Futbolli që luan Chelsea është shumë i përshtatshëm për mua“, thekson Hakim Ziyech. /abcnews.al
