Ekipi i presidentit amerikan Joe Biden në vitin 2024 tha të premten se ai dhe Partia e tij Demokratike mblodhën 77 milionë dollarë që nga fillimi i fushatës.
Këto fonde do ta ndihmojnë atë në shtetet me konkurrencë politike dhe do ta ndoihmojnë të fillojë të ndërtojë një ekip fushate përpara asaj që mund të jetë më shumë se një fushatë prej 1 miliard dollarësh dhe gara më e shtrenjtë në histori.
Kandidati kryesor republikan, ish-presidenti Donald Trump, mblodhi më shumë se 35 milionë dollarë gjatë periudhës prill-qershor, sipas një zyrtari të fushatës. Guvernatori i Floridës dhe kandidati republikan presidencial Ron DeSantis mblodhi 20 milionë dollarë në të njëjtën periudhë,
Biden nuk pritet të përballet me një sfidë serioze për emërimin e partisë së tij dhe aleatët e tij drejtojnë operacionet e Komitetit Kombëtar Demokratik. Ndërkohë, republikanët po shpenzojnë një pjesë të fondeve të fushatës së tyre për luftën kundër njëri-tjetrit.
Shifrat e vëzhguara nga afër të mbledhjes së fondeve të Bidenit shihen si një provë entuziazmi si mes donatorëve bazë dhe të pasur për Biden, 80 vjeç, i cili luftoi me dyshimet për moshën e tij në vendimin për të kërkuar një mandat tjetër katërvjeçar në 2024.
Biden mundi Trump në zgjedhjet e 2020.
Shifrat e tij krahasohen me 105 milionë dollarë të mbledhura nga presidenti i atëhershëm Trump dhe Komiteti Kombëtar Republikan në tremujorin e dytë të 2019, si dhe 86 milionë dollarë të mbledhura nga Presidenti Barack Obama në 2011.
Trump nisi fushatën e tij në qershor të atij viti, por kishte filluar të mblidhte para ndërsa Obama e nisi fushatën më 4 prill.
Kjo do të thotë se Obama kishte më shumë kohë se Biden për të mbledhur para gjatë 3 mujorit të parë.
/abcnews.al
