Ish-kryeministri i Malit të Zi, Zdravko Krivokapiç u ka kërkuar qytetarëve malazezë që të tregojnë mençuri në zgjedhjet parlamentare të 11 qershorit.
Përmes një postimi në rrjetet sociale, Krivokapiç akuzoi kryeministrin me mandat teknik, Dritan Abazoviç, se bashkë me ish-presidentin Milo Gjukanoviç rrëzoi qeverinë që ai drejonte një vit më parë dhe qeverinë aktuale.
Sipas tij, Abazoviç dëshiron të mbetet kryeministër pafundësisht.
“Njeriu që së bashku me DPS-në rrëzuan Qeverinë e 42-të, sipas të njëjtës recetë, me keqpërdorimin e aparatit shtetëror, po rrëzon në mënyrë parandaluese Qeverinë e 44-të dhe idenë e një qendre politike. Ai e bën këtë vetëm për motive egoiste dhe mondane: të mbetet kryeministër pafundësisht. Prandaj të nderuar qytetarë, tregohuni të urtë të dielën. Është koha”, shkroi Krivokapiç në Twitter.
Човјек који је заједно са ДПС-ом срушио 42. Владу, сада по истом рецепту, уз злоупотребу државног апарата, унапријед руши 44. Владу и идеју политичког центра. То ради искључиво из себичне и приземне побуде: да остане премијер унедоглед. Зато, уважени грађани, мудро у недјељу.…
— Zdravko Krivokapić (@profKrivokapic) June 8, 2023
