Zgjedhjet presidenciale amerikane janë vitin e ardhshëm dhe sipas sondazheve deri më tani, ish presidenti Donald Trump ka epërsi ndaj presidentit aktual Joe Biden në dy shtete kritike: Michigan dhe Georgia.
Sipas CNN, të dyja shtetet kanë pikëpamje negative për performancën e presidentit në detyrë. Në Georgia, një shtet i fituar nga Biden me një diferencë shumë të vogël në vitin 2020, votuesit e regjistruar thonë se preferojnë Trump (49%) sesa Biden (44%).
Në Michigan, në të cilin Biden e fitoi me një diferencë më të madhe, Trump ka fituar 50% të mbështetjes ndaj 40% kundrejt Biden, me 10% që thonë se nuk do të mbështesin asnjërin nga kandidatët. Si në Michigan ashtu edhe në Georgia, pjesa e votuesve që thonë se nuk do të mbështesin asnjërin nga kandidatët është të paktën aq e madhe sa diferenca midis Biden dhe Trump.
Trump dhe Biden duket se janë të nominuarit më të mundshëm për partitë e tyre përkatëse në zgjedhjet presidenciale të vitit të ardhshëm, me sfiduesit kryesorë të Biden dhe Trump që janë shumë përpara rivalëve të tyre në pothuajse të gjitha sondazhet.
Vetëm 35% në Michigan dhe 39% në Georgia thonë se Biden ka bërë një punë të mirë, sipas sondazheve, ndërsa shumica në të dy shtetet thonë se politikat e tij kanë përkeqësuar kushtet ekonomike në vend (54% në Georgia, 56% në Michigan).
Shumica e votuesve në të dy shtetet thonë se Biden, i cili është 81 vjeç, nuk ka tiparet që ata kërkojnë nga një president kur bëhet fjalë për pozicionet e tij politike (57% në Michigan, 56% në Georgia), aftësinë e tij për të kuptuar problemet e njerëz si ata (60% në Michigan, 56% në Georgia) apo mprehtësinë dhe qëndrueshmërinë e tij (69% në Michigan, 66% në Georgia).
/abcnews.al
