Gjykata e Posaçme e Apelit ka rrëzuar kërkesën e Olsi Turjas, një nga të akuzuarit për pengmarrjen e Jan Prengës.
I akuzuari Turja kishte kundërshtuar zgjatjen e afateve të hetimit nga SPAK, me 3 muaj.
Sipas prokurorisë Turja është person i dyshuar si bashkëpuntor në këtë pengmarrje dhe që ka fshirë gjurmët e gjakut të Prengës në kompleksin Golden në Shijak.
Jan Prenga u rrëmbye më datë 17 janar dhe u godit ndërkohë që po çohej në kompleksin “Golden” sipas policisë. Gjatë asaj dite autorët e nxorën atë të vdekur nga kompleksi duke e futur në qese të zeza për ta groposur diku.
Të arrestuar për këtë ngjarje të rëndë janë Bajram Hajri, Elton Hajri, Leonard Hajri, Olsi Turja dhe Festim Bexhdili. /abcnews.al
