Argumenti kryesor i fushatës zgjedhore të Joe Biden përmblidhet në një fjali: “Votoni për mua sepse nuk jam Donald Trump”. Por a mjafton të paraqesë rivalin e tij të përhershëm si një kërcënim për të qëndruar në Shtëpinë e Bardhë?
Fitorja dërrmuese e Trump në Ioëa “sqaroi” situatën, sipas Abu Amara, një avokat dhe analist politik demokrat.
“Rezultati në Ioëa nxori në dritë aksionet e zgjedhjeve: nuk do të jetë vetëm një përballje e programeve politike, do të jetë një betejë për demokracinë”, theksoi ai.
Sa më shumë që Donald Trump të jetë në qendër të vëmendjes, aq më mirë do të jenë gjërat për 81-vjeçarin Biden. Të paktën ky është vlerësimi i fushatës presidenciale demokrate, raporton abcnews.al.
Ai arriti në këtë përfundim pas një sondazhi që kreu dhe publikoi nga rrjeti televiziv CNN, se tre të katërtat e votuesve të pavendosur ende nuk e kuptojnë se Trump është favorit për të fituar në radhët e republikanëve.
Tashmë zyrtarë të rëndësishëm demokratë synojnë të krijojnë frikë tek votuesit përballë mundësisë së kthimit në pushtet të ish-presidentit 77-vjeçar, i cili, siç shprehet ai vetë, ka një dëshirë për “hakmarrje”.
Ish-Zonja e Parë e SHBA-së, Michelle Obama, tha se ishte “e tmerruar” dhe zëvendëspresidentja Kamala Harris tha po ashtu të njëjtën gjë dukë thënë se nuk duhet të largohemi nga ajo që kemi frikë por ta luftojmë.
Para fillimit të fushatës, Biden këmbënguli: “Mos më krahasoni me Zotin e plotfuqishëm, më krahasoni me alternativën”. Dhe alternativa është Donald Trump, me akuzat e shumta penale, refuzimin për të pranuar humbjen e tij në zgjedhjet e 2020, kërcënimet ndaj emigrantëve dhe kundër kundërshtarëve të tij politikë.
Në orët dhe ditët pas zgjedhjeve paraprake në Iowa, fushata e Bideni rriti apelet për donacione, raporton abcnews.al.
Në një mesazh me email, guvernatori demokrat i Kalifornisë, Gavin Newsom e quajti fitoren e Trump në Iowa, një shtet konservator, “momenti më i rëndësishëm në fushatën për të rizgjedhur Joe Biden”.
Madje ai ka komentuar edhe dallimin mes dy burrave, duke përmendur “ndryshimin mes ditës dhe natës”.
Fushata zgjedhore “nuk do të fokusohet në programin” e demokratit, i cili deri tani është inekzistent, parashikoi Ëilliam Galston, ekspert në Institutin Brookings. Votuesve do t’u kërkohet “të zgjedhin midis dy kandidatëve, rekordet dhe stilin e qeverisjes së të cilëve ata tashmë i njohin”, shtoi ai.
Por ky arsyetim nuk vlen për disa votues që ishin adoleshentë gjatë presidencës së Trump (2017-2021) dhe që nuk i mbajnë mend domosdoshmërisht veprat dhe qeverisjen e tij.
Votuesit e rinj për herë të parë luajtën një rol të rëndësishëm në zgjedhjen e Biden në vitin 2020. Edhe ata mendojnë se mbrojtja e “demokracisë është një mesazh i rëndësishëm, por jo i mjaftueshëm”, tha Abu Amara, duke u bërë thirrje demokratëve që “të merren seriozisht” me votuesit.
Ndërsa Biden do të marrë mesazhin e tij për demokracinë në nivel kombëtar, ekipi i tij i fushatës do të synojë grupe specifike votuesish në nivel lokal me mesazhe më specifike: të drejtat e abortit, lehtësimin e borxhit të studentëve, mirëqenien për të moshuarit, të drejtat civile të afro-amerikanëve.
Në të njëjtën kohë kohë, demokrati do të mbështetet në kontributin e Harris, ish-presidentit Barack Obama ose zyrtarëve të tjerë partiakë në shtetet më të rëndësishme strategjike, si Gretchen Whitmer, guvernatorja e Michigan ose senatori i Xhorxhias Raffae Warnock.
/abcnews.al
